---
title: "'കെ.എസ്.യുക്കാരുടെ ചോരയും നീരുമാണ് ഈ സർക്കാർ, മുഖ്യമന്ത്രി ചിരിക്കാത്തതിന് മറുപടിയില്ല'; അലോഷ്യസ് സേവ്യർ"
english_title: "KSU Chief Aloysius Xavier Responds After CM VD Satheesan Ignores Him At Kochi Event"
publisher: "truevisionnews.com"
canonical_url: "https://truevisionnews.com/news/373005/aloysius-xavier-cm-vd-satheesan-kochi-event"
published_at: "2026-07-17T17:00:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a582f0d0ad7b_ksu-aloysius-xavier-reply-cm-v-d-satheesan-criticism.jpg"
keywords: ["VD Satheesan", "Aloysius Xavier", "KSU", "Kerala CM", "SH College Kochi"]
---

# 'കെ.എസ്.യുക്കാരുടെ ചോരയും നീരുമാണ് ഈ സർക്കാർ, മുഖ്യമന്ത്രി ചിരിക്കാത്തതിന് മറുപടിയില്ല'; അലോഷ്യസ് സേവ്യർ

> **Lead Summary:** കൊച്ചി: ഒരേ വേദിയിൽ പങ്കെടുത്തിട്ടും മുഖ്യമന്ത്രി വി.ഡി. സതീശൻ തന്നെ ഗൗനിക്കാതെ പോയ സംഭവത്തിൽ പ്രതികരണവുമായി കെ.എസ്.യു സംസ്ഥാന അധ്യക്ഷൻ അലോഷ്യസ് സേവ്യർ. കൊച്ചി എസ്.എച്ച് കോളേജിൽ നടന്ന പരിപാടിയിലാണ് ഇരുവരും ഒരുമിച്ചെത്തിയത്.

## Article Content

കൊച്ചി: ഒരേ വേദിയിൽ പങ്കെടുത്തിട്ടും മുഖ്യമന്ത്രി വി.ഡി. സതീശൻ തന്നെ ഗൗനിക്കാതെ പോയ സംഭവത്തിൽ പ്രതികരണവുമായി കെ.എസ്.യു സംസ്ഥാന അധ്യക്ഷൻ അലോഷ്യസ് സേവ്യർ. കൊച്ചി എസ്.എച്ച് കോളേജിൽ നടന്ന പരിപാടിയിലാണ് ഇരുവരും ഒരുമിച്ചെത്തിയത്.

> വേദിയിൽ പ്രസംഗിച്ച ശേഷം പുറത്തിറങ്ങിയ മുഖ്യമന്ത്രി, കാത്തുനിന്ന അലോഷ്യസ് സേവ്യറെ കാണാതെ മടങ്ങുകയായിരുന്നു. മുഖ്യമന്ത്രിയായതിന് ശേഷം ആദ്യമായാണ് വി.ഡി. സതീശൻ ഒരു കലാലയ പരിപാടിയിൽ പങ്കെടുക്കുന്നത്."ഞാൻ പഠിച്ച രാഷ്ട്രീയം മുതിർന്നവരെ കാണുമ്പോൾ ചിരിക്കുക എന്നതാണ്.

> പ്രവർത്തകരുടെ വികാരം ഉൾക്കൊള്ളുകയാണ് ഞാൻ പഠിച്ചത്. കെ.എസ്.യുക്കാരുടെ ചോരയും നീരുമാണ് ഈ സർക്കാർ. തെറ്റ് ചൂണ്ടിക്കാട്ടിയത് മാത്രമാണ് ഞാൻ ചെയ്ത തെറ്റ്. അത് തുടരും" എന്ന് അലോഷ്യസ് സേവ്യർ മാധ്യമങ്ങളോട് പറഞ്ഞു. മുഖ്യമന്ത്രി തിരിച്ചു ചിരിക്കാത്തതിന് മറുപടിയില്ലെന്നും എന്നാൽ ഇത് വിമർശനമായി കാണേണ്ടതില്ലെന്നും അദ്ദേഹം വ്യക്തമാക്കി.

> "മുഖ്യമന്ത്രിയെ കാണാൻ കഴിയാത്തത് തെറ്റായി കാണുന്നില്ല. ഇനിയും കാണാൻ ശ്രമിക്കും. ഗവൺമെന്റ് പ്ലീഡർ നിയമനവുമായി ബന്ധപ്പെട്ട ആശങ്കകൾ മുഖ്യമന്ത്രിയുമായി പങ്കുവെക്കും" എന്നും കെ.എസ്.യു അധ്യക്ഷൻ കൂട്ടിച്ചേർത്തു.സർക്കാരും കെ.എസ്.യുവും തമ്മിലുള്ള അഭിപ്രായ ഭിന്നതകൾ നിലനിൽക്കുന്നതിനിടയിലാണ് ഈ സംഭവം.

പ്രവർത്തകരുടെ വികാരങ്ങൾക്ക് വിലകൊടുക്കണമെന്നും അവരുടെ പ്രശ്നങ്ങൾ സർക്കാരിന്റെ ശ്രദ്ധയിൽപ്പെടുത്തേണ്ടത് തന്റെ ഉത്തരവാദിത്തമാണെന്നും അലോഷ്യസ് പറഞ്ഞു. കെ.എസ്.യു സംസ്ഥാന അധ്യക്ഷനെന്ന നിലയിൽ സർക്കാരിന്റെ തെറ്റായ നയങ്ങൾക്കെതിരെ ശബ്ദമുയർത്തുന്നത് തുടരുമെന്നും എന്നാൽ അതൊരു വ്യക്തി വിരോധത്തിന്റെ ഭാഗമല്ലെന്നും അദ്ദേഹം വ്യക്തമാക്കി.

### Related Links & Sources
- [Original Story Source](https://truevisionnews.com/news/373005/aloysius-xavier-cm-vd-satheesan-kochi-event)