---
title: "കൂടപ്പിറപ്പിന്റെ ജീവനെടുത്ത് സ്വത്ത് തർക്കം; മലപ്പുറത്ത് ജ്യേഷ്ഠനെ ഇരുമ്പായുധം കൊണ്ട് അടിച്ചുകൊന്ന അനുജൻ പിടിയിൽ"
english_title: "elder brother was killed during a scuffle between siblings in Malappuram"
publisher: "truevisionnews.com"
canonical_url: "https://truevisionnews.com/news/370636/elder-brother-was-killed-during-a-scuffle-between-siblings-in-malappuram"
published_at: "2026-07-05T20:10:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6a4a6d2824113_malappuram.jpg"
keywords: ["Latest News", "Crime", "Malappuram Murder", "Police Case"]
---

# കൂടപ്പിറപ്പിന്റെ ജീവനെടുത്ത് സ്വത്ത് തർക്കം; മലപ്പുറത്ത് ജ്യേഷ്ഠനെ ഇരുമ്പായുധം കൊണ്ട് അടിച്ചുകൊന്ന അനുജൻ പിടിയിൽ

> **Lead Summary:** **മലപ്പുറം: ( **[www.truevisionnews.com]** ) മ**ലപ്പുറത്ത് സഹോദരങ്ങൾ തമ്മിൽ ഉണ്ടായ അടിപിടിക്കിടെ ജ്യേഷ്ഠൻ കൊല്ലപ്പെട്ടു. കൊണ്ടോട്ടി ഒഴുകൂർ നൂർ മൻസിൽ ചിറ്റങ്ങാടൻ മുഹമ്മദ് റഫീഖ് ആണ് മരിച്ചത്.

## Article Content

**മലപ്പുറം: ( **[www.truevisionnews.com]** ) മ**ലപ്പുറത്ത് സഹോദരങ്ങൾ തമ്മിൽ ഉണ്ടായ അടിപിടിക്കിടെ ജ്യേഷ്ഠൻ കൊല്ലപ്പെട്ടു. കൊണ്ടോട്ടി ഒഴുകൂർ നൂർ മൻസിൽ ചിറ്റങ്ങാടൻ മുഹമ്മദ് റഫീഖ് ആണ് മരിച്ചത്.

സംഭവത്തിൽ അനുജനായ ചിറ്റങ്ങാടൻ സാജിദി (49) നെ പൊലീസ് കസ്റ്റഡിയിലെടുത്തു. സ്വത്ത് തർക്കത്തെ തുടർന്നായിരുന്നു അടിപിടി. ഇന്ന് രാവിലെ 11 മണിയോടെയാണ് സംഭവം.

പരിക്കേറ്റ മുഹമ്മദ് റഫീഖിനെ കൊണ്ടോട്ടി സ്വകാര്യ ആശുപത്രിയിൽ ആദ്യം പ്രവേശിപ്പിച്ചു. വിദഗ്ധ ചികിത്സയ്ക്കായി ഫറൂക്കിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.

മൃതദേഹം മഞ്ചേരി മെഡിക്കൽ കോളേജിലേക്ക് മാറ്റി. സംഭവത്തിൽ അനുജൻ സാജിദിനെതിരെ കൊലപാതകത്തിന് കേസെടുത്തു. മരിച്ച മുഹമ്മദ് റഫീക്കിന്റെ ദേഹത്ത് മുറിവുകളുണ്ടെന്നും ചെറിയ ഇരുമ്പായുധം ഉപയോഗിച്ചാണ് ആക്രമിച്ചതെന്നും പൊലീസ് പറഞ്ഞു.

### Related Links & Sources
- [Original Story Source](https://truevisionnews.com/news/370636/elder-brother-was-killed-during-a-scuffle-between-siblings-in-malappuram)