---
title: "ആരും അറിയാതെ കടത്താനായിരുന്നല്ലേ വിചാരം! ലക്ഷങ്ങൾ വിലമതിക്കുന്ന സർക്കാർ നോട്ടിഫൈഡ് വീട്ടിമരം കടത്താൻ ശ്രമിച്ച നാലംഗസംഘം മീനങ്ങാടിയിൽ അറസ്റ്റിൽ"
english_title: "Government-notified rosewood, Four-member gang that attempted to smuggle, Arrest, Kalpetta"
publisher: "truevisionnews.com"
canonical_url: "https://truevisionnews.com/news/367335/government-notified-rosewood-four-member-gang-that-attempted-to-smuggle-arrest-Kalpetta"
published_at: "2026-06-21T12:53:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a37920d4a9c2_arrested.jpg"
keywords: ["Latest News", "Government-Notified Rosewood", "Smuggle", "Arrest", "Kalpetta"]
---

# ആരും അറിയാതെ കടത്താനായിരുന്നല്ലേ വിചാരം! ലക്ഷങ്ങൾ വിലമതിക്കുന്ന സർക്കാർ നോട്ടിഫൈഡ് വീട്ടിമരം കടത്താൻ ശ്രമിച്ച നാലംഗസംഘം മീനങ്ങാടിയിൽ അറസ്റ്റിൽ

> **Lead Summary:** കല്‍പ്പറ്റ: എഴുപത് അടിയോളം നീളമുള്ള വലിയ വീട്ടിമരം അനധികൃതമായി മുറിച്ചു കടത്താനുള്ള നാലംഗസംഘത്തിന്റെ ശ്രമം നാട്ടുകാരും പോലീസും ചേർന്ന് പരാജയപ്പെടുത്തി. മീനങ്ങാടി പോലീസ് സ്‌റ്റേഷന്‍ പരിധിയിലാണ് സംഭവം. ലക്ഷങ്ങള്‍ വിലമതിക്കുന്ന മരം കടത്താൻ ശ്രമിച്ച പി കെ അസ്രത്ത് , ഇ പി റസാഖ് , റിജിനേഷ് , രാജേഷ് എന്നിവരെ പോലീസ് അറസ്റ്റ് ചെയ്തു.

## Article Content

കല്‍പ്പറ്റ: എഴുപത് അടിയോളം നീളമുള്ള വലിയ വീട്ടിമരം അനധികൃതമായി മുറിച്ചു കടത്താനുള്ള നാലംഗസംഘത്തിന്റെ ശ്രമം നാട്ടുകാരും പോലീസും ചേർന്ന് പരാജയപ്പെടുത്തി. മീനങ്ങാടി പോലീസ് സ്‌റ്റേഷന്‍ പരിധിയിലാണ് സംഭവം. ലക്ഷങ്ങള്‍ വിലമതിക്കുന്ന മരം കടത്താൻ ശ്രമിച്ച പി കെ അസ്രത്ത് , ഇ പി റസാഖ് , റിജിനേഷ് , രാജേഷ് എന്നിവരെ പോലീസ് അറസ്റ്റ് ചെയ്തു.

മുട്ടില്‍ നോര്‍ത്ത് വില്ലേജ് 644/62 ല്‍ പെട്ട സ്ഥലത്ത് സര്‍ക്കാര്‍ നോട്ടീഫൈ ചെയ്ത 70 അടിയോളം നീളമുള്ള വീട്ടിമരമാണ് ഇവര്‍ മുറിച്ചു കടത്താന്‍ ശ്രമിച്ചത്. സംശയം തോന്നിയ നാട്ടുകാര്‍ സംഭവത്തില്‍ ഇടപെടുകയും പോലീസിനെ അറിയിക്കുകയുമായിരുന്നു. തുടര്‍ന്ന് സ്ഥലം ഉടമയുടെ പരാതിയില്‍ മീനങ്ങാടി പോലീസ് കേസ് രജിസ്റ്റര്‍ ചെയ്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.

### Related Links & Sources
- [Original Story Source](https://truevisionnews.com/news/367335/government-notified-rosewood-four-member-gang-that-attempted-to-smuggle-arrest-Kalpetta)