---
title: "ഫുട്ബോൾ കളിക്കിടെ ദേഹാസ്വാസ്ഥ്യം; റഫറി കുഴഞ്ഞുവീണു മരിച്ചു"
english_title: "Kasaragod: 46-Year-Old Man Dies After Collapsing During Football Match in Kumbala"
publisher: "truevisionnews.com"
canonical_url: "https://truevisionnews.com/news/374018/kasaragod-kumbala-football-player-dies-collapsed"
published_at: "2026-07-23T06:32:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a6168a34d79d_kasaragod-kumbala-football-player-dies-collapsed.jpg"
keywords: ["Latest News", "Sudden Death", "Heart Attack", "Kasaragod News"]
---

# ഫുട്ബോൾ കളിക്കിടെ ദേഹാസ്വാസ്ഥ്യം; റഫറി കുഴഞ്ഞുവീണു മരിച്ചു

> **Lead Summary:** കാസർകോട്: കാസർകോട് കുമ്പളയിൽ ഫുട്ബോൾ കളിക്കിടെ റഫറി കുഴഞ്ഞുവീണ് മരിച്ചു. കുമ്പള ഉളുവാർ ബദ്രിയ മൻസിൽ സ്വദേശി അബ്ദുല്ലയുടെയും ഖദീജയുടെയും മകൻ ഹസ്സൻ ഉളുവാർ ആണ് മരിച്ചത്.

## Article Content

കാസർകോട്: കാസർകോട് കുമ്പളയിൽ ഫുട്ബോൾ കളിക്കിടെ റഫറി കുഴഞ്ഞുവീണ് മരിച്ചു. കുമ്പള ഉളുവാർ ബദ്രിയ മൻസിൽ സ്വദേശി അബ്ദുല്ലയുടെയും ഖദീജയുടെയും മകൻ ഹസ്സൻ ഉളുവാർ ആണ് മരിച്ചത്.

ഇന്നലെ വൈകുന്നേരം 6 മണിയോടെ കുമ്പളയിലെ ഫുട്ബോൾ മൈതാനത്ത് നടന്ന മത്സരത്തിൽ റഫറിയായി നിൽക്കുന്നതിനിടെയാണ് സംഭവം. കളി നടക്കുന്നതിനിടെ പെട്ടെന്ന് തലകറക്കം അനുഭവപ്പെട്ട ഹസ്സൻ കുഴഞ്ഞുവീഴുകയായിരുന്നു.

ഉടൻ തന്നെ ഒപ്പമുണ്ടായിരുന്നവർ കുമ്പളയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തിച്ചപ്പോഴേക്കും മരണം സംഭവിച്ചതായി ഡോക്ടർമാർ അറിയിച്ചു.ഹസ്സൻ പ്രദേശത്തെ പ്രശസ്തനായ ഫുട്ബോൾ കളിക്കാരനും റഫറിയുമായിരുന്നു.

നാട്ടിലെ വിവിധ ടൂർണമെന്റുകളിൽ സ്ഥിരമായി റഫറിയിങ് നടത്താറുണ്ടായിരുന്നു. കായികക്ഷമതയുള്ള ആളായിരുന്ന ഹസ്സന്റെ പെട്ടെന്നുള്ള മരണം നാട്ടുകാരെ ഞെട്ടിച്ചു.ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. എന്നാൽ കൂടുതൽ കാരണങ്ങൾ വ്യക്തമാകാൻ പോസ്റ്റ്മോർട്ടം റിപ്പോർട്ട് വേണ്ടിവരും.

ഭാര്യ: സമീറ. മകൾ: ഖദീജ അൻഫാ. മൃതദേഹം ബന്ധുക്കൾക്ക് വിട്ടുനൽകി. സംസ്കാരം ഇന്ന് ഉളുവാർ ജുമാ മസ്ജിദ് ഖബർസ്ഥാനിൽ നടക്കും.പ്രദേശത്തെ കായിക-സാമൂഹിക രംഗങ്ങളിൽ സജീവമായിരുന്ന ഹസ്സന്റെ മരണത്തിൽ നിരവധി പേരാണ് അനുശോചനം രേഖപ്പെടുത്തിയത്.

### Related Links & Sources
- [Original Story Source](https://truevisionnews.com/news/374018/kasaragod-kumbala-football-player-dies-collapsed)