---
title: "അറ്റ്‌ലാന്റയിലെ മൈതാനത്ത് സംഘർഷം; സെമിഫൈനൽ തോൽവിക്ക് പിന്നാലെ ഇംഗ്ലണ്ട് താരം ബെല്ലിങ്ഹാം അർജന്‍റീന താരം ബാർക്കോയെ മർദിച്ചു"
english_title: "Bellingham Attacks Barco After England Argentina World Cup Semi Final Clash Atlanta"
publisher: "truevisionnews.com"
canonical_url: "https://truevisionnews.com/news/372653/bellingham-attacks-barco-england-argentina-world-cup-semi-atlanta"
published_at: "2026-07-16T09:27:00+05:30"
category: "Fifa World Cup 2026"
language: "ml"
image: "https://cf.zdn.im/img/truevisionnews.com/0/image-uploads/6a58586d3b5e5_bellingham-attacks-barco-england-argentina-world-cup-semi-atlanta.jpg"
keywords: ["Latest News", "Bellingham", "England", "Fifa World Cup 2026", "Argentina"]
---

# അറ്റ്‌ലാന്റയിലെ മൈതാനത്ത് സംഘർഷം; സെമിഫൈനൽ തോൽവിക്ക് പിന്നാലെ ഇംഗ്ലണ്ട് താരം ബെല്ലിങ്ഹാം അർജന്‍റീന താരം ബാർക്കോയെ മർദിച്ചു

> **Lead Summary:** **അറ്റ്‌ലാന്‍റ:[ **അറ്റ്‌ലാന്റയിൽ നടന്ന ഫിഫ ലോകകപ്പ് സെമിഫൈനൽ മത്സരത്തിന് ശേഷം അർജന്റീന-ഇംഗ്ലണ്ട് പോരാട്ടം മൈതാനത്തിന് പുറത്തും വലിയ വിവാദമായി. അർജന്റീനയോട് തോറ്റ് ഇംഗ്ലണ്ട് പുറത്തായതോടെ, നിരാശ നിയന്ത്രിക്കാനാവാതെ ഇംഗ്ലണ്ട് താരം ജൂഡ് ബെല്ലിങ്ഹാം അർജന്റീനയുടെ യുവതാരം വാലന്റീൻ ബാർക്കോയെ കയ്യേറ്റം ചെയ്തതാണ് നാടകീയ രംഗങ്ങൾക്ക് വഴിവെച്ചത്.

## Article Content

**അറ്റ്‌ലാന്‍റ:[ **അറ്റ്‌ലാന്റയിൽ നടന്ന ഫിഫ ലോകകപ്പ് സെമിഫൈനൽ മത്സരത്തിന് ശേഷം അർജന്റീന-ഇംഗ്ലണ്ട് പോരാട്ടം മൈതാനത്തിന് പുറത്തും വലിയ വിവാദമായി. അർജന്റീനയോട് തോറ്റ് ഇംഗ്ലണ്ട് പുറത്തായതോടെ, നിരാശ നിയന്ത്രിക്കാനാവാതെ ഇംഗ്ലണ്ട് താരം ജൂഡ് ബെല്ലിങ്ഹാം അർജന്റീനയുടെ യുവതാരം വാലന്റീൻ ബാർക്കോയെ കയ്യേറ്റം ചെയ്തതാണ് നാടകീയ രംഗങ്ങൾക്ക് വഴിവെച്ചത്.

മത്സരശേഷം ഗ്രൗണ്ടിലുണ്ടായ വാക്കുതർക്കത്തിനിടെ ബാർക്കോ പ്രകോപനപരമായ പരാമർശം നടത്തിയെന്ന് ആരോപിച്ചാണ് ബെല്ലിങ്ഹാം താരത്തിന്റെ തലയ്ക്ക് പിന്നിൽ അടിച്ചത്. ഇതിനെത്തുടർന്ന് ഇരു ടീമുകളിലെയും താരങ്ങൾ തമ്മിൽ ഉന്തും തള്ളുമുണ്ടായി. മറ്റ് കളിക്കാർ വേഗത്തിൽ ഇടപെട്ടതുകൊണ്ടാണ് സംഘർഷം വഷളാകാതെ അവസാനിച്ചത്. അർജന്റീനയുടെ അവസാന നിമിഷങ്ങളിലെ രണ്ട് ഗോളുകളാണ് മത്സരഗതി മാറ്റിയത്.

