---
title: " കാമുകിയ്ക്കൊപ്പം ഹോട്ടലിലെത്തിയ  19-കാരനെ മുറിയിൽ തൂങ്ങി മരിച്ചനിലയിൽ കണ്ടെത്തി, കൊലപാതകമാണെന്ന് ബന്ധുക്കൾ "
english_title: "19-year-old man found dead after sharing hotel room with 23-year-old girlfriend"
publisher: "truevisionnews.com"
canonical_url: "https://truevisionnews.com/news/371589/19-year-old-man-found-dead-after-sharing-hotel-room-with-23-year-old-girlfriend-NEW"
published_at: "2026-07-10T11:55:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a509163add21_death.jpg"
keywords: ["girlfriend", "Suicide", "Murder case", "Death in Bhilai", "Chhattisgarh", "Latest News"]
---

#  കാമുകിയ്ക്കൊപ്പം ഹോട്ടലിലെത്തിയ  19-കാരനെ മുറിയിൽ തൂങ്ങി മരിച്ചനിലയിൽ കണ്ടെത്തി, കൊലപാതകമാണെന്ന് ബന്ധുക്കൾ 

> **Lead Summary:** **റായ്പുർ: **ഛത്തീസ്​​ഗഢിലെ ഭിലായിൽ കാമുകിയ്ക്കൊപ്പം ഹോട്ടലിലെത്തിയ യുവാവിനെ മുറിയിൽ മരിച്ചനിലയിൽ കണ്ടെത്തി. കലാകാരനും ഡ്രമ്മറുമായ 19-കാരനാണ് മരിച്ചത്.

## Article Content

**റായ്പുർ: **ഛത്തീസ്​​ഗഢിലെ ഭിലായിൽ കാമുകിയ്ക്കൊപ്പം ഹോട്ടലിലെത്തിയ യുവാവിനെ മുറിയിൽ മരിച്ചനിലയിൽ കണ്ടെത്തി. കലാകാരനും ഡ്രമ്മറുമായ 19-കാരനാണ് മരിച്ചത്.

ചൊവ്വാഴ്ച രാത്രിയാണ് 23-കാരിയായ കാമുകിയ്ക്കൊപ്പം യുവാവ് ഹോട്ടലിൽ മുറിയെടുത്തതെന്ന് പൊലീസ് പറഞ്ഞു. ഹോട്ടിലിൽവെച്ച് ഇരുവരും മദ്യപിച്ചതായി കാമുകിയും മൊഴി നൽകിയിട്ടുണ്ട്. ഇതിനിടെ യുവാവിന് വന്ന ഒരു ഫോൺകോളിനെച്ചൊല്ലി ഇരുവരും തമ്മിൽ തർക്കമുണ്ടായി.

കലഹത്തിനിടെ യുവതി ബ്ലേഡ് കൊണ്ട് കൈയിൽ സ്വയം മുറിവേൽപ്പിച്ചു. പിന്നാലെ മദ്യലഹരിയിലായിരുന്ന തനിക്ക് ബോധം നഷ്ടമായെന്നും ബുധനാഴ്ച രാവിലെ ബോധം വീണ്ടെടുത്തപ്പോഴാണ് ഫാനിൽ തൂങ്ങിയനിലയിൽ യുവാവിനെ കണ്ടതെന്നുമാണ് യുവതിയുടെ മൊഴി.

ഫാനിൽ തൂങ്ങിയനിലയിൽ കണ്ടെത്തിയ യുവാവിനെ യുവതി തന്നെ കെട്ടഴിച്ച് താഴെ ഇറക്കുകയായിരുന്നു. തുടർന്ന് സുഹൃത്തുക്കളെ വിവരമറിയിച്ച് സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും നേരത്തേ മരണം സംഭവിച്ചിരുന്നു . സംഭവം കൊലപാതകമാണെന്നും കാമുകിയ്ക്ക് ഇതിൽ പങ്കുണ്ടെന്നും വിശദമായ അന്വേഷണം വേണമെന്നും യുവാവിന്റെ ബന്ധുക്കൾ ആവശ്യപ്പെട്ടു.

### Related Links & Sources
- [Original Story Source](https://truevisionnews.com/news/371589/19-year-old-man-found-dead-after-sharing-hotel-room-with-23-year-old-girlfriend-NEW)