---
title: "പ്ലസ് വൺ പരീക്ഷാഫലം മറ്റന്നാൾ പ്രഖ്യാപിക്കും; ഈ സൈറ്റുകളിൽ ഫലം അറിയാം"
english_title: "Kerala Plus One Result 2026 Date Announced: Check on DHSE Kerala Website, DigiLocker"
publisher: "truevisionnews.com"
canonical_url: "https://truevisionnews.com/news/372615/kerala-plus-one-result-2026-date-dhse-kerala-digilocker"
published_at: "2026-07-15T22:04:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a57b76cec31b_kerala-plus-one-result-2026-date-dhse-kerala-digilocker.jpg"
keywords: ["Kerala Plus One Result 2026", "DHSE Result", "Kerala HSE Result", "Plus One Exam Result"]
---

# പ്ലസ് വൺ പരീക്ഷാഫലം മറ്റന്നാൾ പ്രഖ്യാപിക്കും; ഈ സൈറ്റുകളിൽ ഫലം അറിയാം

> **Lead Summary:** തിരുവനന്തപുരം: കേരളത്തിലെ പ്ലസ് വൺ വിദ്യാർത്ഥികൾക്ക് ആശ്വാസ വാർത്ത. ഹയർ സെക്കൻഡറി വിദ്യാഭ്യാസ ഡയറക്ടറേറ്റിന്റെ 2026ലെ പ്ലസ് വൺ പരീക്ഷാ ഫലം ഈ വരുന്ന വെള്ളിയാഴ്ച പ്രഖ്യാപിക്കുമെന്ന് വിദ്യാഭ്യാസ മന്ത്രിയുടെ ഓഫീസ് അറിയിച്ചു.

## Article Content

തിരുവനന്തപുരം: കേരളത്തിലെ പ്ലസ് വൺ വിദ്യാർത്ഥികൾക്ക് ആശ്വാസ വാർത്ത. ഹയർ സെക്കൻഡറി വിദ്യാഭ്യാസ ഡയറക്ടറേറ്റിന്റെ 2026ലെ പ്ലസ് വൺ പരീക്ഷാ ഫലം ഈ വരുന്ന വെള്ളിയാഴ്ച പ്രഖ്യാപിക്കുമെന്ന് വിദ്യാഭ്യാസ മന്ത്രിയുടെ ഓഫീസ് അറിയിച്ചു.

നേരത്തെ ജൂൺ അവസാനവാരത്തിൽ ഫലം പ്രഖ്യാപിക്കുമെന്നായിരുന്നു അറിയിച്ചിരുന്നത്. പിന്നീട് ഇത് ജൂലൈ 15ലേക്ക് മാറ്റുകയായിരുന്നു. എന്നാൽ ആ തീയതിയും കഴിഞ്ഞതോടെ ഫലത്തിനായി കാത്തിരിക്കുന്ന 4 ലക്ഷത്തോളം വിദ്യാർത്ഥികളും രക്ഷിതാക്കളും ആശങ്കയിലായിരുന്നു.

2026 മാർച്ച് 5 മുതൽ മാർച്ച് 27 വരെയായിരുന്നു സംസ്ഥാനത്ത് പ്ലസ് വൺ പരീക്ഷകൾ നടന്നത്. ഉച്ചയ്ക്ക് 1.30 മുതൽ വൈകുന്നേരം 4.15 വരെയായിരുന്നു പരീക്ഷാ സമയം. തിയറി പരീക്ഷയ്ക്ക് 80 മാർക്കും ഇന്റേണൽ അസസ്‌മെന്റ്, പ്രാക്ടിക്കൽ പരീക്ഷകൾക്ക് 20 മാർക്കും ഉൾപ്പെടെയാണ് മൂല്യനിർണയം നടത്തിയത്. ഈ വർഷം ഏകദേശം 4 ലക്ഷം വിദ്യാർത്ഥികളാണ് പരീക്ഷ എഴുതിയത്.

**ഫലം എങ്ങനെ പരിശോധിക്കാം?**

ഫലം ഔദ്യോഗിക വെബ്സൈറ്റുകളായ [dhsekerala.gov.in, results.hse.kerala.gov.in, keralaresults.nic.in, results.kite.kerala.gov.in, results.kerala.gov.in](http://dhsekerala.gov.in, results.hse.kerala.gov.in, keralaresults.nic.in, results.kite.kerala.gov.in, results.kerala.gov.in) എന്നിവയിൽ ലഭ്യമാകും. ഇതുകൂടാതെ ഡിജിലോക്കർ, പിആർഡി ലൈവ്, സഫലം കൈറ്റ് മൊബൈൽ ആപ്പ് എന്നിവ വഴിയും വിദ്യാർത്ഥികൾക്ക് മാർക്ക് ലിസ്റ്റ് ഡൗൺലോഡ് ചെയ്യാം. തിരക്ക് കാരണം വെബ്സൈറ്റുകൾ സ്ലോ ആകാൻ സാധ്യതയുള്ളതിനാൽ രാവിലെ തന്നെ റിസൾട്ട് ചെക്ക് ചെയ്യുന്നതാണ് നല്ലത്.

**കഴിഞ്ഞ വർഷത്തെ കണക്കുകൾ**

കഴിഞ്ഞ വർഷം 2025 ജൂൺ 2നാണ് പ്ലസ് വൺ ഫലം പ്രഖ്യാപിച്ചത്. മാർച്ച് 6 മുതൽ മാർച്ച് 9 വരെയായിരുന്നു അന്ന് പരീക്ഷകൾ നടന്നത്. റഗുലർ വിഭാഗത്തിൽ 62.28 ശതമാനമായിരുന്നു വിജയം. 3,83,647 വിദ്യാർത്ഥികളാണ് റഗുലർ വിഭാഗത്തിൽ അപേക്ഷിച്ചത്. കൂടാതെ ടെക്‌നിക്കൽ സ്ട്രീമിൽ 1,572 പേരും ഓപ്പൺ സ്‌കൂൾ വിഭാഗത്തിൽ 28,177 പേരും പരീക്ഷ എഴുതിയിരുന്നു.ഫലപ്രഖ്യാപനത്തിന് ശേഷം പുനർമൂല്യനിർണയത്തിനും സ്കൂൾ മാറ്റത്തിനുമുള്ള നടപടിക്രമങ്ങൾ DHSE ഉടൻ അറിയിക്കും.

### Related Links & Sources
- [Original Story Source](https://truevisionnews.com/news/372615/kerala-plus-one-result-2026-date-dhse-kerala-digilocker)