---
title: "ഫിഫ ലോകകപ്പ്: ഐവറി കോസ്റ്റിനെ തകർത്ത് ജർമ്മനി നോക്കൗട്ടിൽ; ഡെനിസ് ഉന്ദാവിന്റെ ഇരട്ടഗോളിൽ നാടകീയ ജയം"
english_title: "Ivory Coast Germany match, Fifa world cup 2026"
publisher: "truevisionnews.com"
canonical_url: "https://truevisionnews.com/news/367275/ivory-coast-germany-match-fifa-world-cup-2026"
published_at: "2026-06-21T09:33:00+05:30"
category: "Fifa World Cup 2026"
language: "ml"
image: "https://cf.zdn.im/img/truevisionnews.com/0/image-uploads/6a376335cb621_GERMANY.jpg"
keywords: ["Latest News", "FIFA World Cup", "Ivory Coast Germany Match"]
---

# ഫിഫ ലോകകപ്പ്: ഐവറി കോസ്റ്റിനെ തകർത്ത് ജർമ്മനി നോക്കൗട്ടിൽ; ഡെനിസ് ഉന്ദാവിന്റെ ഇരട്ടഗോളിൽ നാടകീയ ജയം

> **Lead Summary:** **ടൊറന്റോ: [ **ഫിഫ ലോകകപ്പ് 2026 ഗ്രൂപ്പ് ഇ മത്സരത്തിൽ ഐവറി കോസ്റ്റിനെ തകർത്ത് ജർമ്മനി നോക്കൗട്ട് ഘട്ടത്തിലേക്ക് മുന്നേറി. കാനഡയിലെ ടൊറന്റോ സ്റ്റേഡിയത്തിൽ നടന്ന ആവേശകരമായ മത്സരത്തിൽ ഒന്നിനെതിരെ രണ്ട് ഗോളുകൾക്കായിരുന്നു ജർമ്മനിയുടെ വിജയം.

## Article Content

**ടൊറന്റോ: [ **ഫിഫ ലോകകപ്പ് 2026 ഗ്രൂപ്പ് ഇ മത്സരത്തിൽ ഐവറി കോസ്റ്റിനെ തകർത്ത് ജർമ്മനി നോക്കൗട്ട് ഘട്ടത്തിലേക്ക് മുന്നേറി. കാനഡയിലെ ടൊറന്റോ സ്റ്റേഡിയത്തിൽ നടന്ന ആവേശകരമായ മത്സരത്തിൽ ഒന്നിനെതിരെ രണ്ട് ഗോളുകൾക്കായിരുന്നു ജർമ്മനിയുടെ വിജയം.

ആദ്യ പകുതിയിൽ ഒരു ഗോളിന് പിന്നിൽ നിന്ന ശേഷം രണ്ടാം പകുതിയിൽ അവിശ്വസനീയമായ തിരിച്ചുവരവ് നടത്തിയാണ് ജർമ്മൻ പട വിജയം പിടിച്ചെടുത്തത്. മത്സരത്തിന്റെ തുടക്കത്തിൽ ജർമ്മനി ആക്രമണത്തിൽ മേൽക്കൈ പുലർത്തിയെങ്കിലും, വിഎആർ പരിശോധനകൾ അവർക്ക് തിരിച്ചടിയായി.

അലക്സാണ്ടർ പാവ്‌ലോവിച്ച് നേടിയ ഗോൾ ഫൗൾ വിളിച്ചതിനെത്തുടർന്ന് റഫറി നിഷേധിച്ചു. ഇതിനിടെ, 30-ാം മിനിറ്റിൽ കൗണ്ടർ അറ്റാക്കിലൂടെ ഫ്രാങ്ക് കെസ്സിയിലൂടെ ഐവറി കോസ്റ്റ് ലീഡ് നേടി. 38-ാം മിനിറ്റിൽ കൈ ഹാവെർട്‌സിലൂടെ ജർമ്മനി വീണ്ടും വല ചലിപ്പിച്ചെങ്കിലും, അതും വിഎആർ ഇടപെടലിലൂടെ റദ്ദാക്കപ്പെട്ടു.

എന്നാൽ രണ്ടാം പകുതിയിൽ ജർമ്മനി കളി പൂർണ്ണമായും തങ്ങളുടേതാക്കി. 68-ാം മിനിറ്റിൽ ഡെനിസ് ഉന്ദാവിലൂടെ ജർമ്മനി സമനില പിടിച്ചു. മത്സരം സമനിലയിൽ അവസാനിക്കുമെന്ന് കരുതിയ ഇഞ്ചുറി ടൈമിന്റെ അവസാന നിമിഷത്തിൽ (90+4 മിനിറ്റ്) ഉന്ദാവ് തന്നെ ജർമ്മനിയുടെ വിജയഗോൾ കൂടി നേടിയതോടെ സ്റ്റേഡിയം ആവേശത്തിലായി.

ഈ വിജയത്തോടെ ഗ്രൂപ്പിൽ ആറ് പോയിന്റ് നേടിയ ജർമ്മനി നോക്കൗട്ട് യോഗ്യത ഉറപ്പിച്ചു. രണ്ട് മത്സരങ്ങളിൽ നിന്നായി മൂന്ന് പോയിന്റുള്ള ഐവറി കോസ്റ്റിന് നോക്കൗട്ട് സ്വപ്നങ്ങൾ സജീവമായി നിലനിർത്താൻ അവസാന മത്സരം നിർണ്ണായകമാണ്.

### Related Links & Sources
- [Original Story Source](https://truevisionnews.com/news/367275/ivory-coast-germany-match-fifa-world-cup-2026)