---
title: "പ്രീ-സ്കൂളിന്റെ തുറന്നുകിടന്ന ഗേറ്റിലൂടെ പുറത്തേക്ക് ഇറങ്ങി, തൊട്ടുമുന്നിൽ മിനി ലോറി; രണ്ടു വയസ്സുകാരന് രക്ഷകരായി ലോറി ജീവനക്കാർ"
english_title: "Miraculous rescue for two-year-old who ran into road through open pre-school gate"
publisher: "truevisionnews.com"
canonical_url: "https://truevisionnews.com/news/366860/miraculous-rescue-for-two-year-old-who-ran-into-road-through-open-pre-school-gate"
published_at: "2026-06-19T08:48:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a34b4f63922d_aluva.jpg"
keywords: ["Latest News", "Pre School", "Lorry", "Road", "Aluva"]
---

# പ്രീ-സ്കൂളിന്റെ തുറന്നുകിടന്ന ഗേറ്റിലൂടെ പുറത്തേക്ക് ഇറങ്ങി, തൊട്ടുമുന്നിൽ മിനി ലോറി; രണ്ടു വയസ്സുകാരന് രക്ഷകരായി ലോറി ജീവനക്കാർ

> **Lead Summary:** **ആലുവ: **പ്രീ-സ്കൂളിന്റെ തുറന്നുകിടന്ന ഗേറ്റിലൂടെ പുറത്തിറങ്ങി തിരക്കേറിയ റോഡിലേക്ക് ഓടിയെത്തിയ രണ്ടു വയസ്സുകാരന് അത്ഭുതരക്ഷ. ആലുവ-എടയപ്പുറം റോഡിൽ രാവിലെ 10.30-ന് ആയിരുന്നു സംഭവം. മിനി ലോറി ഡ്രൈവറുടെ ജാഗ്രതയാണ് ദുരന്തം ഒഴിവാക്കിയത്. തോട്ടുമുഖത്തു നിന്ന് എടയപ്പുറത്തേക്ക് പോകുന്ന തിരക്കേറിയ റോഡിലാണ് സംഭവം.

## Article Content

**ആലുവ: **പ്രീ-സ്കൂളിന്റെ തുറന്നുകിടന്ന ഗേറ്റിലൂടെ പുറത്തിറങ്ങി തിരക്കേറിയ റോഡിലേക്ക് ഓടിയെത്തിയ രണ്ടു വയസ്സുകാരന് അത്ഭുതരക്ഷ. ആലുവ-എടയപ്പുറം റോഡിൽ രാവിലെ 10.30-ന് ആയിരുന്നു സംഭവം. മിനി ലോറി ഡ്രൈവറുടെ ജാഗ്രതയാണ് ദുരന്തം ഒഴിവാക്കിയത്. തോട്ടുമുഖത്തു നിന്ന് എടയപ്പുറത്തേക്ക് പോകുന്ന തിരക്കേറിയ റോഡിലാണ് സംഭവം.

റോഡരികിൽ പ്രവർത്തിക്കുന്ന പ്രീ-സ്കൂളിൽ നിന്ന് കുട്ടി ഗേറ്റിലൂടെ പുറത്തുകടന്ന് റോഡിലേക്ക് ഓടിയെത്തുകയായിരുന്നു. ഈസമയം അതുവഴി വന്ന മിനി ലോറിയുടെ ഡ്രൈവർ കുട്ടിയെ കണ്ടു.

ഉടൻ ഹോൺ മുഴക്കുകയും വാഹനം നിർത്തുകയും ചെയ്തു. തുടർന്ന് വാഹനത്തിൽ നിന്ന് ഓടിയിറങ്ങിയ ഡ്രൈവറും ക്ലീനറും ചേർന്ന് കുട്ടിയെ സുരക്ഷിതമായി റോഡിൽ നിന്നെടുത്തു. ഹോൺ മുഴക്കി സമീപവാസികളെ കൂട്ടിയ ശേഷം ബന്ധപ്പെട്ടവരെ വിവരം അറിയിച്ച് കുട്ടിയെ സുരക്ഷിതമായി കൈമാറി.

കുട്ടി സ്കൂളിൽ നിന്ന് പുറത്തുപോയ കാര്യം അധികൃതർ അറിഞ്ഞില്ല. സ്കൂളിൽ പെയിന്റിങ് ജോലികൾ നടക്കുന്നതിനാലാണ് ഗേറ്റ് തുറന്നുകിടന്നതെന്നാണ് അധികൃതർ പറയുന്നത്.

### Related Links & Sources
- [Original Story Source](https://truevisionnews.com/news/366860/miraculous-rescue-for-two-year-old-who-ran-into-road-through-open-pre-school-gate)