---
title: "എന്നെ മതി ഇപ്പൊ എല്ലാവർക്കും ...! ഇനി സ്റ്റൈൽ മാറും; ചുരുണ്ട മുടിയുടെ സംരക്ഷണത്തിന് ഈ പൊടിക്കൈകൾ മതി"
english_title: "Caring for curly hair"
publisher: "truevisionnews.com"
canonical_url: "https://truevisionnews.com/news/370221/caring-for-curly-hair"
published_at: "2026-07-03T16:48:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/6a479ac380e3c_hair.jpg"
keywords: ["Curly hair", "Hair care", "Sulphate-free shampoo", "Conditioner", "Moisturizing", "Frizz control", "Hair care tips", "Natural beauty"]
---

# എന്നെ മതി ഇപ്പൊ എല്ലാവർക്കും ...! ഇനി സ്റ്റൈൽ മാറും; ചുരുണ്ട മുടിയുടെ സംരക്ഷണത്തിന് ഈ പൊടിക്കൈകൾ മതി

> **Lead Summary:** ** **പണ്ട് ചുരുണ്ട മുടി ഇഷ്ടമില്ലാത്ത പെൺകുട്ടികൾ എല്ലാം തന്നെ ഇന്ന് ചുരുണ്ട മുടിയെ സ്നേഹിക്കുന്നവരാണ് . ചുരുണ്ട മുടിയുടെ സ്വാഭാവിക ഭംഗിയും ആരോഗ്യവും നിലനിർത്താൻ ശരിയായ പരിപാലന രീതികൾ അനിവാര്യമാണ്.

## Article Content

** **പണ്ട് ചുരുണ്ട മുടി ഇഷ്ടമില്ലാത്ത പെൺകുട്ടികൾ എല്ലാം തന്നെ ഇന്ന് ചുരുണ്ട മുടിയെ സ്നേഹിക്കുന്നവരാണ് . ചുരുണ്ട മുടിയുടെ സ്വാഭാവിക ഭംഗിയും ആരോഗ്യവും നിലനിർത്താൻ ശരിയായ പരിപാലന രീതികൾ അനിവാര്യമാണ്.

വരൾച്ചയും കെട്ടുപിണയലും തടയുന്നതിനായി സൾഫേറ്റ് രഹിത ഷാംപൂകളുടെ ഉപയോഗം, നനഞ്ഞ മുടിയിൽ മാത്രം ചീപ്പുപയോഗിക്കൽ, ഈർപ്പം നിലനിർത്തുന്നതിനുള്ള കണ്ടീഷണറുകൾ എന്നിവ ഉൾപ്പെടുന്ന കൃത്യമായ ഹെയർ കെയർ ദിനചര്യ പിന്തുടരുന്നത് മുടിക്ക് കൂടുതൽ മൃദുത്വവും തിളക്കവും നൽകാൻ സഹായിക്കും.

1. കഴുകുമ്പോൾ ശ്രദ്ധിക്കേണ്ടവ

അമിതമായി കഴുകരുത്: ചുരുണ്ട മുടി പെട്ടെന്ന് വരണ്ടുപോകാൻ സാധ്യതയുണ്ട്. അതിനാൽ ദിവസവും ഷാംപൂ ഉപയോഗിച്ച് കഴുകുന്നത് ഒഴിവാക്കുക. ആഴ്ചയിൽ 2-3 തവണ മാത്രം കഴുകുക.

സൾഫേറ്റ് രഹിത ഷാംപൂ: സൾഫേറ്റ്  അടങ്ങിയ ഷാംപൂ മുടിയിലെ സ്വാഭാവിക എണ്ണമയത്തെ നീക്കം ചെയ്യും. 'Curly hair friendly' അല്ലെങ്കിൽ 'Sulphate-free' ഷാംപൂകൾ ഉപയോഗിക്കുക.

കണ്ടീഷണർ നിർബന്ധം: കുളിക്കുമ്പോൾ നല്ലൊരു കണ്ടീഷണർ ഉപയോഗിക്കുന്നത് മുടിക്ക് ഈർപ്പം നൽകാനും ചുരുളുകൾ ഭംഗിയായി കിടക്കാനും സഹായിക്കും.

