---
title: "  ഡൽഹിയിൽ  ഇന്നലെ നടന്നത് നരനായാട്ട്, തന്നെ ആർക്കുവന്നും കാണാം,  ഓഫീസിൽ അനുമതി നിഷേധിച്ചെന്ന വാർത്തകൾ തെറ്റെന്നും വി.ഡി. സതീശൻ"
english_title: "VD Satheesan Condemns Delhi Police Action, Denies Office Visit Denial Claims"
publisher: "truevisionnews.com"
canonical_url: "https://truevisionnews.com/news/373872/vd-satheesan-delhi-police-man-hunt-office-visit-clarification-NEW-"
published_at: "2026-07-22T11:00:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6a60563c56506_vd-satheesan-delhi-police-man-hunt-office-visit-clarification.jpg"
keywords: ["VD Satheesan", "Delhi Police", "NEET Protest", "Kerala Opposition Leader", "Man-hunt", "KSU", "Aloysius Xavier", "Office Visit"]
---

#   ഡൽഹിയിൽ  ഇന്നലെ നടന്നത് നരനായാട്ട്, തന്നെ ആർക്കുവന്നും കാണാം,  ഓഫീസിൽ അനുമതി നിഷേധിച്ചെന്ന വാർത്തകൾ തെറ്റെന്നും വി.ഡി. സതീശൻ

> **Lead Summary:** **തിരുവനന്തപുരം: **ഡൽഹിയിൽ പ്രതിഷേധക്കാർക്ക് നേരെ ഉണ്ടായ പൊലീസ് അതിക്രമങ്ങൾക്കെതിരെ രൂക്ഷവിമർശനവുമായി പ്രതിപക്ഷ നേതാവ് വി.ഡി. സതീശൻ. വിദ്യാർഥികളോട് ക്രൂരമായ സമീപനമാണ് കേന്ദ്രസർക്കാർ സ്വീകരിച്ചത്. ഡൽഹിയിൽ ഇന്നലെ നടന്നത് നരനായാട്ടാണെന്നും ദില്ലി സംഘര്‍ഷത്തിൽ പൊലീസ് നടപടി വളരെ മോശമായ രീതിയിലാണെന്നും അദ്ദേഹം വാർത്താസമ്മേളനത്തിൽ വ്യക്തമാക്കി. 

## Article Content

**തിരുവനന്തപുരം: **ഡൽഹിയിൽ പ്രതിഷേധക്കാർക്ക് നേരെ ഉണ്ടായ പൊലീസ് അതിക്രമങ്ങൾക്കെതിരെ രൂക്ഷവിമർശനവുമായി പ്രതിപക്ഷ നേതാവ് വി.ഡി. സതീശൻ. വിദ്യാർഥികളോട് ക്രൂരമായ സമീപനമാണ് കേന്ദ്രസർക്കാർ സ്വീകരിച്ചത്. ഡൽഹിയിൽ ഇന്നലെ നടന്നത് നരനായാട്ടാണെന്നും ദില്ലി സംഘര്‍ഷത്തിൽ പൊലീസ് നടപടി വളരെ മോശമായ രീതിയിലാണെന്നും അദ്ദേഹം വാർത്താസമ്മേളനത്തിൽ വ്യക്തമാക്കി. 

അതേസമയം, പ്ലീഡർമാരെ നിയമിച്ചതുമായി ബന്ധപ്പെട്ട സർക്കാരിന്റെ നിലപാട് കെഎസ്‌യു നേതൃത്വത്തെ അറിയിച്ചിട്ടുണ്ടെന്ന് വി.ഡി. സതീശൻ വ്യക്തമാക്കി. കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യറിന് തന്നെ കാണാൻ അനുമതി നിഷേധിച്ചിട്ടില്ലെന്നും, തന്റെ ഓഫീസിൽ അനുമതി നിഷേധിച്ചുവെന്ന് പ്രചരിക്കുന്ന വാർത്തകൾ പൂർണ്ണമായും വ്യാജമാണെന്നും അദ്ദേഹം ആവർത്തിച്ചു.

ആർക്കുവേണമെങ്കിലും എപ്പോൾ വേണമെങ്കിലും തന്നെ വന്നു കാണാമെന്നും അതിനുള്ള പൂർണ്ണ അവസരം നൽകിയിട്ടുണ്ടെന്നും അദ്ദേഹം പറഞ്ഞു. ആയിരക്കണക്കിന് ആളുകളാണ് തന്നെ കാണാൻ ദിവസേന എത്തിക്കൊണ്ടിരിക്കുന്നത്. പതിനായിരക്കണക്കിന് പരാതികളാണ് ഇതുവരെ കേട്ടത്. ഈ പരാതികൾക്കെല്ലാം വേഗത്തിൽ പരിഹാരം കാണുന്നതിനുള്ള പ്രത്യേക സംവിധാനങ്ങളും ഓഫീസിൽ സജ്ജീകരിച്ചിട്ടുണ്ട്.

എന്നാൽ, ഇന്നുവരെ തന്റെ ഓഫീസിൽ ആർക്കും സന്ദർശനാനുമതി നിഷേധിച്ചിട്ടില്ലെന്നും, അത്തരത്തിലുള്ള പ്രചാരണങ്ങൾ തികച്ചും അടിസ്ഥാനരഹിതമാണെന്നും അദ്ദേഹം വ്യക്തമാക്കി. കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യറിനെ താൻ അവിടെ കണ്ടിട്ടില്ലെന്നും, അദ്ദേഹം താൻ നിൽക്കുന്ന ഫ്രെയിമിൽ ഉണ്ടായിരുന്നത് പിന്നീടാണ് കണ്ടതെന്നും അദ്ദേഹം വ്യക്തമാക്കി.

താൻ അന്ന് രാവിലെ 10 മണി മുതൽ 1 മണി വരെ എറണാകുളം ഗസ്റ്റ് ഹൗസിൽ ഉണ്ടായിരുന്നുവെന്ന കാര്യം തന്റെ ഓഫീസ് കൃത്യമായി അറിയിച്ചിരുന്നതാണെന്നും സതീശൻ ചൂണ്ടിക്കാട്ടി. ഈ വസ്തുതകൾ മറച്ചുവെച്ച് മാധ്യമങ്ങളിലൂടെ പ്രചരിക്കുന്ന വാർത്തകൾ തികച്ചും തെറ്റും അടിസ്ഥാനരഹിതവുമാണെന്നും അദ്ദേഹം കൂട്ടിച്ചേർത്തു.

### Related Links & Sources
- [Original Story Source](https://truevisionnews.com/news/373872/vd-satheesan-delhi-police-man-hunt-office-visit-clarification-NEW-)