മത്സരശേഷം ഇംഗ്ലണ്ട് പരിശീലകൻ തോമസ് ടുഷേലിനെതിരെ രൂക്ഷമായ വിമർശനം ഉയർന്നിട്ടുണ്ട്. അവസാന മിനിറ്റുകളിൽ പ്രതിരോധത്തിലേക്ക് മാത്രം ശ്രദ്ധ കേന്ദ്രീകരിച്ചതാണ് തോൽവിക്ക് കാരണമെന്നാണ് ആരാധകരുടെ പക്ഷം.

എന്നാൽ, തോൽവിയുടെ പൂർണ്ണ ഉത്തരവാദിത്തം ഏറ്റെടുത്ത ടുഷേൽ, അപ്രതീക്ഷിതമായി വീണ ഗോളുകൾക്ക് ശേഷം ഡിഫൻസിനെ ശക്തിപ്പെടുത്താനാണ് താൻ ശ്രമിച്ചതെന്ന് വ്യക്തമാക്കി. അതേസമയം, സെമിഫൈനലിന് ശേഷം അർജന്റീന താരങ്ങൾ ഫോക്ക്‌ലാൻഡ് ദ്വീപ് വിഷയത്തിൽ നടത്തിയ വിവാദ പരാമർശങ്ങൾ ഫിഫയുടെ ശ്രദ്ധയിൽപ്പെട്ടിട്ടുണ്ട്. ഇതിൽ ഫിഫ അച്ചടക്ക നടപടി സ്വീകരിച്ചേക്കുമെന്നാണ് സൂചന.

ലൂസേഴ്‌സ് ഫൈനലിൽ ഫ്രാൻസിനെ നേരിടാൻ ഒരുങ്ങുകയാണ് ഇംഗ്ലണ്ട്. ഫുട്ബോൾ ലോകത്തെ ഞെട്ടിച്ച ഈ സംഭവങ്ങൾ ടൂർണമെന്റിന്റെ അവസാന ഘട്ടത്തിൽ വലിയ ചർച്ചയായിരിക്കുകയാണ്.ടൂർണമെന്റിന്റെ അന്തസ്സിനെ ബാധിക്കുന്ന രീതിയിൽ പെരുമാറിയതിന് പിഴയോ അല്ലെങ്കിൽ വരാനിരിക്കുന്ന മത്സരങ്ങളിൽ വിലക്കോ ലഭിക്കാൻ സാധ്യതയുണ്ട്.

തോമസ് ടുഷേലിന്റെ തന്ത്രങ്ങളെച്ചൊല്ലി ഫുട്ബോൾ വിദഗ്ധർക്കിടയിൽ ഭിന്നാഭിപ്രായങ്ങളാണുള്ളത്. ഒരു ലോകകപ്പ് സെമിഫൈനൽ വരെ ടീമിനെ എത്തിക്കാൻ സാധിച്ച ടുഷേലിനെ നിലനിർത്തണോ അതോ പുതിയൊരു ശൈലിയിലേക്ക് മാറണോ എന്ന കാര്യത്തിൽ ഇംഗ്ലീഷ് ഫുട്ബോൾ അസോസിയേഷൻ തീരുമാനം എടുക്കേണ്ടിവരും.

സെമിയിലെ തോൽവിയിൽ നിന്ന് പാഠം ഉൾക്കൊണ്ട് മൂന്നാം സ്ഥാനത്തിനായി ഇംഗ്ലണ്ട് ഇറങ്ങുമ്പോൾ, ഫ്രാൻസിനെ നേരിടാൻ പുതിയൊരു ടീം ഘടനയായിരിക്കും ടുഷേൽ ഒരുക്കുക. ടീമിലെ യുവതാരങ്ങൾക്ക് അവസരം നൽകാൻ സാധ്യതയുള്ള ഈ മത്സരം ഇംഗ്ലീഷ് ആരാധകർക്ക് ഏറെ നിർണ്ണായകമാണ്.

### Related Links & Sources
- [Original Story Source](https://truevisionnews.com/news/372653/bellingham-attacks-barco-england-argentina-world-cup-semi-atlanta)