---
title: "ചൂടോടെ തുടക്കം ...:  പ്രിയദർശിനി ബസ് ഉദ്ഘാടനത്തിനിടെ മന്ത്രി ബിന്ദു കൃഷ്ണയുടെ തലയിൽ ചൂട് പായസം വീണു"
english_title: "Minister Bindu Krishna, hot payasam falls on her head, Kollam KSRTC depot, Priyadarshini bus inauguration"
publisher: "truevisionnews.com"
canonical_url: "https://truevisionnews.com/news/366062/minister-bindu-krishna-hot-payasam-falls-on-her-head-kollam-ksrtc-depot-priyadarshini-bus-inauguration-"
published_at: "2026-06-15T11:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a2f9413bd2aa_bindu.jpg"
keywords: ["Minister Bindu Krishna", "Kollam KSRTC depot", "Priyadarshini bus inauguration", "Hotpayasam"]
---

# ചൂടോടെ തുടക്കം ...:  പ്രിയദർശിനി ബസ് ഉദ്ഘാടനത്തിനിടെ മന്ത്രി ബിന്ദു കൃഷ്ണയുടെ തലയിൽ ചൂട് പായസം വീണു

> **Lead Summary:** **തിരുവനന്തപുരം: ** കെ.എസ്.ആർ.ടി.സി ഡിപ്പോയിൽ നടന്ന 'പ്രിയദർശിനി' ബസ് ഉദ്ഘാടന ചടങ്ങിനിടെ അപ്രതീക്ഷിത സംഭവം. ഉദ്ഘാടന വേളയിൽ യൂത്ത് കോൺഗ്രസ് പ്രവർത്തകർ വിതരണം ചെയ്ത ചൂടുള്ള പായസം അബദ്ധത്തിൽ മന്ത്രി ബിന്ദു കൃഷ്ണയുടെ തലയിൽ വീണു.

## Article Content

**തിരുവനന്തപുരം: ** കെ.എസ്.ആർ.ടി.സി ഡിപ്പോയിൽ നടന്ന 'പ്രിയദർശിനി' ബസ് ഉദ്ഘാടന ചടങ്ങിനിടെ അപ്രതീക്ഷിത സംഭവം. ഉദ്ഘാടന വേളയിൽ യൂത്ത് കോൺഗ്രസ് പ്രവർത്തകർ വിതരണം ചെയ്ത ചൂടുള്ള പായസം അബദ്ധത്തിൽ മന്ത്രി ബിന്ദു കൃഷ്ണയുടെ തലയിൽ വീണു.

കൊല്ലം കെഎസ്ആർടിസി ഡിപ്പോയിൽ നടന്ന പ്രിയദർശിനി ബസ് ഉദ്ഘാടന വേളയിലായിരുന്നു സംഭവം. സൗജന്യ യാത്ര ആരംഭിച്ചതിന്റെ സന്തോഷത്തിൽ യൂത്ത് കോൺഗ്രസ് പ്രവർത്തകർ വിതരണം ചെയ്ത പായസമാണ് മന്ത്രിയുടെ തലയിൽ വീണത്.

രാവിലെ ഒമ്പത് മണിക്ക് തിരുവനന്തപുരം തമ്പാനൂർ കെഎസ്ആർടിസി കോംപ്ലക്സിൽ മുഖ്യമന്ത്രി വി ഡി സതീശനാണ് പ്രിയദർശിനി പദ്ധതി ഉദ്ഘാടനം ചെയ്തത്. ഉദ്ഘാടനത്തിന് പിന്നാലെ ഇത് അഭിമാന നിമിഷമെന്ന് മുഖ്യമന്ത്രി പറഞ്ഞു.

അധികാരത്തിലെത്തി ഒരു മാസം കഴിയും മുമ്പേ വാഗ്ദാനം പാലിക്കാനായി. സൗജന്യ യാത്ര സ്ത്രീകൾക്ക് നൽകുന്ന ഔദാര്യമല്ലെന്നും സാമൂഹിക സാമ്പത്തിക പ്രതിഫലനം ഉണ്ടാക്കുന്ന പദ്ധതിയാണെന്നും മുഖ്യമന്ത്രി കൂട്ടിച്ചേര്‍ത്തു.

സ്ത്രീകൾക്ക് അഭിമാനത്തോടെ യാത്ര ചെയ്യാം. ഞങ്ങളുടെ സർക്കാരിന്റെ വണ്ടി എന്ന് സ്ത്രീകള്‍ക്ക് പറയാം. മിച്ചം കിട്ടുന്ന തുക എന്ത് ചെയ്യണമെന്ന് ഒരു സ്ത്രീ എന്നോട് ചോദിച്ചുവെന്നും ചിട്ടി ചേരാൻ ഉപദേശിച്ചുവെന്നും മുഖ്യമന്ത്രി പറഞ്ഞു. കെഎസ്ആർടിസിയെ സാമ്പത്തിക ബാധ്യതയിൽ ആകുന്നില്ലെന്നും മുഖ്യമന്ത്രി കൂട്ടിച്ചേര്‍ത്തു.

### Related Links & Sources
- [Original Story Source](https://truevisionnews.com/news/366062/minister-bindu-krishna-hot-payasam-falls-on-her-head-kollam-ksrtc-depot-priyadarshini-bus-inauguration-)