ഒന്ന് രക്ഷിക്കാൻ ശ്രമിച്ചതാ.... റോഡിൽ കിടന്ന പെരുമ്പാമ്പിനെ മാറ്റാൻ ശ്രമിക്കുന്നതിനിടെ മുൻ ബ്ലോക്ക് പഞ്ചായത്ത് അംഗത്തിന് പാമ്പിന്റെ കടിയേറ്റു

തിരുവനന്തപുരം: ( www.truevisionnews.com) റോഡിൽ കിടന്ന പെരുമ്പാമ്പിനെ വാഹനങ്ങൾ കയറാതെ സുരക്ഷിത സ്ഥാനത്തേക്ക് മാറ്റാൻ ശ്രമിക്കുന്നതിനിടെ മുൻ ബ്ലോക്ക് പഞ്ചായത്ത് അംഗത്തിന് പാമ്പിന്റെ കടിയേറ്റു.

മുൻ വെള്ളനാട് ബ്ലോക്ക് പഞ്ചായത്ത് അംഗം ഹരി സുധനെയാണ് പെരുമ്പാമ്പ് കടിച്ചത്. ഇന്നലെ രാത്രി 12 മണിയോടെയായിരുന്നു സംഭവം. റോഡിന് നടുവിൽ കിടക്കുകയായിരുന്നു പെരുമ്പാമ്പ്.

വാഹനങ്ങൾ കയറി അപകടം സംഭവിക്കുന്നത് തടയാനാണ് ഹരി സുധൻ ശ്രമിച്ചത്. ഇതിനായി പാമ്പിനെ റോഡിന്റെ വശത്തേക്ക് മാറ്റാൻ ശ്രമിക്കുകയായിരുന്നു.

ഇതിനിടയിൽ പെരുമ്പാമ്പ് ഹരി സുധൻ്റെ വലതു കൈയിൽ കടിക്കുകയായിരുന്നു. പരിക്കേറ്റ ഹരി സുധനെ ഉടൻ തന്നെ ആര്യനാട് സർക്കാർ ആശുപത്രിയിൽ പ്രവേശിപ്പിച്ചു. സംഭവത്തെ തുടർന്ന് വിവരമറിഞ്ഞ് വനംവകുപ്പ് അധികൃതർ സ്ഥലത്തെത്തി.

Also read: മെഴുകുതിരി ഒക്കെ നോക്കി വച്ചോ ...! സംസ്ഥാനത്ത് ഇന്നും വൈദ്യുതി നിയന്ത്രണ സാധ്യത; മുന്നറിയിപ്പുമായി കെഎസ്ഇബി

ആർ.ആർ.ടി അംഗവും ബീറ്റ് ഫോറസ്റ്റ് ഓഫീസറുമായ റോഷ്നിയുടെ നേതൃത്വത്തിലുള്ള സംഘമാണ് പെരുമ്പാമ്പിനെ പിടികൂടിയത്. പാമ്പിനെ പിന്നീട് സുരക്ഷിതമായി വനംവകുപ്പ് ആസ്ഥാനത്തേക്ക് മാറ്റി.

Content Highlight: former block panchayat member was bitten by a python lying on the road while trying to move it to a safe place without vehicles getting in

#Latest News #Python #Thiruvananthapuram #Block Panchayat Member