---
title: "ചൂടിന് ആശ്വാസം, മഴ തിരിച്ചുവരുന്നു ....! കേരളത്തിലെ അഞ്ച് ജില്ലകളിൽ ഇടിമിന്നലോട് കൂടിയ മഴയ്ക്കും കാറ്റിനും സാധ്യത"
english_title: "Kerala Weather Alert: Thunderstorm And 40kmph Winds Likely In 5 Districts"
publisher: "truevisionnews.com"
canonical_url: "https://truevisionnews.com/news/372640/kerala-weather-alert-thunderstorm-rain-5-districts-"
published_at: "2026-07-16T08:39:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a584bba1433b_kerala-weather-alert-thunderstorm-rain-5-districts-.jpg"
keywords: ["Kerala Weather", "Rain Alert", "Thunderstorm", "IMD"]
---

# ചൂടിന് ആശ്വാസം, മഴ തിരിച്ചുവരുന്നു ....! കേരളത്തിലെ അഞ്ച് ജില്ലകളിൽ ഇടിമിന്നലോട് കൂടിയ മഴയ്ക്കും കാറ്റിനും സാധ്യത

> **Lead Summary:** **തിരുവനന്തപുരം: ** കേരളത്തിലെ 5 ജില്ലകളിൽ അടുത്ത 3 മണിക്കൂറിൽ ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. ആലപ്പുഴ, കോട്ടയം, എറണാകുളം, തൃശൂർ, മലപ്പുറം ജില്ലകളിലെ ഒറ്റപ്പെട്ട പ്രദേശങ്ങളിൽ ഇടത്തരം മഴയ്ക്കാണ് സാധ്യത.

## Article Content

**തിരുവനന്തപുരം: ** കേരളത്തിലെ 5 ജില്ലകളിൽ അടുത്ത 3 മണിക്കൂറിൽ ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പ്. ആലപ്പുഴ, കോട്ടയം, എറണാകുളം, തൃശൂർ, മലപ്പുറം ജില്ലകളിലെ ഒറ്റപ്പെട്ട പ്രദേശങ്ങളിൽ ഇടത്തരം മഴയ്ക്കാണ് സാധ്യത.

ഇതിനൊപ്പം മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റും വീശിയേക്കും. തിരുവനന്തപുരം, കൊല്ലം, പാലക്കാട്, കോഴിക്കോട് എന്നീ ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. പത്തനംതിട്ട, ഇടുക്കി ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റും പ്രതീക്ഷിക്കുന്നു.

ശക്തമായ കാറ്റും മഴയും മുന്നറിയിപ്പുള്ള സാഹചര്യങ്ങളിൽ പൊതുജനങ്ങൾ പാലിക്കേണ്ട ജാഗ്രതാ നിർദ്ദേശങ്ങൾ താഴെ നൽകുന്നു:

*വീടിന്റെ സുരക്ഷ: വീടിനു ചുറ്റുമുള്ള മരങ്ങൾ, മരച്ചില്ലകൾ, അപകടകരമായി നിൽക്കുന്ന പോസ്റ്റുകൾ എന്നിവ കാറ്റ് വീശുന്നതിന് മുൻപ് തന്നെ നീക്കം ചെയ്യുക.*

*ഇലക്ട്രിക് സുരക്ഷ: ശക്തമായ കാറ്റിൽ ഇലക്ട്രിക് പോസ്റ്റുകൾ മറിഞ്ഞുവീഴാൻ സാധ്യതയുള്ളതിനാൽ വൈദ്യുതി ബന്ധങ്ങൾ ശ്രദ്ധിക്കുകയും അനാവശ്യമായ ഇലക്ട്രോണിക് ഉപകരണങ്ങൾ ഓഫ് ചെയ്ത് വെക്കുകയും ചെയ്യുക.*

*യാത്രകൾ: ശക്തമായ കാറ്റ് വീശുന്ന സമയത്ത് യാത്രകൾ പരമാവധി ഒഴിവാക്കുക. മരങ്ങൾക്കോ ഇലക്ട്രിക് പോസ്റ്റുകൾക്കോ താഴെ വാഹനം പാർക്ക് ചെയ്യുന്നത് ഒഴിവാക്കുക.*

*മേൽക്കൂരകൾ: വീടിന്റെ ഓടുകളോ ഷീറ്റുകളോ കാറ്റിൽ പറന്നുപോകാൻ സാധ്യതയുള്ളതിനാൽ അവ കൃത്യമായി ഉറപ്പിച്ചിട്ടുണ്ടെന്ന് ഉറപ്പുവരുത്തുക.*

*അടിയന്തര സാഹചര്യം: അടിയന്തര ഘട്ടങ്ങളിൽ സഹായത്തിനായി സിവിൽ ഡിഫൻസ് അല്ലെങ്കിൽ തദ്ദേശ ഭരണകൂടത്തിന്റെ സഹായം തേടുക.*

### Related Links & Sources
- [Original Story Source](https://truevisionnews.com/news/372640/kerala-weather-alert-thunderstorm-rain-5-districts-)