---
title: "സംസ്ഥാനത്ത് എലിപ്പനി ബാധിച്ച് ഒരു മരണം; ചികിത്സയിലിരിക്കെ മരിച്ചത് തൃശൂർ അരിമ്പൂർ സ്വദേശി യുവാവ് "
english_title: " Another death from leptospirosis in the state"
publisher: "truevisionnews.com"
canonical_url: "https://truevisionnews.com/news/368836/another-death-from-leptospirosis-in-the-state"
published_at: "2026-06-27T16:17:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a3faabe27cc4_death_thrissur.jpg"
keywords: ["Latest News", "Leptospirosis", "Young Man Death"]
---

# സംസ്ഥാനത്ത് എലിപ്പനി ബാധിച്ച് ഒരു മരണം; ചികിത്സയിലിരിക്കെ മരിച്ചത് തൃശൂർ അരിമ്പൂർ സ്വദേശി യുവാവ് 

> **Lead Summary:** തൃശൂർ: സംസ്ഥാനത്ത് എലിപ്പനി ബാധിച്ച് ഒരു മരണം. തൃശൂർ അരിമ്പൂർ സ്വദേശി വൈശാഖ് ആണ് മരിച്ചത്. ഇന്ന് ഉച്ചയോടെ മെഡിക്കൽ കോളജിൽ ചികിത്സയിലിരിക്കെയാണ് മരണം സ്ഥിരീകരിച്ചത്. പെയ്ന്റിങ് തൊഴിലാളിയായ വൈശാഖിന് എലിപ്പനി സ്ഥിരീകരിച്ചത് തിങ്കളാഴ്ചയായിരുന്നു. വെളുത്തൂർ മുനയത്താണ് ഇയാൾ താമസിക്കുന്നത്. 

## Article Content

തൃശൂർ: സംസ്ഥാനത്ത് എലിപ്പനി ബാധിച്ച് ഒരു മരണം. തൃശൂർ അരിമ്പൂർ സ്വദേശി വൈശാഖ് ആണ് മരിച്ചത്. ഇന്ന് ഉച്ചയോടെ മെഡിക്കൽ കോളജിൽ ചികിത്സയിലിരിക്കെയാണ് മരണം സ്ഥിരീകരിച്ചത്. പെയ്ന്റിങ് തൊഴിലാളിയായ വൈശാഖിന് എലിപ്പനി സ്ഥിരീകരിച്ചത് തിങ്കളാഴ്ചയായിരുന്നു. വെളുത്തൂർ മുനയത്താണ് ഇയാൾ താമസിക്കുന്നത്. 

അതേസമയം, സംസ്ഥാനത്ത് പകർച്ചവ്യാധി വ്യാപനം തുടരുകയാണ്. കഴിഞ്ഞ ദിവസം മാത്രം സംസ്ഥാനത്ത് 13,747 പേർ പനി ബാധിച്ച് വിവിധ ആശുപത്രികളിൽ ചികിത്സ തേടി. ബുധനാഴ്ച മരിച്ച ആറുപേരിൽ രണ്ടുപേരുടെ മരണം ഡെങ്കിപ്പനി മൂലവും, രണ്ടുപേരുടേത് എലിപ്പനി മൂലവുമാണെന്ന് സ്ഥിരീകരിച്ചു.

ഒരാൾക്ക് എലിപ്പനി ബാധിച്ചതാണെന്ന് സംശയിക്കുന്നു. ഇൻഫ്ലുവൻസ ബാധിച്ച് ഒരാളും മരണപ്പെട്ടു. മലപ്പുറം, കൊല്ലം, തിരുവനന്തപുരം, കണ്ണൂർ, തൃശൂർ ജില്ലകളിലാണ് മരണങ്ങൾ റിപ്പോർട്ട് ചെയ്തത്.

### Related Links & Sources
- [Original Story Source](https://truevisionnews.com/news/368836/another-death-from-leptospirosis-in-the-state)