സർക്കാർ ഓഫീസുകൾ കയറിയിറങ്ങി മടുത്തോ? ഈ ആപ്പുകള്‍ ഉണ്ടെങ്കില്‍ സര്‍ക്കാര്‍ ഓഫീസുകളില്‍ ഇനി ക്യൂ നില്‍ക്കേണ്ട; നിങ്ങളുടെ ഫോണില്‍ നിര്‍ബന്ധമായും വേണ്ട 5 ആപ്പുകള്‍

( www.truevisionnews.com ) സർക്കാർ സേവനങ്ങൾക്കായി ഫോമുകൾ പൂരിപ്പിച്ചും നീണ്ട വരികളിൽ കാത്തുനിന്നും മടുത്തവർക്ക് ഇനി ആശ്വസിക്കാം. പ്രധാനപ്പെട്ട രേഖകൾ സുരക്ഷിതമായി സൂക്ഷിക്കാനും, ബില്ലുകൾ അടയ്ക്കാനും, പിഎഫ് വിവരങ്ങൾ അറിയാനും സഹായിക്കുന്ന ചില സുപ്രധാന സർക്കാർ മൊബൈൽ ആപ്ലിക്കേഷനുകൾ പരിചയപ്പെടാം. നിങ്ങളുടെ സ്മാർട്ട്‌ഫോൺ വഴി ഇവയെല്ലാം ഇനി വിരൽത്തുമ്പിൽ ലഭ്യമാകും.

1. ഡിജിലോക്കർ (DigiLocker): രേഖകളെല്ലാം ഒറ്റ ആപ്പിൽ

ഡ്രൈവിംഗ് ലൈസൻസ്, ആധാർ, വാഹന രജിസ്ട്രേഷൻ സർട്ടിഫിക്കറ്റ് (RC), വിദ്യാഭ്യാസ സർട്ടിഫിക്കറ്റുകൾ, ഇൻഷുറൻസ് രേഖകൾ തുടങ്ങിയവ ഡിജിറ്റലായി സൂക്ഷിക്കാൻ ഡിജിലോക്കർ സഹായിക്കുന്നു. ഇതിലെ രേഖകൾക്ക് ഒറിജിനൽ സർട്ടിഫിക്കറ്റുകളുടെ അതേ നിയമസാധുതയുള്ളതിനാൽ യാത്ര ചെയ്യുമ്പോഴും മറ്റും ഒറിജിനൽ കൈയിൽ കരുതേണ്ടതില്ല.

2. ഭീം (BHIM): യുപിഐ ഇടപാടുകൾക്ക് ഏറ്റവും ലളിതം

Also read: കോമൺവെൽത്ത് ഗെയിംസ്: തുടങ്ങും മുൻപേ ഇന്ത്യക്ക് തിരിച്ചടി, ഉത്തേജക പരിശോധനയിൽ പരാജയപ്പെട്ട് ജൂഡോ താരം പുറത്ത്

ലളിതവും സുരക്ഷിതവുമായ പണമിടപാടുകൾക്കായി സർക്കാർ പുറത്തിറക്കിയ യുപിഐ ആപ്പാണ് ഭീം. ക്യുആർ കോഡ് സ്‌കാൻ ചെയ്ത് പണമടയ്ക്കാനും, ബാങ്ക് അക്കൗണ്ടുകൾ കൈകാര്യം ചെയ്യാനും ഈ ആപ്പ് ഉപയോഗിക്കാം. മറ്റ് സ്വകാര്യ ആപ്പുകളെ അപേക്ഷിച്ച് പരസ്യങ്ങളില്ലാത്ത ലളിതമായ ഇന്റർഫേസ് ഇതിന്റെ പ്രത്യേകതയാണ്.

3. ഉമംഗ് (UMANG): നൂറുകണക്കിന് സേവനങ്ങൾ ഒരൊറ്റ കുടക്കീഴിൽ

ഓരോ സർക്കാർ വകുപ്പുകൾക്കുമായി പ്രത്യേകം ആപ്പുകൾ ഡൗൺലോഡ് ചെയ്യുന്നതിന് പകരം, കേന്ദ്ര-സംസ്ഥാന സർക്കാരുകളുടെ നിരവധി സേവനങ്ങൾ ഒന്നിച്ച് ലഭ്യമാക്കുന്ന ആപ്പാണിത്. ഇപിഎഫ്ഒ (EPFO) സേവനങ്ങൾ, പെൻഷൻ വിവരങ്ങൾ, കറന്റ്-വാട്ടർ ബില്ലുകൾ അടയ്ക്കൽ, ഗ്യാസ് ബുക്കിംഗ്, പാസ്‌പോർട്ട് സേവനങ്ങൾ എന്നിവയെല്ലാം ഇതിലൂടെ ചെയ്യാം.

4. ആഭ (ABHA): ഡിജിറ്റൽ ഹെൽത്ത് കാർഡ്

കേന്ദ്ര സർക്കാരിന്റെ ഡിജിറ്റൽ ഹെൽത്ത് മിഷന്റെ ഭാഗമായി നിങ്ങളുടെ ആരോഗ്യ വിവരങ്ങൾ സൂക്ഷിക്കാൻ 'ആഭ' ആപ്പ് സഹായിക്കുന്നു. ഇതിലൂടെ ലഭിക്കുന്ന ഡിജിറ്റൽ ഹെൽത്ത് ഐഡി ഉപയോഗിച്ച് ലാബ് റിപ്പോർട്ടുകളും ചികിത്സാ വിവരങ്ങളും ഡിജിറ്റലായി സൂക്ഷിക്കാം. പല ആശുപത്രികൾ സന്ദർശിക്കുന്ന രോഗികൾക്ക് മെഡിക്കൽ ഫയലുകൾ ഒപ്പം കൊണ്ടുനടക്കുന്ന ബുദ്ധിമുട്ട് ഇത് ഒഴിവാക്കും.

Also read: സർക്കാർ സ്കൂളിലെ ഉച്ചഭക്ഷണത്തിൽ ചത്ത തേൾ...!; തൊണ്ടയിൽ പുകച്ചിൽ, കടുത്ത വയറുവേദന; അസ്വസ്ഥത അനുഭവപ്പെട്ട നൂറിലധികം സ്കൂൾ വിദ്യാർഥികൾ ആശുപത്രിയിൽ

5. എംആധാർ (mAadhaar): ആധാർ സേവനങ്ങൾ വിരൽത്തുമ്പിൽ

ആധാർ കാർഡിന്റെ ഡിജിറ്റൽ രൂപം ഫോണിൽ കൊണ്ടുനടക്കാൻ ഈ ആപ്പ് സഹായിക്കും. തിരിച്ചറിയൽ രേഖയായി എവിടെയും ഇത് കാണിക്കാം. കൂടാതെ ആധാർ വിവരങ്ങൾ പുതുക്കാനും, ബയോമെട്രിക് ലോക്ക് ചെയ്യാനും, അടുത്തുള്ള ആധാർ എൻറോൾമെന്റ് കേന്ദ്രങ്ങൾ കണ്ടെത്താനും എംആധാർ വഴി സാധിക്കും.

Content Highlight: With these apps, you no longer need to stand in queues at government offices

#tech #Government offices #APP #Phones