---
title: "'സർക്കാരിന്റെ വിശ്വാസത തകർക്കരുത്, വിര്യം കുറഞ്ഞ മദ്യത്തിന്‍റെ നികുതി ഘടന ഫിനാൻസ് ബില്ലിൽ നിന്ന് ഒഴിവാക്കണം' - വിഎം സുധീരന്‍"
english_title: "'Tax structure for low-quality liquor should be removed from the Finance Bill' - VM Sudheeran"
publisher: "truevisionnews.com"
canonical_url: "https://truevisionnews.com/news/368250/tax-structure-for-low-quality-liquor-should-be-removed-from-the-finance-bill-vm-sudheeran-"
published_at: "2026-06-25T10:59:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a3cbd45e134a_V_M.jpg"
keywords: ["'Low-alcohol", "Tax structure", "Finance bill", "VM Sudheeran", "VDSatheesan"]
---

# 'സർക്കാരിന്റെ വിശ്വാസത തകർക്കരുത്, വിര്യം കുറഞ്ഞ മദ്യത്തിന്‍റെ നികുതി ഘടന ഫിനാൻസ് ബില്ലിൽ നിന്ന് ഒഴിവാക്കണം' - വിഎം സുധീരന്‍

> **Lead Summary:** **തിരുവനന്തപുരം: ** വീര്യം കുറഞ്ഞ മദ്യത്തിന് നികുതി ഇളവ് നൽകിയ സംസ്ഥാന ബജറ്റ് തീരുമാനത്തിനെതിരെ മുൻ കെപിസിസി പ്രസിഡന്റ് വി.എം. സുധീരൻ പരസ്യമായി രംഗത്ത്. സർക്കാരിന്റെ വിശ്വാസ്യതയെ തന്നെ ബാധിക്കുന്ന തീരുമാനമാണിതെന്നും, ഫിനാൻസ് ബിൽ അവതരിപ്പിക്കുമ്പോൾ ഈ നികുതി പ്രൊപ്പോസൽ പൂർണ്ണമായും ഒഴിവാക്കണമെന്നും അദ്ദേഹം ആവശ്യപ്പെട്ടു.

## Article Content

**തിരുവനന്തപുരം: ** വീര്യം കുറഞ്ഞ മദ്യത്തിന് നികുതി ഇളവ് നൽകിയ സംസ്ഥാന ബജറ്റ് തീരുമാനത്തിനെതിരെ മുൻ കെപിസിസി പ്രസിഡന്റ് വി.എം. സുധീരൻ പരസ്യമായി രംഗത്ത്. സർക്കാരിന്റെ വിശ്വാസ്യതയെ തന്നെ ബാധിക്കുന്ന തീരുമാനമാണിതെന്നും, ഫിനാൻസ് ബിൽ അവതരിപ്പിക്കുമ്പോൾ ഈ നികുതി പ്രൊപ്പോസൽ പൂർണ്ണമായും ഒഴിവാക്കണമെന്നും അദ്ദേഹം ആവശ്യപ്പെട്ടു.

നിയമസഭയിൽ ഈ പ്രൊപ്പോസൽ വരുന്നതിന് മുമ്പ് തന്നെ പാർട്ടിതലത്തിലും യുഡിഎഫ് സ്ഥലത്തിലും ഇതിനെക്കുറിച്ച് ചർച്ച നടത്തുകയായിരുന്നു അഭികാമ്യം. ചർച്ച നടത്തി നയം രൂപീകരിച്ച ശേഷം നയത്തിനു രൂപം കൊടുത്തിരുന്നെങ്കിൽ ഈ പ്രശ്നങ്ങൾ ഇല്ലാതാകുമായിരുന്നു .

മദ്യവ്യാപനം തടയുന്നതിന് മുഖ്യമന്ത്രിയുടെയും എക്സൈസ് മന്ത്രിയുടെയും ശ്രദ്ധയിൽപ്പെടുത്തിയിരുന്നു നിർഭാഗ്യവശാൽ സമൂഹത്തിൽ ഉയർന്നു വന്നിട്ടുള്ള സംശയങ്ങളും ആശങ്കകളും നിലനിൽക്കുന്ന സ്ഥിതിയാണ്.

സർക്കാരിന്റെ വിശ്വാസതയ്ക്ക് മങ്ങലിക്കുന്ന തീരുമാനം ഉണ്ടാകാൻ പാടില്ല.  തീരുമാനങ്ങൾ സുതാര്യത നിലനിർത്തി, നേരെ ചൊവ്വേ കാര്യങ്ങൾ തുറന്നുപറഞ്ഞ് വിവാദങ്ങൾ ഇല്ലാതെ മുന്നോട്ട് നീക്കേണ്ടിയിരുന്നു. മയക്കുമരുന്നിന്റെ കാര്യത്തിൽ ആഭ്യന്തരവകുപ്പ് നന്നായി പ്രവർത്തിക്കുന്നുവെന്നും സുധീരന്‍ പറഞ്ഞു .

വിഡി സതീശൻ പ്രതിപക്ഷ നേതാവായിരിക്കുമ്പോൾ എൽഡിഫിനെ വിമർശിച്ച കാര്യങ്ങൾ ഉൾക്കൊണ്ട് തന്നെ ഇപ്പോൾ നടപടികൾ സ്വീകരിക്കണം. നേരത്തെ പ്രതിപക്ഷം സ്വീകരിച്ച നിലപാടിൽ തന്നെ ഉറച്ചു നിൽക്കണം.  കരിമണൽ ഖനനയത്തിലും അവ്യക്തത നിലനിൽക്കുന്നു ഖനനം ഉണ്ടാവില്ലെന്ന് സർക്കാർ പ്രഖ്യാപിക്കണമെന്നും അദ്ദേഹം ആവശ്യപ്പെട്ടു

### Related Links & Sources
- [Original Story Source](https://truevisionnews.com/news/368250/tax-structure-for-low-quality-liquor-should-be-removed-from-the-finance-bill-vm-sudheeran-)