---
title: "ലഹരിമരുന്ന് കടത്ത്: നാട്ടിക സ്വദേശിയായ യുവാവിനെ പിഐടി എൻഡിപിഎസ് നിയമപ്രകാരം ഒരു വർഷത്തേക്ക് ജയിലിലടച്ചു"
english_title: "Action taken against habitual drug sellers and smugglers in Thrissur district."
publisher: "truevisionnews.com"
canonical_url: "https://truevisionnews.com/news/371002/action-taken-against-habitual-drug-sellers-and-smugglers-in-thrissur-district"
published_at: "2026-07-07T16:04:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a4cd68809ea4_Untitled-1lkjhgfds.jpg"
keywords: ["Latest News", "Thrissur", "Drug trafficking", "Sentenced to one year in prison"]
---

# ലഹരിമരുന്ന് കടത്ത്: നാട്ടിക സ്വദേശിയായ യുവാവിനെ പിഐടി എൻഡിപിഎസ് നിയമപ്രകാരം ഒരു വർഷത്തേക്ക് ജയിലിലടച്ചു

> **Lead Summary:** **തൃശൂർ:[ **റൂറൽ ജില്ലയിൽ മയക്കുമരുന്ന് വിൽപ്പനയും കടത്തും പതിവാക്കിയവർക്കെതിരെ നടപടി കർശനമാക്കുന്നതിന്റെ ഭാഗമായി, മൂന്ന് മയക്കുമരുന്ന് കേസുകളിൽ പ്രതിയായ യുവാവിനെ പോലീസ് കരുതൽ തടങ്കലിലാക്കി. നാട്ടിക ബീച്ച് പുഞ്ചപ്പാടത്ത് വീട്ടിൽ വിഷ്ണു എന്ന കണ്ണൻ ആണ് ഒരു വർഷത്തെ ജയിൽവാസത്തിനായി തിരുവനന്തപുരം പൂജപ്പുര സെൻട്രൽ ജയിലിലേക്ക് മാറ്റപ്പെട്ടത്.

## Article Content

**തൃശൂർ:[ **റൂറൽ ജില്ലയിൽ മയക്കുമരുന്ന് വിൽപ്പനയും കടത്തും പതിവാക്കിയവർക്കെതിരെ നടപടി കർശനമാക്കുന്നതിന്റെ ഭാഗമായി, മൂന്ന് മയക്കുമരുന്ന് കേസുകളിൽ പ്രതിയായ യുവാവിനെ പോലീസ് കരുതൽ തടങ്കലിലാക്കി. നാട്ടിക ബീച്ച് പുഞ്ചപ്പാടത്ത് വീട്ടിൽ വിഷ്ണു എന്ന കണ്ണൻ ആണ് ഒരു വർഷത്തെ ജയിൽവാസത്തിനായി തിരുവനന്തപുരം പൂജപ്പുര സെൻട്രൽ ജയിലിലേക്ക് മാറ്റപ്പെട്ടത്.

തൃശൂർ റൂറൽ ജില്ലാ പോലീസ് മേധാവി മുഹമ്മദ് നദീമിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് പ്രതിയെ പിടികൂടി നിയമനടപടികൾ പൂർത്തിയാക്കിയത്. ഒന്നിലേറെ തവണ മയക്കുമരുന്ന് കേസുകളിൽ ഉൾപ്പെടുന്നവരെയും ലഹരിമാഫിയയെ സാമ്പത്തികമായി സഹായിക്കുന്നവരെയും വിചാരണ കൂടാതെ തടങ്കലിൽ വെക്കാൻ അധികാരം നൽകുന്ന പിഐടി എൻഡിപിഎസ് നിയമം പ്രകാരമാണ് ഇയാളെ ജയിലിലടച്ചത്.

മലപ്പുറം കാടാമ്പുഴയിൽ 3.400 കിലോ കഞ്ചാവുമായും, ഇടുക്കി ദേവികുളത്ത് 7.530 കിലോ കഞ്ചാവുമായും, തൃശൂർ വലപ്പാട് സ്റ്റേഷൻ പരിധിയിൽ 6.650 കിലോ കഞ്ചാവുമായും ഇയാൾ മുൻപ് പിടിയിലായിരുന്നു.

ഇതിൽ കാടാമ്പുഴ, ദേവികുളം കേസുകളിൽ കോടതി ഇയാൾക്ക് ശിക്ഷ വിധിച്ചിട്ടുണ്ടെങ്കിലും, ജാമ്യത്തിൽ ഇറങ്ങിയ ശേഷമാണ് ഇയാൾ വീണ്ടും മയക്കുമരുന്ന് കടത്തിൽ സജീവമായത്. വലപ്പാട് പോലീസ് സ്റ്റേഷനിലെ ഉദ്യോഗസ്ഥരുടെ നേതൃത്വത്തിലുള്ള സംഘമാണ് പ്രതിയെ പിടികൂടുന്നതിലും തുടർനടപടികൾ കൈക്കൊള്ളുന്നതിലും നിർണ്ണായക പങ്ക് വഹിച്ചത്.

### Related Links & Sources
- [Original Story Source](https://truevisionnews.com/news/371002/action-taken-against-habitual-drug-sellers-and-smugglers-in-thrissur-district)