---
title: "പതിവ് തെറ്റാതെ കട തുറന്നു, മണിക്കൂറുകൾക്കകം ദേഹാസ്വാസ്ഥ്യം; കുടകിൽ കണ്ണൂർ സ്വദേശിയായ വ്യാപാരിക്ക് ദാരുണാന്ത്യം"
english_title: "merchant from Kannur collapsed and died at his own establishment in Kodagu."
publisher: "truevisionnews.com"
canonical_url: "https://truevisionnews.com/news/370184/merchant-from-kannur-collapsed-and-died-at-his-own-establishment-in-kodagu"
published_at: "2026-07-03T15:04:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a47827dbcf3e_kannur.jpg"
keywords: ["Latest News", "Death", "Kanur Merchant", "Kodagu"]
---

# പതിവ് തെറ്റാതെ കട തുറന്നു, മണിക്കൂറുകൾക്കകം ദേഹാസ്വാസ്ഥ്യം; കുടകിൽ കണ്ണൂർ സ്വദേശിയായ വ്യാപാരിക്ക് ദാരുണാന്ത്യം

> **Lead Summary:** **കണ്ണൂർ: ** കണ്ണൂർ ഇരിക്കൂർ സ്വദേശിയായ വ്യാപാരി കർണാടകയിലെ കുടക് വീരാജ്പേട്ടയിലുള്ള സ്വന്തം സ്ഥാപനത്തിൽ കുഴഞ്ഞുവീണു മരിച്ചു.

## Article Content

**കണ്ണൂർ: ** കണ്ണൂർ ഇരിക്കൂർ സ്വദേശിയായ വ്യാപാരി കർണാടകയിലെ കുടക് വീരാജ്പേട്ടയിലുള്ള സ്വന്തം സ്ഥാപനത്തിൽ കുഴഞ്ഞുവീണു മരിച്ചു.

ഇരിക്കൂർ വയക്കാട് സ്വദേശിയായ പള്ളിപ്പാത്ത് അബ്ദുറഹ്മാൻ (48) ആണ് മരണപ്പെട്ടത്. വീരാജ്പേട്ട നാപ്പോക്കിലെ പലചരക്ക് കടയിലാണ് സംഭവം.

പതിവുപോലെ രാവിലെ തുറന്ന് ഏകദേശം രണ്ട് മണിക്കൂറുകൾ കഴിഞ്ഞതോടെ ദേഹാസ്വാസ്ഥ്യം അനുഭവപ്പെടുകയും കടയ്ക്കുള്ളിൽ തന്നെ കുഴഞ്ഞുവീണ് മരണം സംഭവിക്കുകയുമായിരുന്നു. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.

ഇരിക്കൂർ വയക്കാട് പൈസായിലെ മുബാറക്ക് ജുമാ മസ്ജിദിന് സമീപത്തെ കെ.കെ. ഹൗസിൽ പരേതനായ സി.എച്ച്. ഇബ്രാഹിമിന്റെയും പള്ളിപ്പാത്ത് കുഞ്ഞാമിയുടെയും മകനാണ് അബ്ദുറഹ്മാൻ.

ഭാര്യ: കിണാക്കൂൽ കുന്നുംപുറത്ത് സൈബുന്നിസ.മക്കൾ: ഫാത്തിമത്ത് സന സഫ്‌വാന (വിദ്യാർത്ഥിനി, തളിപ്പറമ്പ് സർ സയ്യിദ് കോളേജ്), മിൻഹ, നൂറാശിഫ (ഇരുവരും ഇരിക്കൂർ ഗവൺമെന്റ് ഹയർ സെക്കൻഡറി സ്കൂൾ വിദ്യാർത്ഥികൾ.

മൃതദേഹം നാട്ടിലെത്തിക്കാനുള്ള നടപടികൾ വീരാജ്പേട്ടയിലെ മലയാളി കൂട്ടായ്മകളുടെ സഹകരണത്തോടെ പുരോഗമിക്കുകയാണ്. പോസ്റ്റ്‌മോർട്ടം നടപടികൾക്ക് ശേഷം മൃതദേഹം വയക്കാട്ടിലെത്തിച്ച് മുബാറക്ക് ജുമാ മസ്ജിദ് ഖബർസ്ഥാനിൽ മയ്യത്ത് നിസ്കാരത്തിന് ശേഷം ഖബറടക്കും.

### Related Links & Sources
- [Original Story Source](https://truevisionnews.com/news/370184/merchant-from-kannur-collapsed-and-died-at-his-own-establishment-in-kodagu)