---
title: "നായയുടെ വായിൽനിന്ന് അനുജനെ വലിച്ച് മാറ്റി; ചങ്ങരംകുളത്ത് തെരുവുനായ ആക്രമണത്തിൽനിന്ന് ആറുവയസ്സുകാരൻ രക്ഷപ്പെട്ടത് അത്ഭുതകരമായി"
english_title: "Stray dog ​​attack in Changaramkulam"
publisher: "truevisionnews.com"
canonical_url: "https://truevisionnews.com/news/367571/stray-dog-attack-in-changaramkulam-"
published_at: "2026-06-22T13:45:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a38ef9029e11_dog.jpg"
keywords: ["Stray dog", "Stray dog ​​attack", "Changaramkulam"]
---

# നായയുടെ വായിൽനിന്ന് അനുജനെ വലിച്ച് മാറ്റി; ചങ്ങരംകുളത്ത് തെരുവുനായ ആക്രമണത്തിൽനിന്ന് ആറുവയസ്സുകാരൻ രക്ഷപ്പെട്ടത് അത്ഭുതകരമായി

> **Lead Summary:** **മലപ്പുറം: **മലപ്പുറം ചങ്ങരംകുളത്ത് തെരുവുനായയുടെ ആക്രമണത്തിൽനിന്ന് ആറുവയസ്സുകാരനെ അത്ഭുതകരമായി രക്ഷപ്പെടുത്തി അജ്മൽ. കുഞ്ഞനുജനെ തെരുവുനായ ആക്രമിക്കുന്നത് കണ്ട അജ്മൽ വീടിൻ്റെ ഒന്നാംനിലയിൽനിന്ന് താഴേക്ക് ചാടിയാണ് നായയെ ഓടിച്ചത്. അമ്മാവൻ്റെ മകൻ അലനാണ് അജ്മൽ രക്ഷകനായത്.

## Article Content

**മലപ്പുറം: **മലപ്പുറം ചങ്ങരംകുളത്ത് തെരുവുനായയുടെ ആക്രമണത്തിൽനിന്ന് ആറുവയസ്സുകാരനെ അത്ഭുതകരമായി രക്ഷപ്പെടുത്തി അജ്മൽ. കുഞ്ഞനുജനെ തെരുവുനായ ആക്രമിക്കുന്നത് കണ്ട അജ്മൽ വീടിൻ്റെ ഒന്നാംനിലയിൽനിന്ന് താഴേക്ക് ചാടിയാണ് നായയെ ഓടിച്ചത്. അമ്മാവൻ്റെ മകൻ അലനാണ് അജ്മൽ രക്ഷകനായത്.

അലനെ തെരുവുനായ ആക്രമിക്കുന്നതും വീടിൻ്റെ മുകളിൽനിന്ന് ചാടിയ അജ്മൽ തെരുവുനായയെ ഓടിക്കുന്നതിൻ്റെയും ദൃശ്യങ്ങൾ പുറത്തുവന്നിട്ടുണ്ട്. മുറ്റത്ത് കളിക്കുന്നതിനിടെയാണ് അലന് നേരെ തെരുവുനായയുടെ ആക്രമണം ഉണ്ടായ

ഓടിയെത്തിയ നായ കുട്ടിയെ കടിച്ചുവീഴ്ത്താൻ ശ്രമിക്കുന്നതിനിടെ ആണ് വീടിൻ്റെ മുകൾനിലയിൽ ഉണ്ടായിരുന്ന അജ്മൽ താഴേക്ക് ചാടി രക്ഷകനായത്. നായയെ വടിയെടുത്ത് അടിച്ചോടിക്കുന്നതിനിടെ അജ്മലിനും കടിയേറ്റു. അജ്മൽ നായയെ അടിച്ചുവീഴ്ത്തിയ ശേഷം നാട്ടുകാരെത്തി നായയെ തല്ലിക്കൊന്നു.

ചെക്കൻ്റെ കരച്ചിൽ കേട്ട് നോക്കിയപ്പോൾ നായ ആക്രമിക്കുന്നതാണ് കണ്ടതെന്നും പെട്ടെന്ന് ചാടി രക്ഷപ്പെടുത്തുകയായിരുന്നുവെന്നും അജ്മൽ   പറഞ്ഞു. വേറെ ഒന്നും ചിന്തിച്ചില്ല. തനിക്കും കടിയേറ്റു. ഉസ്താദ് അടക്കം മറ്റുള്ളവർക്കും കടിയേറ്റു. സ്ഥലത്ത് തെരുവുനായയുടെ ശല്യം രൂക്ഷമാണെന്നും അജ്മൽ വ്യക്തമാക്കി. വീടിൻ്റെ മുകളിൽനിന്ന് ചാടിയതിനിടെ അജ്മലിൻ്റെ ശരീരത്തിൽ നേരിയ പരിക്കേറ്റിട്ടുണ്ട്.

### Related Links & Sources
- [Original Story Source](https://truevisionnews.com/news/367571/stray-dog-attack-in-changaramkulam-)