കോഴിക്കോട് കൂടരഞ്ഞിയിൽ ബൈക്കും കാറും കൂട്ടിയിടിച്ച് അപകടം; പരിക്കേറ്റ യുവാവ് മരിച്ചു, ഒപ്പമുണ്ടായിരുന്ന സുഹൃത്ത് ചികിത്സയിൽ

കോഴിക്കോട്: ( www.truevisionnews.com) കൂടരഞ്ഞി - മുക്കം റോഡിൽ ഉണ്ടായ വാഹനാപകടത്തിൽ പരിക്കേറ്റ യുവാവ് മരിച്ചു. പൂവാറംതോട് സ്വദേശി ബിനുവിന്റെ മകൻ അഭിജിത്ത് (22) ആണ് മരിച്ചത്. ഇന്ന് പുലർച്ചെയായിരുന്നു അപകടം. കൂടരഞ്ഞിക്ക് സമീപം വർക്ക്‌ഷോപ്പിന് മുന്നിലുള്ള വളവിൽ വെച്ച് എതിർദിശയിൽ വന്ന ആൾട്ടോ കാറും പൾസർ ബൈക്കും നേർക്കുനേർ കൂട്ടിയിടിക്കുകയായിരുന്നു.

ബൈക്കിൽ അഭിജിത്തിനൊപ്പം ഉണ്ടായിരുന്ന സുഹൃത്തിനും അപകടത്തിൽ ഗുരുതരമായി പരിക്കേറ്റിട്ടുണ്ട്. അപകടം നടന്ന ഉടൻ തന്നെ നാട്ടുകാരും വഴിയാത്രക്കാരും ചേർന്ന് പരിക്കേറ്റ രണ്ടുപേരെയും മുക്കം കെ.എം.സി.ടി മെഡിക്കൽ കോളേജ് ആശുപത്രിയിൽ എത്തിച്ചു. ആശുപത്രിയിൽ എത്തിച്ചെങ്കിലും അഭിജിത്തിന്റെ ജീവൻ രക്ഷിക്കാനായില്ല.

പരിക്കേറ്റ സുഹൃത്ത് ഇപ്പോൾ ആശുപത്രിയിൽ ചികിത്സയിലാണ്.അപകടത്തിന്റെ ആഘാതത്തിൽ കാറിനും ബൈക്കിനും സാരമായ കേടുപാടുകൾ സംഭവിച്ചു. സംഭവത്തെ തുടർന്ന് കുറച്ചുസമയം കൂടരഞ്ഞി - മുക്കം റോഡിൽ ഗതാഗതം തടസ്സപ്പെട്ടു.

Also read: 'സ്ത്രീയോട് എന്നല്ല ആരോടും ഇങ്ങനെ ചെയ്യാൻ പാടില്ല, തീവ്രത' എന്ന വാക്ക് ഞാനുപയോഗിച്ചിട്ടില്ല'- വിതുമ്പി പി.കെ. ശ്രീമതി

അമിതവേഗവും വളവിൽ നിയന്ത്രണം നഷ്ടമായതുമാണ് അപകടകാരണമെന്നാണ് പ്രാഥമിക നിഗമനം. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.യുവാവിന്റെ മരണത്തിൽ നാട് ദുഃഖത്തിലാണ്. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.

Content Highlight: Youth Dies In Car Bike Accident On Kozhikode Koodaranji Mukkam Road

#Kozhikode Accident #Road Accident #Youth Death #Koodaranji #KMCT Hospital