---
title: "വരവൂരിൽ ബന്ധുവീട്ടിലെത്തിയ 19 വയസ്സുകാരി കിണറ്റിൽ വീണ് മരിച്ചു"
english_title: "Thrissur Tragedy: 19-Year-Old Girl Dies After Falling Into Well"
publisher: "truevisionnews.com"
canonical_url: "https://truevisionnews.com/news/372045/thrissur-varavoor-19-year-old-girl-dies-well"
published_at: "2026-07-12T22:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a53c90a9e32a_Thrissur_Tragedy.jpg"
keywords: ["Thrissur News", "Varavoor Accident", "Kerala", "Well Accident", "Thrissur Death"]
---

# വരവൂരിൽ ബന്ധുവീട്ടിലെത്തിയ 19 വയസ്സുകാരി കിണറ്റിൽ വീണ് മരിച്ചു

> **Lead Summary:** തൃശൂർ: വരവൂരിൽ ബന്ധുവീട്ടിലെത്തിയ 19 വയസ്സുകാരി കിണറ്റിൽ വീണ് മരിച്ചു. ദേശമംഗലം വറവട്ടൂർ വരമംഗലം സ്വദേശി നാസറിന്റെ മകൾ ഹസ്നയാണ് ദാരുണമായി മരണപ്പെട്ടത്. ഇന്നലെ തളി പിലക്കാട് സ്വകാര്യ വ്യക്തിയുടെ നെൽപ്പാടത്തിനോട് ചേർന്ന പറമ്പിലെ കിണറ്റിൽ വീണാണ് അപകടം സംഭവിച്ചത്.

## Article Content

തൃശൂർ: വരവൂരിൽ ബന്ധുവീട്ടിലെത്തിയ 19 വയസ്സുകാരി കിണറ്റിൽ വീണ് മരിച്ചു. ദേശമംഗലം വറവട്ടൂർ വരമംഗലം സ്വദേശി നാസറിന്റെ മകൾ ഹസ്നയാണ് ദാരുണമായി മരണപ്പെട്ടത്. ഇന്നലെ തളി പിലക്കാട് സ്വകാര്യ വ്യക്തിയുടെ നെൽപ്പാടത്തിനോട് ചേർന്ന പറമ്പിലെ കിണറ്റിൽ വീണാണ് അപകടം സംഭവിച്ചത്.

ബന്ധുവീട്ടിൽ വിരുന്നിനെത്തിയ ഹസ്ന സഹോദരിമാരുമൊത്ത് കുളിക്കുന്നതിനിടെയാണ് അബദ്ധത്തിൽ കിണറ്റിൽ വീണത്.സംഭവം ശ്രദ്ധയിൽപ്പെട്ടയുടൻ നാട്ടുകാർ രക്ഷാപ്രവർത്തനം നടത്താൻ ശ്രമിച്ചെങ്കിലും സാധിച്ചില്ല. തുടർന്ന് വിവരമറിഞ്ഞ് ഫയർഫോഴ്സ് സംഘം സ്ഥലത്തെത്തി. മണിക്കൂറുകളോളം നീണ്ട പരിശ്രമത്തിനൊടുവിലാണ് ഹസ്നയുടെ മൃതദേഹം കിണറ്റിൽ നിന്ന് പുറത്തെടുത്തത്.

അപകടവിവരം അറിഞ്ഞ് ബന്ധുക്കളും നാട്ടുകാരും സ്ഥലത്തെത്തി. സംഭവത്തിൽ വരവൂർ പോലീസ് മേൽനടപടികൾ സ്വീകരിച്ചു. പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകി. 19 വയസ്സുകാരിയുടെ പെട്ടെന്നുള്ള വിയോഗം പ്രദേശത്ത് വലിയ ദുഃഖമാണ് ഉണ്ടാക്കിയിരിക്കുന്നത്.

### Related Links & Sources
- [Original Story Source](https://truevisionnews.com/news/372045/thrissur-varavoor-19-year-old-girl-dies-well)