---
title: "ആവേശപ്പോരാട്ടം; ഇറാനെ പിടിച്ചുകെട്ടി ന്യൂസിലൻഡ്; ലോകകപ്പിൽ തകർപ്പൻ സമനില!"
english_title: "Iran draw New Zealand in World Cup"
publisher: "truevisionnews.com"
canonical_url: "https://truevisionnews.com/news/366254/iran-draw-new-zealand-in-world-cup"
published_at: "2026-06-16T09:29:00+05:30"
category: "Fifa World Cup 2026"
language: "ml"
image: "https://cf.zdn.im/img/truevisionnews.com/0/image-uploads/6a30caab464d1_iran_newzeland.jpg"
keywords: ["Latest News", "Fifa World Cup 2026", "New Zealand", "Iran", "Match"]
---

# ആവേശപ്പോരാട്ടം; ഇറാനെ പിടിച്ചുകെട്ടി ന്യൂസിലൻഡ്; ലോകകപ്പിൽ തകർപ്പൻ സമനില!

> **Lead Summary:** **ലോസ് ആഞ്ചലസ്: [**ആവേശകരമായ പോരാട്ടത്തിനൊടുവിൽ ലോകകപ്പ് ഗ്രൂപ്പ് ജിയിൽ ഇറാനും ന്യൂസിലൻഡും സമനിലയിൽ പിരിഞ്ഞു. ഇരു ടീമുകളും രണ്ട് ഗോളുകൾ വീതം അടിച്ചുകൂട്ടിയ മത്സരം ഫുട്ബോൾ ആരാധകർക്ക് നൽകിയത് മികച്ചൊരു വിരുന്നായിരുന്നു.

## Article Content

**ലോസ് ആഞ്ചലസ്: [**ആവേശകരമായ പോരാട്ടത്തിനൊടുവിൽ ലോകകപ്പ് ഗ്രൂപ്പ് ജിയിൽ ഇറാനും ന്യൂസിലൻഡും സമനിലയിൽ പിരിഞ്ഞു. ഇരു ടീമുകളും രണ്ട് ഗോളുകൾ വീതം അടിച്ചുകൂട്ടിയ മത്സരം ഫുട്ബോൾ ആരാധകർക്ക് നൽകിയത് മികച്ചൊരു വിരുന്നായിരുന്നു.

കളിയിൽ രണ്ട് തവണ ന്യൂസിലൻഡ് മുന്നിലെത്തിയെങ്കിലും അത്രയും തവണ തന്നെ തിരിച്ചടിച്ച് ഇറാൻ മത്സരം സമനിലയിലാക്കി. ന്യൂസിലൻഡിനായി എലിജ ജസ്റ്റ് ഇരട്ട ഗോളുകൾ നേടിയപ്പോൾ, റാമിൻ റെസായനും മൊഹമ്മദ് മൊഹെബിയുമാണ് ഇറാനായി സ്കോർ ചെയ്തത്.

മത്സരത്തിന്‍റെ തുടക്കം മുതൽ തന്നെ ആവേശം വാനോളമുയർന്നു. ആറാം മിനിറ്റിൽ ക്രിസ് വുഡിന്റെ അസിസ്റ്റിൽ എലിജ ജസ്റ്റ് ന്യൂസിലൻഡിനെ മുന്നിലെത്തിച്ചു. എന്നാൽ 31-ാം മിനിറ്റിൽ റാമിൻ റെസായനിലൂടെ ഇറാൻ ഒപ്പമെത്തി.

54-ാം മിനിറ്റിൽ വീണ്ടും ക്രിസ് വുഡിന്റെ സഹായത്തോടെ എലിജ ജസ്റ്റ് രണ്ടാം ഗോൾ നേടിയപ്പോൾ ന്യൂസിലൻഡ് വീണ്ടും ലീഡെടുത്തു. എന്നാൽ 63-ാം മിനിറ്റിൽ മൊഹമ്മദ് മൊഹെബിയുടെ തകർപ്പൻ ഹെഡ്ഡറിലൂടെ ഇറാൻ വീണ്ടും സമനില പിടിച്ചെടുത്തു.

അവസാന മിനിറ്റുകളിൽ വിജയത്തിനായി ഇരു ടീമുകളും കിണഞ്ഞു പരിശ്രമിച്ചെങ്കിലും ഗോൾ വഴങ്ങാൻ പ്രതിരോധങ്ങൾ അനുവദിച്ചില്ല. ഫിഫ റാങ്കിംഗിൽ വലിയ വ്യത്യാസമുള്ള ടീമുകൾ തമ്മിലുള്ള ഈ മത്സരം ടൂർണമെന്റിലെ മികച്ച അട്ടിമറികളിലൊന്നായി മാറി. മത്സരത്തിനിടയിൽ കനത്ത സുരക്ഷയാണ് ലോസ് ആഞ്ചലസ് സ്റ്റേഡിയത്തിൽ ഒരുക്കിയിരുന്നത്.

### Related Links & Sources
- [Original Story Source](https://truevisionnews.com/news/366254/iran-draw-new-zealand-in-world-cup)