2. ഉണക്കുമ്പോൾ 

ടവ്വൽ ഉപയോഗം: പരുക്കൻ ടവ്വലുകൾ ഉപയോഗിച്ച് മുടി അമർത്തി തുടയ്ക്കരുത്. ഇത് മുടിയിൽ ഫ്രിസ് (Frizz) ഉണ്ടാക്കും. പകരം പഴയൊരു കോട്ടൺ ടി-ഷർട്ടോ മൈക്രോ ഫൈബർ ടവ്വലോ ഉപയോഗിച്ച് വെള്ളം പതുക്കെ ഒപ്പിയെടുക്കുക.

ഉണങ്ങാൻ അനുവദിക്കുക: ഹെയർ ഡ്രയർ ഒഴിവാക്കുന്നതാണ് നല്ലത്. സ്വാഭാവികമായി ഉണങ്ങാൻ അനുവദിക്കുക. അഥവാ ഉപയോഗിക്കുകയാണെങ്കിൽ 'ഡിഫ്യൂസർ അറ്റാച്ച്‌മെന്റ് ഉപയോഗിക്കുക.

3. മുടി ചീകുമ്പോൾ

നനഞ്ഞ മുടിയിൽ മാത്രം: ഉണങ്ങിയ മുടിയിൽ ചീപ്പ് ഉപയോഗിച്ച് ചീകരുത്. ഇത് ചുരുളുകളെ പിരിച്ചുകളയുകയും മുടി പൊട്ടാൻ കാരണമാവുകയും ചെയ്യും. മുടി നനഞ്ഞിരിക്കുമ്പോൾ മാത്രം വലിയ പല്ലുകളുള്ള ചീപ്പ് ഉപയോഗിക്കുക.

വിരലുകൾ ഉപയോഗിക്കാം: ചീപ്പിനേക്കാൾ നല്ലത് വിരലുകൾ ഉപയോഗിച്ച് മുടിയിലെ കെട്ടുകൾ നീക്കുന്നതാണ്.

4. ദൈനംദിന പരിപാലനം

ലീവ്-ഇൻ കണ്ടീഷണർ: മുടി കഴുകിയ ശേഷം ഈർപ്പമുള്ള മുടിയിൽ 'ലീവ്-ഇൻ കണ്ടീഷണർ'  അല്ലെങ്കിൽ ഹെയർ ക്രീം പുരട്ടുന്നത് മുടിക്ക് കൂടുതൽ മൃദുത്വം നൽകും.

ആഴ്ചയിലൊരിക്കൽ ഓയിലിംഗ്: വെളിച്ചെണ്ണയോ ആർഗൻ ഓയിലോ  പുരട്ടി മസാജ് ചെയ്യുന്നത് മുടിക്ക് തിളക്കം നൽകും.

തലയിണ കവർ: കോട്ടൺ തലയിണ കവറുകൾക്ക് പകരം സിൽക്ക് അല്ലെങ്കിൽ സാറ്റിൻ തലയിണ കവറുകൾ ഉപയോഗിക്കുന്നത് മുടി ഉരസി പൊട്ടുന്നത് ഒഴിവാക്കാൻ സഹായിക്കും.

5. ഒഴിവാക്കേണ്ടവ

ഹീറ്റ് സ്റ്റൈലിംഗ്: അയൺ ബോക്സ്, ബ്ലോ ഡ്രയർ തുടങ്ങിയവയുടെ അമിതമായ ഉപയോഗം ചുരുണ്ട മുടിയുടെ സ്വാഭാവിക ഘടനയെ നശിപ്പിക്കും.

കെമിക്കൽ ട്രീറ്റ്‌മെന്റുകൾ: മുടി സ്‌ട്രെയ്റ്റനിംഗ് ചെയ്യുന്നത് ചുരുണ്ട മുടിയെ വല്ലാതെ കേടുവരുത്തും.

### Related Links & Sources
- [Original Story Source](https://truevisionnews.com/news/370221/caring-for-curly-hair)