---
title: "കുട്ടിയുള്ളത് ഓർത്തില്ലേ ....! കോഴിക്കോട് കുഞ്ഞിനെ ബുള്ളറ്റിന്‍റെ ടാങ്കിന് മുകളിൽ ഇരുത്തി യുവാവിന്റെ യാത്ര; ദൃശ്യങ്ങൾ പകർത്തി കാർ യാത്രികർ"
english_title: "Young man's bike ride violates traffic rules, endangering his life"
publisher: "truevisionnews.com"
canonical_url: "https://truevisionnews.com/news/367228/young-mans-bike-ride-violates-traffic-rules-endangering-his-life"
published_at: "2026-06-20T21:47:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a36bdf86f4c2_KOZHIKODE.jpg"
keywords: ["Latest News", "Violates Traffic Rules", "Kozhikode"]
---

# കുട്ടിയുള്ളത് ഓർത്തില്ലേ ....! കോഴിക്കോട് കുഞ്ഞിനെ ബുള്ളറ്റിന്‍റെ ടാങ്കിന് മുകളിൽ ഇരുത്തി യുവാവിന്റെ യാത്ര; ദൃശ്യങ്ങൾ പകർത്തി കാർ യാത്രികർ

> **Lead Summary:** **കോഴിക്കോട്: **ട്രാഫിക് നിയമങ്ങള്‍ ലംഘിച്ച് ജീവന് ഭീഷണിയാകുന്ന തരത്തില്‍ യുവാവിന്‍റെ ബൈക്ക് യാത്ര. കോഴിക്കോട് ജില്ലയിലെ തിരുവമ്പാടി-കൂടരഞ്ഞി റൂട്ടിലാണ് സംഭവം.

## Article Content

**കോഴിക്കോട്: **ട്രാഫിക് നിയമങ്ങള്‍ ലംഘിച്ച് ജീവന് ഭീഷണിയാകുന്ന തരത്തില്‍ യുവാവിന്‍റെ ബൈക്ക് യാത്ര. കോഴിക്കോട് ജില്ലയിലെ തിരുവമ്പാടി-കൂടരഞ്ഞി റൂട്ടിലാണ് സംഭവം.

ഒപ്പമുണ്ടായിരുന്ന ചെറിയ കുട്ടിയെ ബുള്ളറ്റിന്‍റെ ഹാന്‍റില്‍ പിടിപ്പിച്ച് ഹെല്‍മെറ്റ് ധരിക്കാതെ തീര്‍ത്തും അപകടകരമായ രീതിയില്‍ കിലോമീറ്ററുകളോളമാണ് ഇയാള്‍ സഞ്ചരിച്ചത്. പുറകിലെ കാര്‍ യാത്രികര്‍ പകര്‍ത്തിയ സംഭവത്തിന്‍റെ ദൃശ്യങ്ങള്‍ പുറത്തുവന്നിട്ടുണ്ട്.

ഏറെ ഗതാഗത തിരക്കേറിയ ഈ റോഡില്‍ കുട്ടിയുടെ ജീവന്‍ പോലും പണയപ്പെടുത്തിയാണ് ഇയാള്‍ ഈ കടുംകൈ ചെയ്തിരിക്കുന്നത്. KL 10 AL 0929 എന്ന നമ്പറിലുള്ള ബുള്ളറ്റ് ബൈക്കാണ് യുവാവ് ഓടിച്ചിരുന്നതെന്ന് ദൃശ്യങ്ങളില്‍ വ്യക്തമാണ്.

ചെറുതായൊന്ന് ബ്രേക്ക് ചെയ്താല്‍ പോലും തെറിച്ചു പോകുന്ന തരത്തില്‍ ടാങ്കിന് മുകളിലായാണ് കുട്ടി ഇരുന്നിരുന്നത്. കുട്ടിയുടെ പിറകിലായി ഇരുന്ന യുവാവ് വാഹനത്തിന്‍റെ ഹാന്‍റില്‍ കുട്ടിയെ ഉപയോഗിച്ച് നിയന്ത്രിക്കുകയായിരുന്നു.

### Related Links & Sources
- [Original Story Source](https://truevisionnews.com/news/367228/young-mans-bike-ride-violates-traffic-rules-endangering-his-life)