---
title: "ഇലക്ട്രിക് സ്കൂട്ടർ ചാർജ് ചെയ്യുന്നതിനിടെ പൊട്ടിത്തെറി; നോയിഡയിൽ പാർപ്പിട സമുച്ചയത്തിൽ വൻ തീപ്പിടിത്തം, രണ്ടു മരണം"
english_title: "Noida Building Fire: 2 Killed in EV Charging Blast, 50 Families Evacuated"
publisher: "truevisionnews.com"
canonical_url: "https://truevisionnews.com/news/372565/noida-mamurra-building-fire-ev-charging-blast-2-dead"
published_at: "2026-07-15T16:49:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a576d2cd06c7_noida-mamurra-building-fire-ev-charging-blast-2-dead.jpg"
keywords: ["Latest news", "EV Charging", "Building Fire", "delhi", "Death"]
---

# ഇലക്ട്രിക് സ്കൂട്ടർ ചാർജ് ചെയ്യുന്നതിനിടെ പൊട്ടിത്തെറി; നോയിഡയിൽ പാർപ്പിട സമുച്ചയത്തിൽ വൻ തീപ്പിടിത്തം, രണ്ടു മരണം

> **Lead Summary:** ന്യൂഡൽഹി: **[**നോയിഡയിലെ മാമുറയിലുള്ള പാർപ്പിട സമുച്ചയത്തിലുണ്ടായ വൻ തീപ്പിടിത്തത്തിൽ രണ്ട് പേർ മരിച്ചു. കെട്ടിടത്തിന്റെ താഴത്തെ നിലയിലെ പാർക്കിംഗ് ഏരിയയിൽ നിർത്തിയിട്ടിരുന്ന ഇലക്ട്രിക് സ്കൂട്ടർ ചാർജ് ചെയ്യുന്നതിനിടെയുണ്ടായ പൊട്ടിത്തെറിയാണ് വലിയ അപകടത്തിന് കാരണമായത്. തിങ്കളാഴ്ച പുലർച്ചയോടെയായിരുന്നു സംഭവം.

## Article Content

ന്യൂഡൽഹി: **[**നോയിഡയിലെ മാമുറയിലുള്ള പാർപ്പിട സമുച്ചയത്തിലുണ്ടായ വൻ തീപ്പിടിത്തത്തിൽ രണ്ട് പേർ മരിച്ചു. കെട്ടിടത്തിന്റെ താഴത്തെ നിലയിലെ പാർക്കിംഗ് ഏരിയയിൽ നിർത്തിയിട്ടിരുന്ന ഇലക്ട്രിക് സ്കൂട്ടർ ചാർജ് ചെയ്യുന്നതിനിടെയുണ്ടായ പൊട്ടിത്തെറിയാണ് വലിയ അപകടത്തിന് കാരണമായത്. തിങ്കളാഴ്ച പുലർച്ചയോടെയായിരുന്നു സംഭവം.

ചാർജ് ചെയ്യുന്നതിനിടെ സ്കൂട്ടറിന് പിടിച്ച തീ സമീപത്തുണ്ടായിരുന്ന പെട്രോൾ വാഹനങ്ങളിലേക്കും അതിവേഗം പടരുകയായിരുന്നു. ഇതോടെ തീയും കനത്ത പുകയും കെട്ടിടത്തിന്റെ മുകളിലെ നിലകളിലേക്കും വ്യാപിച്ചു. അപകടസമയത്ത് കെട്ടിടത്തിൽ അൻപതോളം കുടുംബങ്ങൾ ഉണ്ടായിരുന്നു.

വിവരമറിഞ്ഞ് സ്ഥലത്തെത്തിയ ഫയർഫോഴ്സും പോലീസും ചേർന്ന് ഹൈഡ്രോളിക് പ്ലാറ്റ്ഫോമുകളും കയറുകളും ഉപയോഗിച്ചാണ് ആളുകളെ സുരക്ഷിതമായി പുറത്തെത്തിച്ചത്. പുക ശ്വസിച്ച് അവശരായവരെ ഉടൻ തന്നെ ആശുപത്രിയിലേക്ക് മാറ്റി.

പാർക്കിംഗ് ഏരിയയിലുണ്ടായിരുന്ന നിരവധി കാറുകളും ബൈക്കുകളും തീയിൽ പൂർണ്ണമായി കത്തിനശിച്ചിട്ടുണ്ട്. സംഭവത്തിൽ പോലീസ് എഫ്.ഐ.ആർ രജിസ്റ്റർ ചെയ്യുകയും സുരക്ഷാ വീഴ്ചകളെക്കുറിച്ച് അന്വേഷിക്കുന്നതിനായി കെട്ടിട ഉടമയെ കസ്റ്റഡിയിലെടുക്കുകയും ചെയ്തു. ഇലക്ട്രിക് വാഹനങ്ങൾ ചാർജ് ചെയ്യുന്നതിലുണ്ടായ അശ്രദ്ധയാണ് അപകടത്തിന് കാരണമെന്നാണ് പ്രാഥമിക നിഗമനം.

### Related Links & Sources
- [Original Story Source](https://truevisionnews.com/news/372565/noida-mamurra-building-fire-ev-charging-blast-2-dead)