---
title: "കേരളത്തിൽ അതിശക്തമായ മഴയ്ക്ക് സാധ്യത: മത്സ്യത്തൊഴിലാളികൾ കടലിൽ പോകരുത്; മലയോര മേഖലകളിലുള്ളവർക്കും ജാഗ്രത നിർദ്ദേശം"
english_title: "Heavy rain likely in Kerala"
publisher: "truevisionnews.com"
canonical_url: "https://truevisionnews.com/news/369784/heavy-rain-likely-in-kerala"
published_at: "2026-07-01T17:28:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a4501340709f_rain.jpg"
keywords: ["Latest News", "Thiruvanandapuram", "Heavy Rain", "Kerala Weather Today"]
---

# കേരളത്തിൽ അതിശക്തമായ മഴയ്ക്ക് സാധ്യത: മത്സ്യത്തൊഴിലാളികൾ കടലിൽ പോകരുത്; മലയോര മേഖലകളിലുള്ളവർക്കും ജാഗ്രത നിർദ്ദേശം

> **Lead Summary:** **തിരുവനന്തപുരം: [ **കേരളത്തിൽ അടുത്ത അഞ്ച് ദിവസങ്ങളിൽ ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മഹാരാഷ്ട്ര തീരം മുതൽ കർണാടക തീരം വരെ നിലനിൽക്കുന്ന ന്യൂനമർദ പാത്തിയും, ബംഗാൾ ഉൾക്കടലിലെ ചക്രവാതച്ചുഴിയുടെ സ്വാധീനഫലമായി പുതിയ ന്യൂനമർദം രൂപപ്പെടാൻ സാധ്യതയുള്ളതുമാണ് മഴ ശക്തമാകാൻ കാരണം.

## Article Content

**തിരുവനന്തപുരം: [ **കേരളത്തിൽ അടുത്ത അഞ്ച് ദിവസങ്ങളിൽ ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മഹാരാഷ്ട്ര തീരം മുതൽ കർണാടക തീരം വരെ നിലനിൽക്കുന്ന ന്യൂനമർദ പാത്തിയും, ബംഗാൾ ഉൾക്കടലിലെ ചക്രവാതച്ചുഴിയുടെ സ്വാധീനഫലമായി പുതിയ ന്യൂനമർദം രൂപപ്പെടാൻ സാധ്യതയുള്ളതുമാണ് മഴ ശക്തമാകാൻ കാരണം.

**ജില്ലകളിലെ അലർട്ടുകൾ:**

ഇന്ന് കണ്ണൂർ, കാസർകോട് ജില്ലകളിൽ അതിശക്തമായ മഴ പ്രതീക്ഷിക്കുന്നതിനാൽ 'ഓറഞ്ച്' അലർട്ട് പ്രഖ്യാപിച്ചു. ആലപ്പുഴ, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ഇന്ന് 'യെല്ലോ' അലർട്ടാണ്.

ജൂലൈ 5 വരെ സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴ തുടരുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. നാളെ മുതൽ വരും ദിവസങ്ങളിൽ വിവിധ ജില്ലകളിൽ യെല്ലോ അലർട്ടുകൾ തുടരും.

**മുന്നറിയിപ്പുകളും ജാഗ്രതയും:**

ഉരുൾപൊട്ടൽ സാധ്യത: ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള മേഖലകളിൽ താമസിക്കുന്നവർ അതീവ ജാഗ്രത പാലിക്കണം. അധികൃതരുടെ നിർദ്ദേശപ്രകാരം പകൽ സമയം തന്നെ സുരക്ഷിത കേന്ദ്രങ്ങളിലേക്കോ ക്യാമ്പുകളിലേക്കോ മാറിത്താമസിക്കണം.

ശക്തമായ കാറ്റ്: മണിക്കൂറിൽ 40 മുതൽ 50 കിലോമീറ്റർ വരെയും, ചിലപ്പോൾ 60 കിലോമീറ്റർ വരെയും വേഗതയിൽ കാറ്റ് വീശാൻ സാധ്യതയുണ്ട്. അടച്ചുറപ്പില്ലാത്ത വീടുകളിൽ താമസിക്കുന്നവർ പ്രത്യേക ശ്രദ്ധ പുലർത്തണം.

**മത്സ്യത്തൊഴിലാളികൾക്ക് കർശന നിർദ്ദേശം:**

കേരള-ലക്ഷദ്വീപ് തീരങ്ങളിൽ ജൂലൈ 4 വരെയും, കർണാടക തീരത്ത് ജൂലൈ 5 വരെയും മത്സ്യബന്ധനത്തിന് പോകാൻ പാടില്ലെന്ന് കാലാവസ്ഥാ വകുപ്പ് കർശനമായി മുന്നറിയിപ്പ് നൽകി. ഈ ദിവസങ്ങളിൽ കടൽ അതീവ പ്രക്ഷുബ്ധമായിരിക്കും.

ദുരന്തസാധ്യത മുൻകൂട്ടി കണ്ട് പൊതുജനങ്ങൾ ജാഗ്രത പാലിക്കണമെന്നും, തദ്ദേശ-റവന്യൂ അധികൃതരുമായി നിരന്തരം ബന്ധപ്പെടണമെന്നും നിർദ്ദേശമുണ്ട്.

### Related Links & Sources
- [Original Story Source](https://truevisionnews.com/news/369784/heavy-rain-likely-in-kerala)