---
title: "മുണ്ടിനീര് വ്യാപനം; ലക്ഷണങ്ങൾ കണ്ടാൽ അവഗണിക്കരുത്, ജാഗ്രത വേണം! ലക്ഷണങ്ങളും പ്രതിരോധ മാർഗങ്ങളും അറിയാം"
english_title: "Symptoms and Preventive Measures for Mumps"
publisher: "truevisionnews.com"
canonical_url: "https://truevisionnews.com/news/370217/symptoms-and-preventive-measures-for-mumps"
published_at: "2026-07-03T16:31:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/6a4796ebbf1d1_23.jpg"
keywords: ["Latest News", "Health News", "Symptoms And Preventive Measures For Mumps"]
---

# മുണ്ടിനീര് വ്യാപനം; ലക്ഷണങ്ങൾ കണ്ടാൽ അവഗണിക്കരുത്, ജാഗ്രത വേണം! ലക്ഷണങ്ങളും പ്രതിരോധ മാർഗങ്ങളും അറിയാം

> **Lead Summary:** **[** ചെവിക്ക് താഴെയുള്ള പരോട്ടിഡ് ഉമിനീർ ഗ്രന്ഥികളിലുണ്ടാകുന്ന വീക്കമാണ് മുണ്ടിനീരിന്റെ പ്രധാന ലക്ഷണം. പാരമിക്‌സോ വൈറസ് മൂലമുണ്ടാകുന്ന ഈ പകർച്ചവ്യാധി, രോഗബാധിതർ ചുമയ്ക്കുമ്പോഴും തുമ്മുമ്പോഴും സംസാരിക്കുമ്പോഴും വായുവിലൂടെയും സമ്പർക്കത്തിലൂടെയുമാണ് പകരുന്നത്.

## Article Content

**[** ചെവിക്ക് താഴെയുള്ള പരോട്ടിഡ് ഉമിനീർ ഗ്രന്ഥികളിലുണ്ടാകുന്ന വീക്കമാണ് മുണ്ടിനീരിന്റെ പ്രധാന ലക്ഷണം. പാരമിക്‌സോ വൈറസ് മൂലമുണ്ടാകുന്ന ഈ പകർച്ചവ്യാധി, രോഗബാധിതർ ചുമയ്ക്കുമ്പോഴും തുമ്മുമ്പോഴും സംസാരിക്കുമ്പോഴും വായുവിലൂടെയും സമ്പർക്കത്തിലൂടെയുമാണ് പകരുന്നത്.

രോഗം ഭേദമാകാൻ എം.എം.ആർ വാക്സിനേഷൻ ഏറ്റവും ഫലപ്രദമാണെന്ന് അധികൃതർ വ്യക്തമാക്കുന്നു.

**പ്രധാന ലക്ഷണങ്ങൾ:**

*വൈറസ് ശരീരത്തിൽ പ്രവേശിച്ച് 12 മുതൽ 25 ദിവസത്തിനുള്ളിൽ രോഗലക്ഷണങ്ങൾ കണ്ടുതുടങ്ങുന്നു:*

*താടിയുടെ ഭാഗത്ത് നീരുണ്ടാകുകയും വീർക്കുകയും ചെയ്യുക.*

*ശക്തമായ പനി, തലവേദന, പേശി വേദന.*

*അമിതമായ ക്ഷീണം.*

*ഭക്ഷണം കഴിക്കാനുള്ള ബുദ്ധിമുട്ടും മുഖത്ത് അനുഭവപ്പെടുന്ന വേദനയും.*

**പ്രതിരോധവും ചികിത്സയും:**

രോഗലക്ഷണങ്ങൾ കണ്ടാൽ സ്വയം ചികിത്സ ഒഴിവാക്കി എത്രയും വേഗം ഡോക്ടറുടെ സേവനം തേടണമെന്ന് ജില്ലാ മെഡിക്കൽ ഓഫീസർ നിർദേശിച്ചു. പല്ലുവേദനയോ തൊണ്ടവേദനയോ ആണെന്ന് തെറ്റിദ്ധരിച്ച് ചികിത്സ വൈകിക്കരുത്.

വാക്സിനേഷൻ: എം.എം.ആർ വാക്സിൻ കൃത്യസമയത്ത് എടുക്കുക.

വ്യക്തിശുചിത്വം: കൈകൾ സോപ്പിട്ടു കഴുകുന്നതും ശുചിത്വം പാലിക്കുന്നതും രോഗപ്പകർച്ച കുറയ്ക്കാൻ സഹായിക്കും.

സമ്പർക്കം ഒഴിവാക്കുക: രോഗലക്ഷണമുള്ള കുട്ടികളെ സ്കൂളിലോ പൊതുസ്ഥലങ്ങളിലോ വിടരുത്.

രോഗം ഗുരുതരമാകാതിരിക്കാൻ സമയബന്ധിതമായ ചികിത്സയും പ്രതിരോധ നടപടികളും മാതാപിതാക്കളും സ്കൂൾ അധികൃതരും ഉറപ്പാക്കണമെന്ന് ആരോഗ്യവകുപ്പ് ഓർമ്മിപ്പിക്കുന്നു.

### Related Links & Sources
- [Original Story Source](https://truevisionnews.com/news/370217/symptoms-and-preventive-measures-for-mumps)