രുചിയൂറും കപ്പ ബിരിയാണി: തേങ്ങാക്കൊത്തും ഇറച്ചി മസാലയും ചേർന്ന നാടൻ രുചിക്കൂട്ട് എനി വീട്ടിൽ എളുപ്പത്തിൽ തയ്യാറാക്കാം

(truevisionnews.com)പൊതുവെ മലയാളികൾക്ക് കപ്പയും ഇറച്ചിയും കഴിഞ്ഞേയുള്ളൂ മറ്റെന്ത് ആഘോഷവും. അതിൽത്തന്നെ ഏറ്റവും ജനപ്രിയമായ ഒന്നാണ് 'കപ്പ ബിരിയാണി'.

എല്ലുള്ള ഇറച്ചിയും കപ്പയും മസാലകളും ചേർത്ത് കുഴച്ചെടുക്കുന്ന ഈ വിഭവം മലബാർ മേഖലകളിൽ 'ബോട്ടി ബിരിയാണി' എന്നും അറിയപ്പെടുന്നു.

പെരുന്നാൾ ആഘോഷങ്ങൾക്കോ ഞായറാഴ്ചകളിലെ കുടുംബകൂട്ടായ്മകൾക്കോ തയ്യാറാക്കാൻ പറ്റിയ, നാവിൽ കപ്പലോടിക്കുന്ന ഒരു അടിപൊളി കപ്പ ബിരിയാണി റെസിപ്പി നോക്കാം.

ആവശ്യമായ സാധനങ്ങൾ:

Also read: 'ഇന്ത്യയുടെ യുവതലമുറ സ്വപ് നങ്ങളും ഊർജവും നിറഞ്ഞവരാണ്'; ഡൽഹി വിദ്യാർത്ഥി സമരത്തിൽ പ്രതികരിച്ച് സച്ചിൻ ടെണ്ടുൽക്കർ

കപ്പ വേവിക്കാൻ:

കപ്പ (കിഴങ്ങ്) - 1 കിലോ

മഞ്ഞൾപ്പൊടി - 1/2 ടീസ്പൂൺ

ഉപ്പ് - പാകത്തിന്

വെള്ളം - കപ്പ മുങ്ങിക്കിടക്കാൻ പാകത്തിന്

Also read: ഭാര്യ തെരഞ്ഞെടുപ്പിൽ മത്സരിച്ചതിന് ബ്ലാക്ക്‌മെയിൽ: പഞ്ചാബ് എഎസ്ഐ കനാലിലേക്ക് ചാടി

ഇറച്ചി വേവിക്കാൻ (ബീഫ്/മട്ടൻ;

എല്ലുള്ള ഇറച്ചി - 1/2 കിലോ

ഇഞ്ചി-വെളുത്തുള്ളി പേസ്റ്റ് - 1 ടേബിൾസ്പൂൺ

പച്ചമുളക് (ചതച്ചത്) - 3-4 എണ്ണം

മല്ലിപ്പൊടി - 1 1/2 ടേബിൾസ്പൂൺ

Also read: ശബരിമല കേസിൽ നിർണായക വഴിത്തിരിവ്; സ്വർണ്ണം അപഹരിക്കാൻ കൂട്ടുനിന്നു, പി.എസ്. പ്രശാന്തിന്റെ അറസ്റ്റ് നോട്ടീസിൽ ഗുരുതര കണ്ടെത്തലുകൾ

മുളകുപൊടി - 1 ടേബിൾസ്പൂൺ

മഞ്ഞൾപ്പൊടി - 1/2 ടീസ്പൂൺ

ഗരം മസാലപ്പൊടി - 1 ടീസ്പൂൺ

പെരുംജീരകം പൊടിച്ചത് - 1/2 ടീസ്പൂൺ

വെളിച്ചെണ്ണ - 1 ടേബിൾസ്പൂൺ

Also read: ഉദ്യോഗാർത്ഥികളുടെ ശ്രദ്ധയ്ക്ക്! പിഎസ്‌സി വകുപ്പുതല പരീക്ഷാ ഫലം പ്രസിദ്ധീകരിച്ചു; സർട്ടിഫിക്കറ്റിന് ഓൺലൈനായി അപേക്ഷിക്കാം

