---
title: "നിപ സ്ഥിരീകരണം: കളക്ടർ മാധവിക്കുട്ടിക്കെതിരെ ആരോഗ്യമന്ത്രി; അഞ്ചുമണിക്ക് സംസാരിച്ചപ്പോഴും ഫലം വന്നിരുന്നില്ലെന്ന് കെ. മുരളീധരൻ"
english_title: "Health Minister K. Muraleedharan against Collector Madhavikutty for confirming Nipah"
publisher: "truevisionnews.com"
canonical_url: "https://truevisionnews.com/news/365473/health-minister-k-muraleedharan-against-collector-madhavikutty-for-confirming-nipah"
published_at: "2026-06-12T11:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a2ba0c50c396_fgf.jpg"
keywords: ["latest news", "Nipah", "Collector Madhavikutty", "K. Muraleedharan", "Health Minister"]
---

# നിപ സ്ഥിരീകരണം: കളക്ടർ മാധവിക്കുട്ടിക്കെതിരെ ആരോഗ്യമന്ത്രി; അഞ്ചുമണിക്ക് സംസാരിച്ചപ്പോഴും ഫലം വന്നിരുന്നില്ലെന്ന് കെ. മുരളീധരൻ

> **Lead Summary:** കോഴിക്കോട്: നിപ രോഗബാധ സ്ഥിരീകരിച്ചതുമായി ബന്ധപ്പെട്ട് താനും കോഴിക്കോട് ജില്ലാ കളക്ടറും തമ്മിൽ യാതൊരുവിധ ആശയക്കുഴപ്പവും ഉണ്ടായിട്ടില്ലെന്ന് ആരോഗ്യമന്ത്രി കെ. മുരളീധരൻ. എന്നാൽ, പുതിയ കളക്ടറായതിനാൽ മാധവിക്കുട്ടിക്ക് കാര്യങ്ങൾ കൈകാര്യം ചെയ്യുന്നതിൽ ചെറിയ പരിചയക്കുറവ് ഉണ്ടായിട്ടുണ്ടെന്ന് മന്ത്രി വാർത്താസമ്മേളനത്തിൽ പറഞ്ഞു.

## Article Content

കോഴിക്കോട്: നിപ രോഗബാധ സ്ഥിരീകരിച്ചതുമായി ബന്ധപ്പെട്ട് താനും കോഴിക്കോട് ജില്ലാ കളക്ടറും തമ്മിൽ യാതൊരുവിധ ആശയക്കുഴപ്പവും ഉണ്ടായിട്ടില്ലെന്ന് ആരോഗ്യമന്ത്രി കെ. മുരളീധരൻ. എന്നാൽ, പുതിയ കളക്ടറായതിനാൽ മാധവിക്കുട്ടിക്ക് കാര്യങ്ങൾ കൈകാര്യം ചെയ്യുന്നതിൽ ചെറിയ പരിചയക്കുറവ് ഉണ്ടായിട്ടുണ്ടെന്ന് മന്ത്രി വാർത്താസമ്മേളനത്തിൽ പറഞ്ഞു.

ഇന്നലെ വൈകിട്ട് മന്ത്രിയും കളക്ടറും നടത്തിയ വാർത്താസമ്മേളനങ്ങളിലെ പരസ്പരവിരുദ്ധമായ പ്രസ്താവനകൾ വലിയ ചർച്ചയായ പശ്ചാത്തലത്തിലാണ് മന്ത്രിയുടെ ഈ വിശദീകരണം.

 വൈകിട്ട് അഞ്ച് മണിക്ക് താൻ കളക്ടറുമായി സംസാരിക്കുന്നതുവരെ പുണെ വൈറോളജി ലാബിൽ നിന്നുള്ള ഔദ്യോഗിക ഫലം വന്നിരുന്നില്ല. അതുകൊണ്ടാണ് വാർത്താസമ്മേളനത്തിൽ ഫലം വന്നിട്ടില്ലെന്ന് താൻ പറഞ്ഞത്.

 ഉച്ചയ്ക്ക് തന്നെ പുണെയിൽ നിന്ന് ഫലം വന്നിരുന്നുവെന്നാണ് കളക്ടർ പിന്നീട് പറഞ്ഞത്. എന്നാൽ കളക്ടർക്ക് റിപ്പോർട്ട് ലഭിച്ചാൽ അത് ആരോഗ്യമന്ത്രിയെ അറിയിക്കേണ്ടതായിരുന്നു. സ്വന്തം വാർത്താസമ്മേളനത്തിന് ശേഷമാണ് കളക്ടർ തന്നെ കാര്യങ്ങൾ അറിയിച്ചതെന്നും മന്ത്രി കുറ്റപ്പെടുത്തി.

നിപ ബാധിതനായ 43-കാരൻ നിലവിൽ അതീവ ഗുരുതരാവസ്ഥയിൽ ചികിത്സയിലാണ്. പുണെയിലെ ഫലം വരുന്നതിന് മുൻപ് തന്നെ, കേരളത്തിൽ നടത്തിയ പ്രാഥമിക പരിശോധനകളുടെ അടിസ്ഥാനത്തിൽ ഇദ്ദേഹത്തിന് നിപ സ്ഥിരീകരിക്കുകയും ചികിത്സ ലഭ്യമാക്കുകയും ചെയ്തിരുന്നു. രോഗിയുടെ സമ്പർക്ക പട്ടികയും സഞ്ചാരപഥവും (റൂട്ട് മാപ്പ്) ആരോഗ്യവകുപ്പ് ഇതിനകം പുറത്തുവിട്ടിട്ടുണ്ട്.

### Related Links & Sources
- [Original Story Source](https://truevisionnews.com/news/365473/health-minister-k-muraleedharan-against-collector-madhavikutty-for-confirming-nipah)