---
title: "ക്ഷണിക്കാതെ ഒരു അതിഥി....! മുഖ്യമന്ത്രിയുടെ വീട്ടിൽ നിന്ന് മൂർഖൻ പാമ്പിനെ പിടികൂടി"
english_title: "Cobra Snake Caught From Chief Minister House"
publisher: "truevisionnews.com"
canonical_url: "https://truevisionnews.com/news/365834/cobra-snake-caught-from-chief-minister-house"
published_at: "2026-06-13T20:43:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a2d7408777e5_Cobra_Snake.jpg"
keywords: []
---

# ക്ഷണിക്കാതെ ഒരു അതിഥി....! മുഖ്യമന്ത്രിയുടെ വീട്ടിൽ നിന്ന് മൂർഖൻ പാമ്പിനെ പിടികൂടി

> **Lead Summary:** തിരുവനന്തപുരം: മുഖ്യമന്ത്രിയുടെ ദേശത്തുള്ള വീട്ടിൽ നിന്ന് മൂർഖൻ പാമ്പിനെ പിടികൂടി. ഇന്ന് ഉച്ചയ്ക്ക് രണ്ട് മണിയോടെയാണ് മുഖ്യമന്ത്രിയുടെ വീട്ടുപരിസരത്ത് മൂർഖൻ പാമ്പിനെ ആദ്യമായി കാണുന്നത്.

## Article Content

തിരുവനന്തപുരം: മുഖ്യമന്ത്രിയുടെ ദേശത്തുള്ള വീട്ടിൽ നിന്ന് മൂർഖൻ പാമ്പിനെ പിടികൂടി. ഇന്ന് ഉച്ചയ്ക്ക് രണ്ട് മണിയോടെയാണ് മുഖ്യമന്ത്രിയുടെ വീട്ടുപരിസരത്ത് മൂർഖൻ പാമ്പിനെ ആദ്യമായി കാണുന്നത്.

വീട്ടിൽ പാമ്പിന്റെ സാന്നിധ്യം ശ്രദ്ധയിൽപ്പെട്ടയുടൻ തന്നെ വീട്ടുകാർ ബന്ധപ്പെട്ട അധികൃതരെ വിവരമറിയിക്കുകയായിരുന്നു. രണ്ടടിയോളം വലിപ്പമുള്ള പാമ്പിനെയാണ് പിടികൂടിയതെന്നാണ് വിവരം.

വിവരം ലഭിച്ചതിനെ തുടർന്ന് ഉടൻ തന്നെ വിദഗ്ദ്ധരായ റെസ്‌ക്യൂ സംഘം സ്ഥലത്തെത്തുകയും ഏറെ പ്രയത്നപ്പെട്ട് പാമ്പിനെ സുരക്ഷിതമായി പിടികൂടുകയുമായിരുന്നു. റെസ്‌ക്യൂ സംഘം സുരക്ഷിതമായി പിടികൂടിയ മൂർഖൻ പാമ്പിനെ പിന്നീട് വനംവകുപ്പ് അധികൃതർക്ക് കൈമാറി.

വനംവകുപ്പിന്റെ മാനദണ്ഡങ്ങൾ പാലിച്ച് ഇതിനെ സുരക്ഷിതമായ വനമേഖലയിലേക്ക് മാറ്റുമെന്നാണ് വിവരം. കൃത്യസമയത്ത് വിവരം നൽകിയതിനാലും റെസ്‌ക്യൂ സംഘത്തിന്റെ സമയബന്ധിതമായ ഇടപെടൽ മൂലവും വലിയൊരു അപകടസാഹചര്യമാണ് ഒഴിവായത്.

### Related Links & Sources
- [Original Story Source](https://truevisionnews.com/news/365834/cobra-snake-caught-from-chief-minister-house)