---
title: "ഫൈനലിന് മുൻപേ ആശങ്ക; പരിശീലനത്തിൽ നിന്ന് വിട്ടുനിന്ന ലമിൻ യമാലിന് പരിക്ക്; അർജന്റീനയ്ക്കെതിരെ കളിക്കുമോ?"
english_title: "Lamine Yamal Injury Update Spain vs Argentina World Cup Final 2026"
publisher: "truevisionnews.com"
canonical_url: "https://truevisionnews.com/news/372919/lamine-yamal-injury-spain-argentina-world-cup-final"
published_at: "2026-07-17T13:10:00+05:30"
category: "Fifa World Cup 2026"
language: "ml"
image: "https://cf.zdn.im/img/truevisionnews.com/0/image-uploads/6a59dfdd41c50_lamine-yamal-injury-spain-argentina-world-cup-final.jpg"
keywords: ["Latest News", "Lamine Yamal", "Spain", "Argentina", "Fifa World Cup 2026"]
---

# ഫൈനലിന് മുൻപേ ആശങ്ക; പരിശീലനത്തിൽ നിന്ന് വിട്ടുനിന്ന ലമിൻ യമാലിന് പരിക്ക്; അർജന്റീനയ്ക്കെതിരെ കളിക്കുമോ?

> **Lead Summary:** **ന്യൂയോർക്ക്:[ **അർജന്റീനയ്‌ക്കെതിരായ നിർണായക ലോകകപ്പ് ഫൈനൽ പോരാട്ടത്തിന് തൊട്ടുമുമ്പ് സ്‌പെയിൻ ടീമിനെ ആശങ്കയിലാഴ്ത്തി യുവതാരം ലമിൻ യമാലിന്റെ പരിക്ക്. ടീമിനൊപ്പം പൂർണ്ണമായി പരിശീലനത്തിൽ പങ്കെടുക്കാൻ കഴിയാത്ത അവസ്ഥയിലാണ് താരമുള്ളത്. വെള്ളിയാഴ്ച നടന്ന പരിശീലന സെഷനിൽ നിന്ന് വിട്ടുനിന്ന യമാൽ, തനിച്ച് ലഘുവായ പരിശീലനം മാത്രമാണ് നടത്തിയത്.

## Article Content

**ന്യൂയോർക്ക്:[ **അർജന്റീനയ്‌ക്കെതിരായ നിർണായക ലോകകപ്പ് ഫൈനൽ പോരാട്ടത്തിന് തൊട്ടുമുമ്പ് സ്‌പെയിൻ ടീമിനെ ആശങ്കയിലാഴ്ത്തി യുവതാരം ലമിൻ യമാലിന്റെ പരിക്ക്. ടീമിനൊപ്പം പൂർണ്ണമായി പരിശീലനത്തിൽ പങ്കെടുക്കാൻ കഴിയാത്ത അവസ്ഥയിലാണ് താരമുള്ളത്. വെള്ളിയാഴ്ച നടന്ന പരിശീലന സെഷനിൽ നിന്ന് വിട്ടുനിന്ന യമാൽ, തനിച്ച് ലഘുവായ പരിശീലനം മാത്രമാണ് നടത്തിയത്.

താരത്തിന്റെ തുടയിൽ വലിയ ബാൻഡേജ് കെട്ടിയിരിക്കുന്നത് ആരാധകർക്കിടയിൽ വലിയ ആശങ്കയാണ് സൃഷ്ടിക്കുന്നത്. ഫ്രാൻസിനെതിരായ സെമിഫൈനൽ പോരാട്ടത്തിൽ ലൂക്കാസ് ഡിനെയുടെ ഫൗളിനെ തുടർന്നാണ് യമാലിന് പരിക്കേറ്റത്.

വേദനയുണ്ടായിട്ടും സെമിയിൽ മുഴുവൻ സമയം കളത്തിലിറങ്ങിയ താരം മികച്ച പ്രകടനമാണ് പുറത്തെടുത്തത്. എന്നാൽ മത്സരശേഷം വേദന കൂടിയതോടെ മെഡിക്കൽ സംഘം താരത്തിന് പ്രത്യേക ചികിത്സ നൽകുകയായിരുന്നു.

