---
title: "കാട്ടാക്കടയിൽ മുത്തൂറ്റ് മൈക്രോഫിൻ മാനേജറെ തട്ടിക്കൊണ്ടുപോയി, പിന്നാലെ വിട്ടയച്ചു; പ്രതികൾക്കായി അന്വേഷണം "
english_title: "Muthoot Microfin manager kidnapped in Kattakada"
publisher: "truevisionnews.com"
canonical_url: "https://truevisionnews.com/news/366834/muthoot-microfin-manager-kidnapped-in-kattakada"
published_at: "2026-06-18T22:32:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a342513651e2_kidnapped.jpg"
keywords: ["Latest News", "Muthoot Microfin Manager", "Kidnapped", "Police Case", "Thiruvananthapuram"]
---

# കാട്ടാക്കടയിൽ മുത്തൂറ്റ് മൈക്രോഫിൻ മാനേജറെ തട്ടിക്കൊണ്ടുപോയി, പിന്നാലെ വിട്ടയച്ചു; പ്രതികൾക്കായി അന്വേഷണം 

> **Lead Summary:** തിരുവനന്തപുരം: യുവാവിനെ കാറിൽ എത്തിയ സംഘം തട്ടിക്കൊണ്ടു പോയി. തിരുവനന്തപുരം കാട്ടാക്കടയിലാണ് സംഭവം. കാട്ടാക്കട മുത്തൂറ്റ് മൈക്രോഫിൻ മാനേജർ ഗിരീഷിനെയാണ് തട്ടിക്കൊണ്ടു പോയത്.

## Article Content

തിരുവനന്തപുരം: യുവാവിനെ കാറിൽ എത്തിയ സംഘം തട്ടിക്കൊണ്ടു പോയി. തിരുവനന്തപുരം കാട്ടാക്കടയിലാണ് സംഭവം. കാട്ടാക്കട മുത്തൂറ്റ് മൈക്രോഫിൻ മാനേജർ ഗിരീഷിനെയാണ് തട്ടിക്കൊണ്ടു പോയത്.

ജോലി കഴിഞ്ഞ് വീട്ടിലേക്ക് പോകാൻ ഓഫീസിനു മുന്നിൽ നിൽക്കുമ്പോഴാണ് കാറിൽ എത്തിയ സംഘം ഗിരീഷിനെ തട്ടിക്കൊണ്ടുപോകുന്നത്. ഒരു കാര്യം സംസാരിക്കാനുണ്ടെന്ന് പറഞ്ഞ് ഗിരീഷിനെ ഇവർ കാറിൽ ബലമായി പിടിച്ചു കയറ്റി. ഗിരീഷിനെ കാറിൽ കയറ്റി സംഘം സ്ഥലത്ത് നിന്നും രക്ഷപ്പെട്ടു.

സംഭവത്തിൽ കാട്ടാക്കട പോലീസ് അന്വേഷണം ആരംഭിച്ചിരുന്നു. എന്നാൽ, രാത്രി തന്നെ ​ഗിരീഷിനെ സംഘം അതേ സ്ഥലത്ത് വിട്ടയച്ചു. ‌ഗിരീഷിനെ ബലമായി കാറിൽ കയറ്റുന്നതിന്റെ ദൃശ്യങ്ങൾ ലഭിച്ചു. സംഭവത്തിൽ അന്വേഷണം ഊർജിതമാക്കിയെന്ന് പൊലീസ് പറഞ്ഞു.

### Related Links & Sources
- [Original Story Source](https://truevisionnews.com/news/366834/muthoot-microfin-manager-kidnapped-in-kattakada)