---
title: "യുക്രെയ്ന്‍ തീരത്ത് ചരക്ക് കപ്പലിന് നേരെ റഷ്യന്‍ ആക്രമണം; മലയാളിയടക്കം 10 നാവികര്‍ കൊല്ലപ്പെട്ടു"
english_title: "Kerala Man Akhil Joyan Killed in Russian Attack on Cargo Ship Near Odesa"
publisher: "truevisionnews.com"
canonical_url: "https://truevisionnews.com/news/373582/kasaragod-akil-joyan-killed-russian-attack-odessa-cargo-ship"
published_at: "2026-07-20T20:20:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a5e362e79b89_kasaragod-akil-joyan-killed-russian-attack-odessa-cargo-ship.jpg"
keywords: ["Akhil Joyan", "Kasaragod", "Russia Ukraine War", "Odesa Attack", "Golden Leo Ship", "Indian Sailor Killed"]
---

# യുക്രെയ്ന്‍ തീരത്ത് ചരക്ക് കപ്പലിന് നേരെ റഷ്യന്‍ ആക്രമണം; മലയാളിയടക്കം 10 നാവികര്‍ കൊല്ലപ്പെട്ടു

> **Lead Summary:** ദില്ലി: യുക്രെയ്നിൽ ഒഡേസ തീരത്ത് ചരക്ക് കപ്പലിന് നേരെ റഷ്യൻ ആക്രമണം. ആക്രമണത്തിൽ കപ്പലിലുണ്ടായിരുന്ന മലയാളി ജീവനക്കാരനും കൊല്ലപ്പെട്ടു. കാസർകോട് വെള്ളരിക്കുണ്ട് എകെജി നഗർ സ്വദേശി അഖിൽ ജോയൻ ആണ് മരിച്ചത്.

## Article Content

ദില്ലി: യുക്രെയ്നിൽ ഒഡേസ തീരത്ത് ചരക്ക് കപ്പലിന് നേരെ റഷ്യൻ ആക്രമണം. ആക്രമണത്തിൽ കപ്പലിലുണ്ടായിരുന്ന മലയാളി ജീവനക്കാരനും കൊല്ലപ്പെട്ടു. കാസർകോട് വെള്ളരിക്കുണ്ട് എകെജി നഗർ സ്വദേശി അഖിൽ ജോയൻ ആണ് മരിച്ചത്.

> യുക്രെയ്നിലെ ഒഡേസ തീരത്ത് വെച്ചാണ് "ഗോൾഡൻ ലിയോ" എന്ന ചരക്ക് കപ്പലിന് നേരെ റഷ്യൻ സേന ആക്രമണം നടത്തിയത്. ഭക്ഷ്യധാന്യങ്ങൾ കയറ്റിയ കപ്പലിലുണ്ടായിരുന്ന 17 ജീവനക്കാരിൽ 10 പേരാണ് ആക്രമണത്തിൽ കൊല്ലപ്പെട്ടത്.

ഇന്ത്യൻ, സിറിയൻ നാവികരാണ് കപ്പലിലുണ്ടായിരുന്നതെന്ന് റിപ്പോർട്ടുകളുണ്ട്.ആക്രമണത്തിൽ 8 പേരെ യുക്രെയ്ൻ നാവിക സേന രക്ഷപ്പെടുത്തി. കപ്പലിൽ ഉണ്ടായിരുന്ന യുക്രെയ്ൻ സ്വദേശിയായ പൈലറ്റും മരിച്ചു.

ജൂലൈ 20ന് ശേഷം കരിങ്കടലിൽ ആക്രമിക്കപ്പെടുന്ന ഏഴാമത്തെ കപ്പലാണ് ഗോൾഡൻ ലിയോ.അഖിലിന്റെ മരണവിവരം കുടുംബത്തെ ഇന്ത്യൻ എംബസി അറിയിച്ചു. വിദേശത്ത് ജോലിക്ക് പോയി വർഷങ്ങൾക്ക് ശേഷമാണ് അഖിൽ കപ്പൽ ജോലിയിൽ പ്രവേശിച്ചത്. മരണവാർത്ത കേട്ട് വെള്ളരിക്കുണ്ടിലെ വീട്ടിൽ ദുഃഖം അരങ്ങേറി.

സമീപ ദിവസങ്ങളിൽ യുക്രെയ്ൻ റഷ്യൻ നഗരങ്ങൾക്ക് നേരെ ശക്തമായ ആക്രമണങ്ങൾ നടത്തിയതിന് പിന്നാലെയാണ് കരിങ്കടലിൽ റഷ്യയുടെ തിരിച്ചടി. വ്യാപാര കപ്പലുകൾക്ക് നേരെയുള്ള ആക്രമണം വർധിച്ചത് ആഗോളതലത്തിൽ ആശങ്കയുണ്ടാക്കുന്നുണ്ട്.

വിദേശകാര്യ മന്ത്രാലയം സംഭവത്തിൽ ഇടപെട്ടിട്ടുണ്ട്. മരിച്ചവരുടെ മൃതദേഹങ്ങൾ നാട്ടിലെത്തിക്കാനുള്ള നടപടികൾ ആരംഭിച്ചതായി അധികൃതർ അറിയിച്ചു. യുദ്ധമേഖലയിലെ ഇന്ത്യൻ പൗരന്മാരുടെ സുരക്ഷ ഉറപ്പാക്കാൻ എല്ലാ നടപടികളും സ്വീകരിക്കുമെന്നും എംഇഎ വ്യക്തമാക്കി.

### Related Links & Sources
- [Original Story Source](https://truevisionnews.com/news/373582/kasaragod-akil-joyan-killed-russian-attack-odessa-cargo-ship)