കറിവേപ്പില - രണ്ട് തണ്ട്

ഉപ്പ് - പാകത്തിന്

മസാല കൂട്ടിന്:

സവാള (നീളത്തിൽ അരിഞ്ഞത്) - 2 എണ്ണം

തക്കാളി - 1 എണ്ണം

ഇഞ്ചി, വെളുത്തുള്ളി (ചതച്ചത്) - 1 ടേബിൾസ്പൂൺ

തേങ്ങാക്കൊത്ത് - 1/2 കപ്പ്

വെളിച്ചെണ്ണ - 3 ടേബിൾസ്പൂൺ

കറിവേപ്പില - ആവശ്യത്തിന്

തയ്യാറാക്കുന്ന വിധം:

ആദ്യം കപ്പ ചെറിയ കഷ്ണങ്ങളാക്കി നുറുക്കി കഴുകി വൃത്തിയാക്കിയ ശേഷം, മഞ്ഞൾപ്പൊടിയും ഉപ്പും ചേർത്ത് നന്നായി വേവിച്ച് വെള്ളം വാർത്തുകളയുക.

അടുത്തതായി, കഴുകി വെച്ച ഇറച്ചിയിലേക്ക് മസാലപ്പൊടികൾ, ഇഞ്ചി-വെളുത്തുള്ളി പേസ്റ്റ്, ചതച്ച പച്ചമുളക്, വെളിച്ചെണ്ണ, കറിവേപ്പില, ഉപ്പ് എന്നിവ ചേർത്ത് കൈകൊണ്ട് നന്നായി തിരുമ്മി പിടിപ്പിച്ച് പ്രഷർ കുക്കറിൽ 4-5 വിസിൽ വരുന്നതുവരെ വേവിച്ചെടുക്കണം.

ശേഷം ഒരു വലിയ ചുവടുകട്ടിയുള്ള പാത്രത്തിൽ വെളിച്ചെണ്ണ ചൂടാക്കി തേങ്ങാക്കൊത്ത് കളർ മാറുന്നതുവരെ വറുത്ത ശേഷം, ചതച്ച ഇഞ്ചി, വെളുത്തുള്ളി, കറിവേപ്പില എന്നിവ ചേർത്ത് വഴറ്റുക.

ഇതിലേക്ക് സവാള ചേർത്ത് ബ്രൗൺ നിറമാകുമ്പോൾ തക്കാളിയും ചേർത്ത് ഉടയുന്നതുവരെ വഴറ്റിയ ശേഷം വേവിച്ചുവെച്ചിരിക്കുന്ന ഇറച്ചി ചാറോട് കൂടി ഒഴിച്ച് തിളപ്പിച്ച് മസാല കുറുകി എടുക്കുക.

ഈ ഇറച്ചി മസാല തിളച്ചു മറിയുമ്പോൾ വേവിച്ചുവെച്ച കപ്പ ഇതിലേക്ക് ചേർത്ത്, തീ കുറച്ചുവെച്ച് ഒരു തടിയുടെ തവി ഉപയോഗിച്ച് നന്നായി കുത്തി ഉടച്ച് യോജിപ്പിക്കണം.

എല്ലാം നന്നായി യോജിച്ച ശേഷം മുകളിൽ അല്പം പച്ച വെളിച്ചെണ്ണയും കറിവേപ്പിലയും തൂവി അഞ്ച് മിനിറ്റ് ചെറിയ തീയിൽ മൂടിവെച്ച് ദം ചെയ്താൽ നാവൂറുന്ന കപ്പ ബിരിയാണി ചൂടോടെ വിളമ്പാം.

Content Highlight: Kappa Biryani Recipe, Bone and Kappa, Kerala Traditional Kappa Biryani

#Cookery #Kappa Biryani Recipe #Bone And Kappa #Kerala Traditional Kappa Biryani