---
title: "  ബ്ലേഡ് ഉപയോഗിച്ച് കഴുത്തിൽ മുറിച്ചു; തലശ്ശേരിയിൽ മദ്യപാനത്തിനിടെ തർക്കം; വയോധികനെ കൊലപ്പെടുത്താൻ ശ്രമം, പ്രതി കസ്റ്റഡിയിൽ"
english_title: "Argument over drinking in Thalassery; Attempt to murder elderly man"
publisher: "truevisionnews.com"
canonical_url: "https://truevisionnews.com/news/366392/argument-over-drinking-in-thalassery-attempt-to-murder-elderly-man"
published_at: "2026-06-16T16:44:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a23afc66ba7a_stabbed.jpg"
keywords: ["arrest", "alcoholism", "Pariyaram Medical College", "Murder"]
---

#   ബ്ലേഡ് ഉപയോഗിച്ച് കഴുത്തിൽ മുറിച്ചു; തലശ്ശേരിയിൽ മദ്യപാനത്തിനിടെ തർക്കം; വയോധികനെ കൊലപ്പെടുത്താൻ ശ്രമം, പ്രതി കസ്റ്റഡിയിൽ

> **Lead Summary:** **തലശ്ശേരി: ** തലശ്ശേരിയിൽ മദ്യപാനത്തിനിടെ ഉണ്ടായ തർക്കത്തെത്തുടർന്ന് വയോധികനെ കഴുത്തറത്ത് കൊല്ലാൻ ശ്രമം. ചെമ്പിലോട് സ്വദേശി നാസറിനാണ് ഗുരുതരമായി പരിക്കേറ്റത്. സംഭവത്തെത്തുടർന്ന് ഇദ്ദേഹത്തെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

## Article Content

**തലശ്ശേരി: ** തലശ്ശേരിയിൽ മദ്യപാനത്തിനിടെ ഉണ്ടായ തർക്കത്തെത്തുടർന്ന് വയോധികനെ കഴുത്തറത്ത് കൊല്ലാൻ ശ്രമം. ചെമ്പിലോട് സ്വദേശി നാസറിനാണ് ഗുരുതരമായി പരിക്കേറ്റത്. സംഭവത്തെത്തുടർന്ന് ഇദ്ദേഹത്തെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

തലശ്ശേരി പുതിയ ബസ് സ്റ്റാൻഡിൽ ഉച്ചയ്ക്ക് ഒന്നരയോടു കൂടിയായിരുന്നു സംഭവം. ബസ് സ്റ്റാൻഡിന്റെ ഒഴിഞ്ഞ ഭാഗത്ത് നാസറും പ്രതിയായ ഷാഹിദ് എന്നയാളും ഒരുമിച്ചിരുന്ന് മദ്യപിക്കുകയായിരുന്നു. ഇതിനിടെയാണ് തർക്കമുണ്ടാകുന്നത്. തർക്കത്തിനിടെ ഷാഹിദ് കൈയിൽ ഉണ്ടായിരുന്ന ബ്ലേഡ് ഉപയോഗിച്ച് നാസറിന്റെ കഴുത്തിൽ ആഴത്തിൽ മുറിക്കുകയായിരുന്നു.

നാട്ടുകാർ ചേർന്ന് പോലീസിനെ വിവരം അറിയിച്ചു. ഇതേത്തുടർന്നാണ് ആശുപത്രിയിൽ എത്തിച്ചത്. നാസറിന്റെ പരിക്ക് ഗുരുതരമാണ്. ഷാഹിദിനെ പോലീസ് കസ്റ്റഡിയിൽ എടുത്തിട്ടുണ്ട്. ഷാഹിദിനെ ചോദ്യം ചെയ്തതിന് ശേഷം മാത്രമേ കൂടുതൽ വിവരം അറിയൂ എന്നാണ് പോലീസ് വ്യക്തമാക്കുന്നത്.

### Related Links & Sources
- [Original Story Source](https://truevisionnews.com/news/366392/argument-over-drinking-in-thalassery-attempt-to-murder-elderly-man)