#Latest News #OEC Pre-matric #Education Benefit
കോഴിക്കോട്: ( www.truevisionnews.com ) സംസ്ഥാനത്തെ വിവിധ സ്കൂളുകളിൽ 1 മുതൽ 10 വരെ ക്ലാസുകളിൽ പഠിക്കുന്ന അർഹരായ വിദ്യാർത്ഥികൾക്ക് ഒ.ഇ.സി (OEC) പ്രീമെട്രിക് വിദ്യാഭ്യാസ ആനുകൂല്യത്തിന് അപേക്ഷിക്കാം. പിന്നാക്ക വിഭാഗ വികസന വകുപ്പ് മുഖേന നൽകുന്ന ഈ ആനുകൂല്യത്തിന് ഓൺലൈനായാണ് അപേക്ഷ സമർപ്പിക്കേണ്ടത്.
സർക്കാർ, സർക്കാർ എയ്ഡഡ്, അംഗീകൃത അൺ-എയ്ഡഡ്, സി.ബി.എസ്.ഇ, ഐ.സി.എസ്.ഇ അഫിലിയേറ്റഡ് സ്കൂളുകളിലെ ഒ.ഇ.സി വിഭാഗത്തിൽപ്പെട്ട വിദ്യാർത്ഥികൾക്കാണ് അപേക്ഷിക്കാൻ അർഹതയുള്ളത്. കൂടാതെ, ആറ് ലക്ഷം രൂപ വരെ വാർഷിക വരുമാന പരിധിയുള്ള ഒ.ബി.സി (OBC-H) വിഭാഗത്തിൽപ്പെട്ട വിദ്യാർത്ഥികൾക്കും ഒ.ഇ.സിക്ക് സമാനമായ ഈ വിദ്യാഭ്യാസ ആനുകൂല്യം ലഭിക്കും.
താത്പര്യമുള്ളവർ www.egrantz.kerala.gov.in എന്ന ഔദ്യോഗിക പോർട്ടൽ മുഖേനയാണ് അപേക്ഷകൾ സമർപ്പിക്കേണ്ടത്. സ്കൂളുകൾ വഴി അർഹരായ വിദ്യാർത്ഥികളുടെ ഡാറ്റാ എൻട്രി പൂർത്തിയാക്കേണ്ട അവസാന തീയതി ജൂലൈ 15 ആണ്. കൂടുതൽ വിവരങ്ങൾ ഇ-ഗ്രാന്റ്സ് പോർട്ടലിൽ ലഭ്യമാണ്.
Content Highlight: You can apply for OEC pre-matric education benefit
#Latest News #OEC Pre-matric #Education Benefit
