---
title: " ദേഷ്യം വന്നു... പിന്നൊന്നും നോക്കീല...! കണ്ണൂരിൽ പണം ചോദിച്ചിട്ട് നൽകാത്തതിന് വീടിന് തീയിട്ട് യുവാവ്; ആയിക്കര സ്വദേശി റിമാൻഡിൽ  "
english_title: "Kannur Man Sets Own House on Fire Over Money, Arrested"
publisher: "truevisionnews.com"
canonical_url: "https://truevisionnews.com/news/372375/kannur-man-sets-house-on-fire-over-money-arrested-new"
published_at: "2026-07-14T16:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a561811a6f5e_kannur-man-sets-house-on-fire-over-money-arrested1.jpg"
keywords: ["Kannur News", "House Fire", "Crime Kerala"]
---

#  ദേഷ്യം വന്നു... പിന്നൊന്നും നോക്കീല...! കണ്ണൂരിൽ പണം ചോദിച്ചിട്ട് നൽകാത്തതിന് വീടിന് തീയിട്ട് യുവാവ്; ആയിക്കര സ്വദേശി റിമാൻഡിൽ  

> **Lead Summary:** കണ്ണൂർ: പണം ചോദിച്ചിട്ട് നൽകാത്തതിലെ വൈരാഗ്യത്തിൽ സ്വന്തം വീടിന് തീയിട്ട് യുവാവ്. കണ്ണൂർ ആയിക്കരയിലാണ് സംഭവം. ആയിക്കര സ്വദേശി അഭിഷേകിനെ സംഭവത്തിൽ പോലീസ് അറസ്റ്റ് ചെയ്തു.ഇന്ന് പുലർച്ചയോടെയാണ് വീടിന് തീയിട്ടത്.

## Article Content

കണ്ണൂർ: പണം ചോദിച്ചിട്ട് നൽകാത്തതിലെ വൈരാഗ്യത്തിൽ സ്വന്തം വീടിന് തീയിട്ട് യുവാവ്. കണ്ണൂർ ആയിക്കരയിലാണ് സംഭവം. ആയിക്കര സ്വദേശി അഭിഷേകിനെ സംഭവത്തിൽ പോലീസ് അറസ്റ്റ് ചെയ്തു.ഇന്ന് പുലർച്ചയോടെയാണ് വീടിന് തീയിട്ടത്.

വീട്ടുകാരോട് പണം ആവശ്യപ്പെട്ടെങ്കിലും അവർ നൽകാൻ തയ്യാറായില്ല. ഇതിൽ പ്രകോപിതനായ അഭിഷേക് വീടിന്റെ ഒരു ഭാഗത്ത് പെട്രോൾ ഒഴിച്ച് തീകൊളുത്തുകയായിരുന്നെന്ന് പോലീസ് പറഞ്ഞു. തീപടരുന്നത് കണ്ട് വീട്ടുകാർ ബഹളം വെക്കുകയും ഉടൻ തന്നെ ഫയർഫോഴ്സിനെ വിവരം അറിയിക്കുകയും ചെയ്തു.

ഫയർഫോഴ്സ് എത്തി സമയോചിതമായി ഇടപെട്ടതിനാൽ തീ വലിയ രീതിയിൽ പടർന്നില്ല. വീടിന്റെ ഒരു ഭാഗത്തിന് മാത്രമാണ് കേടുപാടുകൾ സംഭവിച്ചത്. സംഭവസമയത്ത് വീട്ടിലുണ്ടായിരുന്നവർ പരിക്കുകളില്ലാതെ രക്ഷപ്പെട്ടു.സംഭവമറിഞ്ഞ് സ്ഥലത്തെത്തിയ പോലീസ് അഭിഷേകിനെ കസ്റ്റഡിയിലെടുത്തു.

ചോദ്യം ചെയ്യലിൽ പണം ചോദിച്ചിട്ട് കിട്ടാത്തതിലെ ദേഷ്യത്തിലാണ് തീയിട്ടതെന്ന് ഇയാൾ സമ്മതിച്ചു. അഭിഷേക് ലഹരിക്ക് അടിമയായിരുന്നുവെന്ന് കുടുംബം പോലീസിനോട് പറഞ്ഞു. ഇയാളുടെ ലഹരി ഉപയോഗവും അക്രമ സ്വഭാവവും മൂലം വീട്ടിൽ പലപ്പോഴും പ്രശ്നങ്ങൾ ഉണ്ടായിരുന്നതായും ബന്ധുക്കൾ മൊഴി നൽകി.

പ്രതിക്കെതിരെ അഗ്നിക്ക് ഇടുക, പൊതു സ്വത്ത് നശിപ്പിക്കുക തുടങ്ങിയ വകുപ്പുകൾ പ്രകാരം കേസെടുത്തിട്ടുണ്ട്. കോടതിയിൽ ഹാജരാക്കിയ അഭിഷേകിനെ റിമാൻഡ് ചെയ്തു. സംഭവത്തിൽ കൂടുതൽ അന്വേഷണം നടക്കുന്നതായി പോലീസ് അറിയിച്ചു.

### Related Links & Sources
- [Original Story Source](https://truevisionnews.com/news/372375/kannur-man-sets-house-on-fire-over-money-arrested-new)