---
title: "സീനിയേഴ്സ് കളി മതിയായില്ലേ ...?  കാസർഗോഡ് ഗവ. കോളജിൽ റാഗിങ് പരാതി; ഒന്നാം വർഷവിദ്യാർത്ഥിയെ മർദ്ദിച്ച 13 വിദ്യാർഥികൾക്ക് സസ്പെൻഷൻ"
english_title: "Kasargod Govt College Ragging: 13 Students Suspended"
publisher: "truevisionnews.com"
canonical_url: "https://truevisionnews.com/news/372840/kasargod-govt-college-ragging-13-students-suspended"
published_at: "2026-07-17T07:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a5736d0715e0_thalassery-chirayakkara-school-ragging-plus-one-student-attacked.jpg"
keywords: ["Ragging Case", "Kasargod News", "Kasargod Govt College", "Students Suspended"]
---

# സീനിയേഴ്സ് കളി മതിയായില്ലേ ...?  കാസർഗോഡ് ഗവ. കോളജിൽ റാഗിങ് പരാതി; ഒന്നാം വർഷവിദ്യാർത്ഥിയെ മർദ്ദിച്ച 13 വിദ്യാർഥികൾക്ക് സസ്പെൻഷൻ

> **Lead Summary:** കാസർഗോഡ് : കാസർഗോഡ് ഗവ. കോളജില്‍ ഒന്നാംവര്‍ഷ ഡിഗ്രി വിദ്യാര്‍ഥി റാഗിങ്ങിനിരയായ സംഭവത്തില്‍ രണ്ടും മൂന്നും വര്‍ഷ ബിരുദ വിദ്യാര്‍ഥികളായ 13 പേരെ പ്രിന്‍സിപ്പല്‍ വി.എസ്. അനില്‍കുമാര്‍ സസ്‌പെന്‍ഡ് ചെയ്തു. ജൂലൈ 13ന് കോളജ് ക്യാംപസില്‍ വച്ചു നടന്ന റാഗിങ് സംഭവത്തിന്റെ പശ്ചാത്തലത്തിലാണ് നടപടി.

## Article Content

കാസർഗോഡ് : കാസർഗോഡ് ഗവ. കോളജില്‍ ഒന്നാംവര്‍ഷ ഡിഗ്രി വിദ്യാര്‍ഥി റാഗിങ്ങിനിരയായ സംഭവത്തില്‍ രണ്ടും മൂന്നും വര്‍ഷ ബിരുദ വിദ്യാര്‍ഥികളായ 13 പേരെ പ്രിന്‍സിപ്പല്‍ വി.എസ്. അനില്‍കുമാര്‍ സസ്‌പെന്‍ഡ് ചെയ്തു. ജൂലൈ 13ന് കോളജ് ക്യാംപസില്‍ വച്ചു നടന്ന റാഗിങ് സംഭവത്തിന്റെ പശ്ചാത്തലത്തിലാണ് നടപടി.

ഒരു സംഘം വിദ്യാർഥികൾ ഒന്നാംവർഷ ഡിഗ്രി വിദ്യാർഥിയെ തടഞ്ഞുനിർത്തി ഭീഷണിപ്പെടുത്തുകയും ദേഹോപദ്രവം ഏൽപ്പിക്കുകയും ചെയ്തതായാണ് ഉയർന്ന ആരോപണം. സംഭവത്തെ തുടർന്ന് വിദ്യാർഥി രക്ഷിതാക്കളെ വിവരം അറിയിക്കുകയും തുടർന്ന് കോളജ് പ്രിൻസിപ്പലിന് പരാതി നൽകുകയുമായിരുന്നു.

പരാതി പരിശോധിച്ച കോളജ് അധികൃതർ പ്രാഥമിക അന്വേഷണത്തിൻ്റെ അടിസ്ഥാനത്തിൽ ആരോപണവിധേയരായ 13 വിദ്യാർഥികളെ സസ്പെൻഡ് ചെയ്യാൻ തീരുമാനിക്കുകയായിരുന്നു. റാഗിങ് സംബന്ധിച്ച പരാതി ഗൗരവമായി കണക്കിലെടുത്ത് തുടർനടപടികളും സ്വീകരിക്കുന്നതായി കോളജ് അധികൃതർ അറിയിച്ചു.

സംഭവത്തിൽ വിദ്യാർഥി പൊലീസിലും പരാതി നൽകിയിട്ടുണ്ടെന്നാണ് ലഭിക്കുന്ന വിവരം. പരാതിയുടെ അടിസ്ഥാനത്തിൽ പൊലീസ് വിശദമായ അന്വേഷണം ആരംഭിച്ചേക്കുമെന്നാണ് സൂചന. അന്വേഷണം പൂർത്തിയാകുന്നതോടെ കൂടുതൽ നിയമനടപടികൾ സ്വീകരിക്കുമെന്നാണ് പ്രതീക്ഷിക്കുന്നത്.

### Related Links & Sources
- [Original Story Source](https://truevisionnews.com/news/372840/kasargod-govt-college-ragging-13-students-suspended)