---
title: "   മഴയും ഒപ്പം സഹിക്കാനാവാത്ത ചൂടും....! കേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത; താപനിലയും ഉയർന്നേക്കും"
english_title: " kerala-weather-low-pressure-bay-bengal-rain-heat-warning"
publisher: "truevisionnews.com"
canonical_url: "https://truevisionnews.com/news/372790/kerala-weather-low-pressure-bay-bengal-rain-heat-warning-"
published_at: "2026-07-16T17:13:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a58c45a142de_kerala-weather-low-pressure-bay-bengal-rain-heat-warning.jpg"
keywords: ["Kerala Weather", "Low Pressure", "IMD", "Rain", "Heatwave"]
---

#    മഴയും ഒപ്പം സഹിക്കാനാവാത്ത ചൂടും....! കേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത; താപനിലയും ഉയർന്നേക്കും

> **Lead Summary:** **തിരുവനന്തപുരം: ** ബംഗാൾ ഉൾക്കടലിലെ ന്യൂനമർദ്ദം ശക്തിപ്പെട്ട സാഹചര്യത്തിൽ സംസ്ഥാനത്ത് മഴയ്ക്കും ഉയർന്ന താപനിലയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ്. വടക്ക്-പടിഞ്ഞാറൻ ബംഗാൾ ഉൾക്കടലിൽ, വടക്കൻ ഒഡീഷ- പശ്ചിമ ബംഗാൾ തീരങ്ങൾക്ക് മുകളിൽ ഉണ്ടായിരുന്ന ന്യൂനമർദ്ദം ശക്തി കൂടിയ ന്യൂനമർദ്ദമായി മാറി.

## Article Content

**തിരുവനന്തപുരം: ** ബംഗാൾ ഉൾക്കടലിലെ ന്യൂനമർദ്ദം ശക്തിപ്പെട്ട സാഹചര്യത്തിൽ സംസ്ഥാനത്ത് മഴയ്ക്കും ഉയർന്ന താപനിലയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ്. വടക്ക്-പടിഞ്ഞാറൻ ബംഗാൾ ഉൾക്കടലിൽ, വടക്കൻ ഒഡീഷ- പശ്ചിമ ബംഗാൾ തീരങ്ങൾക്ക് മുകളിൽ ഉണ്ടായിരുന്ന ന്യൂനമർദ്ദം ശക്തി കൂടിയ ന്യൂനമർദ്ദമായി മാറി.

അടുത്ത രണ്ട് ദിവസത്തിനുള്ളിൽ ഇത് വടക്കൻ ഒഡീഷയ്ക്കും പശ്ചിമ ബംഗാളിലെ ഗംഗാ സമതലങ്ങൾക്കും കുറുകെ വടക്ക്-പടിഞ്ഞാറ് ദിശയിലേക്ക് നീങ്ങാൻ സാധ്യതയുണ്ട്. ഇന്നും നാളെയും കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ട്.

ഇന്ന് മുതൽ 20-ാം തീയതി വരെ സംസ്ഥാനത്ത് നേരിയതോ മിതമായതോ ആയ മഴയ്ക്കും സാധ്യതയുണ്ടെന്ന് അധികൃതർ അറിയിച്ചു.അടുത്ത 3 മണിക്കൂറിൽ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസർകോട് എന്നീ ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ട്.

മഴയ്ക്കുള്ള സാധ്യത നിലനിൽക്കുമ്പോഴും, സംസ്ഥാനത്തെ ഒറ്റപ്പെട്ട സ്ഥലങ്ങളിൽ ഉയർന്ന താപനില സാധാരണയേക്കാൾ 3 മുതൽ 4 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്നും കാലാവസ്ഥാ വകുപ്പ് വ്യക്തമാക്കി.**

താപനില ജാഗ്രതാ നിർദ്ദേശങ്ങൾ**

*ധാരാളം വെള്ളം കുടിക്കുക: ദാഹം തോന്നിയില്ലെങ്കിലും ധാരാളം വെള്ളം കുടിക്കാനും നിർജ്ജലീകരണം ഒഴിവാക്കാനും ശ്രദ്ധിക്കുക.*

*നേരിട്ടുള്ള വെയിൽ ഒഴിവാക്കുക: പകൽ സമയത്ത്, പ്രത്യേകിച്ച് ഉച്ചയ്ക്ക് 11 മണി മുതൽ 3 മണി വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കാൻ ശ്രമിക്കുക.*

*ശരീരം തണുപ്പിക്കുക: ചൂട് കൂടുന്ന സാഹചര്യത്തിൽ ശരീരം തണുപ്പിക്കാൻ ആവശ്യമായ മുൻകരുതലുകൾ സ്വീകരിക്കുക.*

**
**

### Related Links & Sources
- [Original Story Source](https://truevisionnews.com/news/372790/kerala-weather-low-pressure-bay-bengal-rain-heat-warning-)