---
title: "16 വർഷം മുൻപുള്ള അതിക്രമക്കേസ്: ജാമ്യത്തിലിറങ്ങി മുങ്ങിയ  കോഴിക്കോട് സ്വദേശിയായ പ്രതി പിടിയിൽ"
english_title: "Kozhikode native who was out on bail arrested"
publisher: "truevisionnews.com"
canonical_url: "https://truevisionnews.com/news/367302/kozhikode-native-who-was-out-on-bail-arrested"
published_at: "2026-06-21T10:54:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a3775e5aa7c7_ARRET.jpg"
keywords: ["Court", "Elathur police", "Insulted femininity", "Kozhikode native"]
---

# 16 വർഷം മുൻപുള്ള അതിക്രമക്കേസ്: ജാമ്യത്തിലിറങ്ങി മുങ്ങിയ  കോഴിക്കോട് സ്വദേശിയായ പ്രതി പിടിയിൽ

> **Lead Summary:** **കോഴിക്കോട് : ** കോടതിയിൽനിന്ന്‌ ജാമ്യത്തിലിറങ്ങി മുങ്ങിയ പ്രതിയെ എലത്തൂർ പൊലീസ് അറസ്റ്റ് ചെയ്തു. എരഞ്ഞിപ്പാലം ചൊവ്വാത്ത് പറമ്പ് സ്വദേശി ഷെറീജി നെയാണ് എലത്തൂർ ഇൻസ്പെക്ടർ കെ ആർ രഞ്ജിത്തിന്റെ നേതൃത്വത്തിലുള്ള സംഘം പിടികൂടിയത്.

## Article Content

**കോഴിക്കോട് : ** കോടതിയിൽനിന്ന്‌ ജാമ്യത്തിലിറങ്ങി മുങ്ങിയ പ്രതിയെ എലത്തൂർ പൊലീസ് അറസ്റ്റ് ചെയ്തു. എരഞ്ഞിപ്പാലം ചൊവ്വാത്ത് പറമ്പ് സ്വദേശി ഷെറീജി നെയാണ് എലത്തൂർ ഇൻസ്പെക്ടർ കെ ആർ രഞ്ജിത്തിന്റെ നേതൃത്വത്തിലുള്ള സംഘം പിടികൂടിയത്.

2010 മാർച്ച് 25-ന് രാത്രി 7.30ന് മക്കട കയ്യൂന്നിയിലുള്ള പരാതിക്കാരിയുടെ വീട്ടിൽ അതിക്രമിച്ചുകയറി സ്ത്രീത്വത്തെ അപമാനിക്കുകയും അതിക്രമം കാണിക്കുകയുംചെയ്ത കേസിലെ പ്രതിയാണിയാൾ. സംഭവത്തിനുശേഷം കോടതിയിൽനിന്ന്‌ ജാമ്യംതേടി മുങ്ങിയ ഇയാൾക്കായി പൊലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു.

അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു. അന്വേഷകസംഘത്തിൽ എസ്ഐമാരായ സഹദ്, ശാമിൽ, ഹരീഷ്, സീനിയർ സിപിഒമാരായ രൂപേഷ്, സജിനേഷ്, സുജിത്ത് എന്നിവരുമുണ്ടായി.

### Related Links & Sources
- [Original Story Source](https://truevisionnews.com/news/367302/kozhikode-native-who-was-out-on-bail-arrested)