---
title: "പൊള്ളലേറ്റ ശരീരവുമായി ദുരിതക്കയത്തിൽ;വീട്ടമ്മയെ വഴിയരികിൽ ഉപേക്ഷിച്ച് വീട്ടുകാരും പങ്കാളിയും; ഒടുവിൽ കൈത്താങ്ങായി മുൻ ഭർത്താവ്"
english_title: "A burnt housewife was abandoned by her family on the side of the road."
publisher: "truevisionnews.com"
canonical_url: "https://truevisionnews.com/news/368942/a-burnt-housewife-was-abandoned-by-her-family-on-the-side-of-the-road"
published_at: "2026-06-28T09:17:00+05:30"
category: "Kerala"
language: "ml"
image: "https://truevisionnews.com/image-uploads/6a409d0a1994e_RAMYA.jpg"
keywords: ["Burnt", "Housewife", "Abandoned"]
---

# പൊള്ളലേറ്റ ശരീരവുമായി ദുരിതക്കയത്തിൽ;വീട്ടമ്മയെ വഴിയരികിൽ ഉപേക്ഷിച്ച് വീട്ടുകാരും പങ്കാളിയും; ഒടുവിൽ കൈത്താങ്ങായി മുൻ ഭർത്താവ്

> **Lead Summary:** **കൊല്ലം: **കുണ്ടറയിൽ പൊള്ളലേറ്റ വീട്ടമ്മയെ വീട്ടുകാർ വഴിയരികിൽ ഉപേക്ഷിച്ച നിലയിൽ കണ്ടെത്തി. കുണ്ടറ മുളവന കോട്ടപ്പുറം വാടകയ്ക്ക് താമസിക്കുന്ന രമ്യ യെ ആണ് ബന്ധുക്കളും വീട്ടുകാരും ഉപേക്ഷിച്ച നിലയിൽ കണ്ടെത്തിയത്.രണ്ട് പെൺകുട്ടികളുടെ അമ്മയാണ് രമ്യ. 

## Article Content

**കൊല്ലം: **കുണ്ടറയിൽ പൊള്ളലേറ്റ വീട്ടമ്മയെ വീട്ടുകാർ വഴിയരികിൽ ഉപേക്ഷിച്ച നിലയിൽ കണ്ടെത്തി. കുണ്ടറ മുളവന കോട്ടപ്പുറം വാടകയ്ക്ക് താമസിക്കുന്ന രമ്യ യെ ആണ് ബന്ധുക്കളും വീട്ടുകാരും ഉപേക്ഷിച്ച നിലയിൽ കണ്ടെത്തിയത്.രണ്ട് പെൺകുട്ടികളുടെ അമ്മയാണ് രമ്യ. 

രമ്യയ്ക്കൊപ്പം താമസിച്ചിരുന്ന കല്ലട സ്വദേശിയായ യുവാവാണ് രണ്ടുമാസം മുമ്പ് ദേഹമാസകലം പൊള്ളലേറ്റ നിലയിൽ രമ്യയെ തിരുവനന്തപുരം മെഡിക്കൽ കോളേജിൽ ചികിത്സയിൽ പ്രവേശിപ്പിച്ചത്. അവിടെ നിന്നും ഇയാൾ കടന്നുകളഞ്ഞതോടെ സംരക്ഷണത്തിന് ആരുമുണ്ടായില്ല.

ഏറ്റെടുക്കാൻ ആരുമില്ലാതായതോടെ മെഡിക്കൽ കോളേജ് അധികൃതർ ആംബുലൻസിൽ കയറ്റി മുളവന യിലെ വാടക വീട്ടിലേക്ക് തിരികെ അയച്ചു. ഇതോടെ യുവാവ് വീണ്ടും തിരിച്ചെത്തി. കുറച്ചു ദിവസങ്ങൾക്കു മുമ്പ് പിന്നെയും രമ്യയെ ഉപേക്ഷിച്ചു പോയി.

കടുത്ത പട്ടിണിയിൽ വിശപ്പ് സഹിക്കാനാകാതെ ഇവർ മുൻ ഭർത്താവിനെ വിവരമറിയിച്ചു. തുടർന്ന് കഴിഞ്ഞദിവസം അവരെത്തി രമ്യയെ നെടുമൺകാവിലെ വീട്ടിലേക്ക് കൂട്ടിക്കൊണ്ട് പോയി.

### Related Links & Sources
- [Original Story Source](https://truevisionnews.com/news/368942/a-burnt-housewife-was-abandoned-by-her-family-on-the-side-of-the-road)