---
title: "അവളില്ലാതെ ഞാനില്ല ....: ഭാര്യ കിണറ്റിൽ വീണു മരിച്ചതിന്റെ മനോവിഷമം; ഇടുക്കിയിൽ ഭർത്താവ് വിഷം കഴിച്ച് ആത്മഹത്യ ചെയ്തു"
english_title: "Idukki Kattappana Death Case Family Tragedy 4 Children Orphaned"
publisher: "truevisionnews.com"
canonical_url: "https://truevisionnews.com/news/372331/idukki-kattappana-family-tragedy-young-man-death-4-children-"
published_at: "2026-07-14T13:58:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a55f3677b33b_idukki-kattappana-family-tragedy-young-man-death-4-children.jpg"
keywords: ["Idukki News", "Kerala News", "Family Tragedy", "Police Case", "Suicide Case"]
---

# അവളില്ലാതെ ഞാനില്ല ....: ഭാര്യ കിണറ്റിൽ വീണു മരിച്ചതിന്റെ മനോവിഷമം; ഇടുക്കിയിൽ ഭർത്താവ് വിഷം കഴിച്ച് ആത്മഹത്യ ചെയ്തു

> **Lead Summary:** **ഇടുക്കി: ** ഭാര്യ കിണറ്റിൽ വീണു മരിച്ചതിന്റെ മനോവിഷമത്തിൽ ഭർത്താവ് വിഷം കഴിച്ച് ആത്മഹത്യ ചെയ്തു . ഇടുക്കി കട്ടപ്പന വെള്ളയാംകുടി എകെജി പടി കിഴക്കേ ആലുങ്കൽ കെ.എസ്. ഷിബു ആണ് മരിച്ചത്. ഏതാനും ദിവസങ്ങൾക്ക് മുമ്പാണ് ഷിബുവും കുടുംബവും വെള്ളയാംകുടിയിൽ വാടക വീട്ടിൽ താമസം തുടങ്ങിയത്.

## Article Content

**ഇടുക്കി: ** ഭാര്യ കിണറ്റിൽ വീണു മരിച്ചതിന്റെ മനോവിഷമത്തിൽ ഭർത്താവ് വിഷം കഴിച്ച് ആത്മഹത്യ ചെയ്തു . ഇടുക്കി കട്ടപ്പന വെള്ളയാംകുടി എകെജി പടി കിഴക്കേ ആലുങ്കൽ കെ.എസ്. ഷിബു ആണ് മരിച്ചത്. ഏതാനും ദിവസങ്ങൾക്ക് മുമ്പാണ് ഷിബുവും കുടുംബവും വെള്ളയാംകുടിയിൽ വാടക വീട്ടിൽ താമസം തുടങ്ങിയത്.

ഇതിനിടയിൽ ഷിബുവിന്റെ ഭാര്യ കിണറ്റിൽ വീണ് മരിക്കുകയായിരുന്നു. ഭാര്യയുടെ അപ്രതീക്ഷിത വിയോഗത്തിലുണ്ടായ കടുത്ത മനോവിഷമമാണ് ഷിബുവിനെ ജീവനൊടുക്കാൻ പ്രേരിപ്പിച്ചതെന്നാണ് പ്രാഥമിക വിവരം. ഭാര്യ മരണപ്പെട്ടതിന്റെ ഞെട്ടലിൽ നിന്ന് കരകയറാൻ ഷിബുവിന് കഴിഞ്ഞിരുന്നില്ലെന്ന് നാട്ടുകാർ പറയുന്നു.

തിങ്കളാഴ്ച രാത്രി ഏഴരയോടെയാണ് ഷിബുവിനെ വിഷം കഴിച്ച് അവശനിലയിൽ കണ്ടെത്തിയത്. ഉടൻ തന്നെ കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഷിബുവിന്റെയും ഭാര്യയുടെയും വേർപാട് നാല് കുട്ടികളെ അനാഥരാക്കി. ഷിബുവിന്റെ മൃതദേഹം നിലവിൽ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

ഇടുക്കി മെഡിക്കൽ കോളേജിൽ പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും. ഇടുക്കി മെഡിക്കൽ കോളേജിൽ പോസ്റ്റുമോർട്ടം നടത്തിയ ശേഷം മൃതദേഹം ബന്ധുക്കൾക്ക് വിട്ടുനൽകും. സംഭവത്തിൽ കട്ടപ്പന പോലീസ് കേസെടുത്ത് അന്വേഷണം ആരംഭിച്ചു.

*(ജീവിതത്തിലെ പ്രശ്നങ്ങളിൽ തളരുന്നവർക്ക് സംസാരിക്കാൻ ആളുകളുണ്ട്. നിങ്ങൾക്ക് സഹായം ആവശ്യമുണ്ടെങ്കിൽ Tele-MANAS 14416 എന്ന നമ്പറിൽ 24 മണിക്കൂറും സൗജന്യ സഹായം ലഭിക്കും)
*

 

### Related Links & Sources
- [Original Story Source](https://truevisionnews.com/news/372331/idukki-kattappana-family-tragedy-young-man-death-4-children-)