---
title: "കോഴിക്കോട് നാദാപുരം ബസ് സ്റ്റാൻഡിൽ ബസ് ജീവനക്കാരുടെ പരസ്യ ഏറ്റുമുട്ടൽ; സിസിടിവി ദൃശ്യങ്ങൾ പുറത്ത്"
english_title: "Public confrontation of bus employees in Nadapuram"
publisher: "truevisionnews.com"
canonical_url: "https://truevisionnews.com/news/369727/Public-confrontation-of-bus-employees-in-Nadapuram"
published_at: "2026-07-01T14:21:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a44d8a533a80_poiuytre.jpg"
keywords: ["Latest News", "Kozhikode", "Nadapuram", "Public Confrontation", "Bus Drivers"]
---

# കോഴിക്കോട് നാദാപുരം ബസ് സ്റ്റാൻഡിൽ ബസ് ജീവനക്കാരുടെ പരസ്യ ഏറ്റുമുട്ടൽ; സിസിടിവി ദൃശ്യങ്ങൾ പുറത്ത്

> **Lead Summary:** **കോഴിക്കോട്: [ **നാദാപുരം ബസ് സ്റ്റാൻഡിൽ വെച്ച് സ്വകാര്യ ബസ് ജീവനക്കാർ തമ്മിൽ പരസ്യമായി കയ്യാങ്കളിയും പോർവിളിയും നടത്തിയത് യാത്രക്കാരിൽ പരിഭ്രാന്തി പരത്തി. തലശ്ശേരി റൂട്ടിലോടുന്ന ജഗന്നാഥ്, റീഗൽ എന്നീ ബസ്സുകളിലെ ജീവനക്കാർ തമ്മിലാണ് ഇന്നലെ വൈകുന്നേരം നാല് മണിയോടെ നടുറോഡിൽ വെച്ച് ഏറ്റുമുട്ടിയത്. സംഭവത്തിന്റെ സി.സി.ടി.വി ദൃശ്യങ്ങൾ പുറത്തുവന്നു.

## Article Content

**കോഴിക്കോട്: [ **നാദാപുരം ബസ് സ്റ്റാൻഡിൽ വെച്ച് സ്വകാര്യ ബസ് ജീവനക്കാർ തമ്മിൽ പരസ്യമായി കയ്യാങ്കളിയും പോർവിളിയും നടത്തിയത് യാത്രക്കാരിൽ പരിഭ്രാന്തി പരത്തി. തലശ്ശേരി റൂട്ടിലോടുന്ന ജഗന്നാഥ്, റീഗൽ എന്നീ ബസ്സുകളിലെ ജീവനക്കാർ തമ്മിലാണ് ഇന്നലെ വൈകുന്നേരം നാല് മണിയോടെ നടുറോഡിൽ വെച്ച് ഏറ്റുമുട്ടിയത്. സംഭവത്തിന്റെ സി.സി.ടി.വി ദൃശ്യങ്ങൾ പുറത്തുവന്നു.

ബസ്സുകളുടെ സമയക്രമത്തെ ചൊല്ലിയുള്ള തർക്കമാണ് സംഘർഷത്തിൽ കലാശിച്ചത്. തലശ്ശേരിയിൽ നിന്നും തൊട്ടിൽപാലത്തേക്ക് സർവീസ് നടത്തുന്ന ബസ്സുകളിലെ ജീവനക്കാരാണ് സ്റ്റാൻഡിൽ വെച്ച് പരസ്യമായി ഏറ്റുമുട്ടിയത്.

അസഭ്യം വിളിക്കുകയും പരസ്പരം കൈയേറ്റം ചെയ്യുകയും ചെയ്തതോടെ സ്റ്റാൻഡിലുണ്ടായിരുന്ന യാത്രക്കാരും വിദ്യാർത്ഥികളും ഉൾപ്പെടെയുള്ളവർ ഭീതിയിലായി. സംഭവം അറിഞ്ഞ് സ്ഥലത്തെത്തിയ നാദാപുരം പോലീസ് ഇരു ബസ്സുകളും കസ്റ്റഡിയിലെടുത്തു. നേരത്തെയും സമാനമായ രീതിയിൽ ഇവർ തമ്മിൽ തർക്കങ്ങൾ ഉണ്ടായിട്ടുണ്ടെന്നും, പലതവണ മുന്നറിയിപ്പ് നൽകിയിട്ടും ജീവനക്കാർ വീണ്ടും ഇത്തരം അച്ചടക്കമില്ലാത്ത പെരുമാറ്റം ആവർത്തിക്കുകയാണെന്നും നാട്ടുകാർ ആരോപിക്കുന്നു.

ദിവസവും നൂറുകണക്കിന് സാധാരണക്കാർ എത്തുന്ന ബസ് സ്റ്റാൻഡിൽ ഡ്രൈവർമാർ നടത്തുന്ന ഇത്തരത്തിലുള്ള വെല്ലുവിളികളും അതിക്രമങ്ങളും വലിയൊരു സാമൂഹിക പ്രശ്നമായി മാറിക്കൊണ്ടിരിക്കുകയാണ്. പോലീസ് കൂടുതൽ കർശന നടപടികൾ സ്വീകരിക്കണമെന്നാണ് യാത്രക്കാരുടെ ആവശ്യം.

### Related Links & Sources
- [Original Story Source](https://truevisionnews.com/news/369727/Public-confrontation-of-bus-employees-in-Nadapuram)