എങ്കിലും ഞായറാഴ്ച നടക്കുന്ന കലാശപ്പോരാട്ടത്തിൽ താരം കളിക്കുമെന്നാണ് ടീം മാനേജ്‌മെന്റിൽ നിന്ന് ലഭിക്കുന്ന സൂചനകൾ. സ്‌പെയിനിന്റെ ഫൈനൽ പ്രതീക്ഷകളിൽ നിർണായക സ്ഥാനമുള്ള താരത്തിന്റെ ആരോഗ്യസ്ഥിതി ആരാധകർ ഏറെ ആകാംക്ഷയോടെയാണ് ഉറ്റുനോക്കുന്നത്.

ഫ്രാൻസിനെതിരായ സെമിഫൈനൽ പോരാട്ടത്തിന്റെ 22-ാം മിനിറ്റിൽ ഫ്രഞ്ച് താരം ലൂക്കാസ് ഡിനെയുടെ കടുത്ത ഫൗളിന് ഇരയായാണ് യമാലിന് പരിക്കേറ്റത്. വീഴ്ചയിൽ തുടയ്ക്ക് പരിക്കേറ്റെങ്കിലും, വേദന കടിച്ചമർത്തി താരം ആ മത്സരത്തിൽ മുഴുവൻ സമയം കളത്തിലിറങ്ങിയിരുന്നു.

എന്നാൽ മത്സരശേഷം പരിക്ക് കൂടുതൽ വഷളാവുകയും വേദന വർദ്ധിക്കുകയും ചെയ്തു. വെള്ളിയാഴ്ച നടന്ന പരിശീലനത്തിനിടെ താരത്തിന്റെ തുടയിൽ വലിയൊരു ബാൻഡേജ് കെട്ടിയിരുന്നത് ടീം ക്യാമ്പിലും ആരാധകരിലും ആശങ്കയുണ്ടാക്കി. യമാലിന്റെ ആരോഗ്യസ്ഥിതിയെക്കുറിച്ച് സ്‌പെയിൻ മെഡിക്കൽ ടീം അങ്ങേയറ്റം ജാഗ്രതയിലാണ്. ഫൈനലിന് മുൻപുള്ള അവസാന പരിശീലനത്തിലും താരത്തിന് പൂർണ്ണമായി പങ്കെടുക്കാൻ സാധിക്കുമോയെന്ന കാര്യത്തിൽ വ്യക്തതയില്ല.

എന്നാൽ, ഫൈനൽ പോലുള്ള ഒരു നിർണ്ണായക മത്സരത്തിൽ താരത്തെ നഷ്ടപ്പെടുന്നത് സ്‌പെയിനിന്റെ ആക്രമണ നിരയെ കാര്യമായി ബാധിക്കും. നിലവിലെ റിപ്പോർട്ടുകൾ പ്രകാരം, ഫൈനലിൽ യമാലിനെ കളിപ്പിക്കാൻ സാധിക്കുമെന്ന പ്രതീക്ഷയിലാണ് പരിശീലകനും മെഡിക്കൽ സംഘവും. താരത്തിന് ആവശ്യമായ വിശ്രമവും ചികിത്സയും നൽകി ഫൈനലിന് സജ്ജമാക്കാനുള്ള തീവ്ര ശ്രമത്തിലാണ് ടീം മാനേജ്‌മെന്റ്.

സ്പെയിനിന്റെ ഫൈനൽ പ്രതീക്ഷകളിൽ ഏറ്റവും പ്രധാനിയാണ് യമാൽ. ഈ ലോകകപ്പിലെ മികച്ച പ്രകടനങ്ങളിലൂടെ ലോകമെമ്പാടുമുള്ള ഫുട്ബോൾ ആരാധകരുടെ മനംകവർന്ന താരത്തിന് എന്തെങ്കിലും സംഭവിക്കുമോ എന്ന ആശങ്ക സോഷ്യൽ മീഡിയയിലും നിറയുകയാണ്.

ലയണൽ മെസ്സിയും സംഘവും അണിനിരക്കുന്ന ശക്തമായ അർജന്റീനയ്ക്കെതിരെ യമാലിന്റെ സാന്നിധ്യം സ്പെയിനിന് അനിവാര്യമാണ്. ഞായറാഴ്ച കളത്തിലിറങ്ങുമ്പോൾ യമാൽ പൂർണ്ണ ഫിറ്റ്നസ് വീണ്ടെടുക്കുമോ എന്നതാണ് ഫുട്ബോൾ ലോകം ഉറ്റുനോക്കുന്നത്.**

**

### Related Links & Sources
- [Original Story Source](https://truevisionnews.com/news/372919/lamine-yamal-injury-spain-argentina-world-cup-final)