---
title: "അതിവേഗ പാതയിൽ 12കാരന്റെ ആഡംബര കാർ ഡ്രൈവിങ് ; പിതാവിനെതിരെ കേസ്, വാഹനം കസ്റ്റഡിയിൽ"
english_title: "Case filed against father of 12-year-old for driving luxury car on expressway"
publisher: "truevisionnews.com"
canonical_url: "https://truevisionnews.com/news/367403/case-filed-against-father-of-12-year-old-for-driving-luxury-car-on-expressway"
published_at: "2026-06-21T17:02:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6a37cc2b7f8b9_CDRGFGHB.jpg"
keywords: ["LATEST NEWS", "luxury car", "expressway"]
---

# അതിവേഗ പാതയിൽ 12കാരന്റെ ആഡംബര കാർ ഡ്രൈവിങ് ; പിതാവിനെതിരെ കേസ്, വാഹനം കസ്റ്റഡിയിൽ

> **Lead Summary:** ഹൈദരാബാദ്: **[** ഹൈദരാബാദ് നഗരത്തിലെ ഔട്ടർ റിങ് റോഡിൽ പ്രായപൂർത്തിയാകാത്ത കുട്ടി ആഡംബര കാർ ഓടിക്കുന്ന വീഡിയോ വൈറലായതിന് പിന്നാലെ പിതാവിനെതിരെ കേസെടുത്ത് പോലീസ്. ഇന്ത്യയിലെ ആദ്യത്തെ ഓൾ-ഇലക്ട്രിക് കൺവേർട്ടബിൾ സ്പോർട്സ് കാറായ 'എംജി സൈബർസ്റ്റർ' ആണ് കുട്ടി ഓടിച്ചിരുന്നത്. ഈ ആഡംബര വാഹനം പോലീസ് കസ്റ്റഡിയിലെടുത്തു.

## Article Content

ഹൈദരാബാദ്: **[** ഹൈദരാബാദ് നഗരത്തിലെ ഔട്ടർ റിങ് റോഡിൽ പ്രായപൂർത്തിയാകാത്ത കുട്ടി ആഡംബര കാർ ഓടിക്കുന്ന വീഡിയോ വൈറലായതിന് പിന്നാലെ പിതാവിനെതിരെ കേസെടുത്ത് പോലീസ്. ഇന്ത്യയിലെ ആദ്യത്തെ ഓൾ-ഇലക്ട്രിക് കൺവേർട്ടബിൾ സ്പോർട്സ് കാറായ 'എംജി സൈബർസ്റ്റർ' ആണ് കുട്ടി ഓടിച്ചിരുന്നത്. ഈ ആഡംബര വാഹനം പോലീസ് കസ്റ്റഡിയിലെടുത്തു.

 12 വയസ്സിൽ താഴെ മാത്രം പ്രായമുള്ള കുട്ടി അതിവേഗ എക്സ്പ്രസ് വേയിലൂടെ അമിതവേഗതയിൽ വാഹനമോടിക്കുന്ന ദൃശ്യങ്ങൾ 'safecars_india' എന്ന ഇൻസ്റ്റാഗ്രാം പേജിലാണ് പ്രത്യക്ഷപ്പെട്ടത്. ഇത് സമൂഹമാധ്യമങ്ങളിൽ കടുത്ത പ്രകോപനത്തിന് കാരണമായിരുന്നു.

TG09AP3320 എന്ന താൽക്കാലിക രജിസ്ട്രേഷൻ നമ്പറിലുള്ളതായിരുന്നു ഈ കാർ. വെറും 3.2 സെക്കൻഡുകൾ കൊണ്ട് 0 മുതൽ 100 കിലോമീറ്റർ വരെ വേഗത കൈവരിക്കാൻ ശേഷിയുള്ള അതീവ അപകടസാധ്യതയുള്ള സ്പോർട്സ് കാറാണിത്.

വീഡിയോ ചർച്ചയായതോടെ രാജേന്ദ്രനഗർ ട്രാഫിക് പോലീസ് എസ്എച്ച്ഒ സിഎച്ച് രാജുവിന്റെ നേതൃത്വത്തിൽ ഉടനടി നടപടി സ്വീകരിക്കുകയായിരുന്നു. പ്രായപൂർത്തിയാകാത്ത കുട്ടിക്കെതിരെയും പിതാവിനെതിരെയും കേസെടുത്തു.  അപകടകരമായ രീതിയിൽ വാഹനമോടിക്കൽ, പ്രായപൂർത്തിയാകാത്ത കുട്ടിക്ക് വാഹനം ഓടിക്കാൻ അനുവാദം നൽകൽ.

പ്രായപൂർത്തിയാകാത്ത കുട്ടി ഇത്രയും വേഗതയേറിയ വാഹനം ഓടിച്ചത് ഏറെ ഗൗരവതരമാണെന്ന് പോലീസ് വ്യക്തമാക്കി. കുട്ടികൾക്ക് വാഹനം നൽകുന്ന രക്ഷിതാക്കൾക്കെതിരെ വിട്ടുവീഴ്ചയില്ലാത്ത കർശന നടപടി സ്വീകരിക്കണമെന്ന ആവശ്യവുമായി സമൂഹമാധ്യമങ്ങളിൽ വലിയ രീതിയിലുള്ള വിമർശനങ്ങളാണ് ഉയരുന്നത്.

### Related Links & Sources
- [Original Story Source](https://truevisionnews.com/news/367403/case-filed-against-father-of-12-year-old-for-driving-luxury-car-on-expressway)