---
title: " കോഴിക്കോട് കൊയിലാണ്ടി ബൈപ്പാസില്‍ ബൈക്കും സ്കൂട്ടറും കൂട്ടിയിടിച്ച് അപകടം; ചികിത്സയിലിരുന്ന യുവതി മരിച്ചു"
english_title: "Koyilandy Accident: 23 Year Old Woman Dies After Bike Scooter Collision"
publisher: "truevisionnews.com"
canonical_url: "https://truevisionnews.com/news/372363/koyilandy-bypass-accident-woman-dies-bike-scooter-collision"
published_at: "2026-07-14T15:46:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a560cbb770f0_koyilandy-bypass-accident-woman-dies-bike-scooter-collision.jpg"
keywords: []
---

#  കോഴിക്കോട് കൊയിലാണ്ടി ബൈപ്പാസില്‍ ബൈക്കും സ്കൂട്ടറും കൂട്ടിയിടിച്ച് അപകടം; ചികിത്സയിലിരുന്ന യുവതി മരിച്ചു

> **Lead Summary:** കൊയിലാണ്ടി(കോഴിക്കോട്): കോഴിക്കോട് നന്തി-ചെങ്ങോട്ടുകാവ് ബൈപ്പാസില്‍ ഉണ്ടായ വാഹനാപകടത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന യുവതി മരിച്ചു. തിക്കോടി ശ്രീനിലയം തെക്കെ കൊല്ലന്റെകണ്ടി ഹരീഷിന്റെ മകള്‍ തീര്‍ഥ യാണ് മരിച്ചത്. ഇന്നലെ രാത്രി എട്ട് മണിയോടെയാണ് അപകടം ഉണ്ടായത്.

## Article Content

കൊയിലാണ്ടി(കോഴിക്കോട്): കോഴിക്കോട് നന്തി-ചെങ്ങോട്ടുകാവ് ബൈപ്പാസില്‍ ഉണ്ടായ വാഹനാപകടത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന യുവതി മരിച്ചു. തിക്കോടി ശ്രീനിലയം തെക്കെ കൊല്ലന്റെകണ്ടി ഹരീഷിന്റെ മകള്‍ തീര്‍ഥ യാണ് മരിച്ചത്. ഇന്നലെ രാത്രി എട്ട് മണിയോടെയാണ് അപകടം ഉണ്ടായത്.

മണമലില്‍ വെച്ച് കെഎല്‍ 56 എഎ 3856 നമ്പര്‍ ബൈക്കും കെഎല്‍ 56 എം 2391 നമ്പര്‍ സ്കൂട്ടറും കൂട്ടിയിടിക്കുകയായിരുന്നു. ബൈക്കിന്റെ പിറകില്‍ യാത്രക്കാരിയായി ഇരിക്കുകയായിരുന്നു തീര്‍ഥ. അപകടത്തില്‍ തീര്‍ഥയ്ക്ക് സാരമായ പരിക്കുകള്‍ സംഭവിച്ചു. ഉടന്‍ തന്നെ നാട്ടുകാരും നേരെ വന്ന വാഹനങ്ങളും ചേര്‍ന്ന് പരിക്കേറ്റവരെ കൊയിലാണ്ടിയിലെ സ്വകാര്യ ആശുപത്രിയിലെത്തിച്ചു.

അവിടെ നിന്ന് തീര്‍ഥയെ കൂടുതല്‍ ചികിത്സയ്ക്കായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. എന്നാല്‍ ഇന്ന് ഉച്ചയോടെ ചികിത്സയിലിരിക്കെ തീര്‍ഥയുടെ മരണം സംഭവിച്ചു.അപകടത്തില്‍ ബൈക്ക് യാത്രികരും സ്കൂട്ടര്‍ യാത്രികരുമടക്കം മൂന്ന് പേര്‍ക്ക് കൂടി പരിക്കേറ്റിട്ടുണ്ട്. ഇവര്‍ വിവിധ ആശുപത്രികളില്‍ ചികിത്സയിലാണ്.

സംഭവമറിഞ്ഞ് കൊയിലാണ്ടി പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. വാഹനങ്ങള്‍ കസ്റ്റഡിയിലെടുത്തു. അപകടത്തിന്റെ കാരണം സംബന്ധിച്ച് പോലീസ് അന്വേഷണം ആരംഭിച്ചിട്ടുണ്ട്. അപ്രതീക്ഷിതമായി സംഭവിച്ച ദുരന്തത്തില്‍ തിക്കോടി പ്രദേശം ഞെട്ടലിലാണ്. യുവതിയുടെ മരണവാര്‍ത്ത അറിഞ്ഞ് ബന്ധുക്കളും നാട്ടുകാരും ആശുപത്രിയിലെത്തി. മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.

### Related Links & Sources
- [Original Story Source](https://truevisionnews.com/news/372363/koyilandy-bypass-accident-woman-dies-bike-scooter-collision)