---
title: "കോഴിക്കോട് പേരാമ്പ്രയിൽ തെങ്ങിൽ നിന്ന് വീണ് തെങ്ങുകയറ്റ തൊഴിലാളിക്ക് ദാരുണാന്ത്യം"
english_title: "A coconut climber died tragically after falling from a coconut tree in Perambra, Kozhikode"
publisher: "truevisionnews.com"
canonical_url: "https://truevisionnews.com/news/368056/a-coconut-climber-died-tragically-after-falling-from-a-coconut-tree-in-perambra-kozhikode"
published_at: "2026-06-24T14:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a3b9645b70bf_VIJAYAN.jpg"
keywords: ["Latest News", "Perambra", "Death", "Coconut Climber died"]
---

# കോഴിക്കോട് പേരാമ്പ്രയിൽ തെങ്ങിൽ നിന്ന് വീണ് തെങ്ങുകയറ്റ തൊഴിലാളിക്ക് ദാരുണാന്ത്യം

> **Lead Summary:** **കോഴിക്കോട്: ** പേരാമ്പ്ര ചേനോളിയിൽ തെങ്ങിൽ നിന്ന് വീണ് തെങ്ങുകയറ്റ തൊഴിലാളി മരിച്ചു. കൽപ്പത്തൂർ കുറുക്കയിൽ മീത്തൽ വിജയൻ ആണ് മരിച്ചത്. ഇന്ന് രാവിലെ ഏഴുമണിയോടെയായിരുന്നു അപകടം.

## Article Content

**കോഴിക്കോട്: ** പേരാമ്പ്ര ചേനോളിയിൽ തെങ്ങിൽ നിന്ന് വീണ് തെങ്ങുകയറ്റ തൊഴിലാളി മരിച്ചു. കൽപ്പത്തൂർ കുറുക്കയിൽ മീത്തൽ വിജയൻ ആണ് മരിച്ചത്. ഇന്ന് രാവിലെ ഏഴുമണിയോടെയായിരുന്നു അപകടം.

ചേനോളിയിലെ ഒരു സ്വകാര്യ വ്യക്തിയുടെ പുരയിടത്തിൽ തേങ്ങ പറിക്കുന്നതിനായി തെങ്ങിൽ കയറിയതായിരുന്നു വിജയൻ. ജോലിയിലേർപ്പെട്ടിരിക്കെ പെട്ടെന്ന് തെങ്ങിന്റെ മുകളിൽ നിന്ന് താഴേക്ക് പതിക്കുകയായിരുന്നു.

വീഴ്ചയുടെ ആഘാതത്തിൽ ഗുരുതരമായി പരിക്കേറ്റ വിജയനെ ഉടൻ തന്നെ സമീപത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പരേതയായ കമലയാണ് വിജയന്റെ ഭാര്യ. നിലവിൽ പോലീസ് നടപടികൾക്ക് ശേഷം മൃതദേഹം പോസ്റ്റുമോർട്ടത്തിനായി മാറ്റിയിരിക്കുകയാണ്.

പോസ്റ്റുമോർട്ടം നടപടികൾ പൂർത്തിയാക്കി ബന്ധുക്കൾക്ക് വിട്ടുനൽകുന്ന മൃതദേഹം തുടർന്ന് വീട്ടുവളപ്പിൽ സംസ്കരിക്കുമെന്ന് കുടുംബാംഗങ്ങൾ അറിയിച്ചു.

### Related Links & Sources
- [Original Story Source](https://truevisionnews.com/news/368056/a-coconut-climber-died-tragically-after-falling-from-a-coconut-tree-in-perambra-kozhikode)