---
title: "കോഴിക്കോട് റെയിൽവേ പ്ലാറ്റ്ഫോമിലെ അപകടം; തകർന്നുവീണ ക്ലോക്ക് ടവറിൻ്റെ അവശിഷ്ടങ്ങൾ മാറ്റാൻ തീവ്രശ്രമം, ട്രെയിനുകൾ വൈകാൻ സാധ്യത"
english_title: "Accident at Kozhikode railway platform: Clock tower collapses; train services likely to be delayed"
publisher: "truevisionnews.com"
canonical_url: "https://truevisionnews.com/news/371503/accident-at-kozhikode-railway-platform-clock-tower-collapses-train-services-likely-to-be-delayed"
published_at: "2026-07-10T07:07:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a4f51e01c7ef_12.jpg"
keywords: ["Latest News", "Kozhikode Railway Station", "Clock Tower Collapses", "Train Service"]
---

# കോഴിക്കോട് റെയിൽവേ പ്ലാറ്റ്ഫോമിലെ അപകടം; തകർന്നുവീണ ക്ലോക്ക് ടവറിൻ്റെ അവശിഷ്ടങ്ങൾ മാറ്റാൻ തീവ്രശ്രമം, ട്രെയിനുകൾ വൈകാൻ സാധ്യത

> **Lead Summary:** **കോഴിക്കോട്: **കോഴിക്കോട് റെയിൽവേ പ്ലാറ്റ്ഫോമിൽ തകർന്നുവീണ ക്ലോക്ക് ടവറിൻ്റെ അപകടാവസ്ഥയിലുള്ള ബാക്കി ഭാഗങ്ങൾ പൊളിച്ചുനീക്കാൻ തുടങ്ങി.

## Article Content

**കോഴിക്കോട്: **കോഴിക്കോട് റെയിൽവേ പ്ലാറ്റ്ഫോമിൽ തകർന്നുവീണ ക്ലോക്ക് ടവറിൻ്റെ അപകടാവസ്ഥയിലുള്ള ബാക്കി ഭാഗങ്ങൾ പൊളിച്ചുനീക്കാൻ തുടങ്ങി.

ഇന്നലെ രാത്രി വടം ഉപയോഗിച്ച് മൂന്ന് തവണ കെട്ടിടാവശിഷ്ടങ്ങൾ വലിച്ചു താഴെയിടാൻ ശ്രമിച്ചെങ്കിലും പരാജയപ്പെട്ടിരുന്നു. അപകടാവസ്ഥയിലുള്ള കോൺക്രീറ്റ് ഭാഗങ്ങൾ പൂർണ്ണമായും നീക്കം ചെയ്താൽ മാത്രമേ രണ്ട്, മൂന്ന് ട്രാക്കുകളിലൂടെയുള്ള ട്രെയിൻ ഗതാഗതം പുനഃസ്ഥാപിക്കാൻ സാധിക്കൂ.

നിലവിൽ ഷൊർണ്ണൂർ ഭാഗത്തേക്കുള്ള ട്രെയിനുകൾ ഒന്നാം പ്ലാറ്റ്ഫോമിലൂടെയും, മംഗലാപുരം ഭാഗത്തേക്കുള്ളവ നാലാം പ്ലാറ്റ്ഫോമിലൂടെയുമാണ് തിരിച്ചുവിടുന്നത്. നിയന്ത്രണങ്ങൾ ഉള്ളതിനാൽ സർവീസുകൾ വൈകാൻ സാധ്യതയുണ്ടെന്ന് റെയിൽവേ അധികൃതർ അറിയിച്ചു.

യാത്രാക്ലേശം പരിഹരിച്ച് ഗതാഗതം പൂർണ്ണസ്ഥിതിയിലാക്കിയ ശേഷം ക്ലോക്ക് ടവർ തകർന്നുവീണ സംഭവത്തിൽ വിശദമായ അന്വേഷണം നടത്താനാണ് റെയിൽവേയുടെ തീരുമാനം.

### Related Links & Sources
- [Original Story Source](https://truevisionnews.com/news/371503/accident-at-kozhikode-railway-platform-clock-tower-collapses-train-services-likely-to-be-delayed)