---
title: "തടവുകാരുടെ എണ്ണത്തിൽ വൻ വർധനവ്; കേരളത്തിൽ ഒരു സെൻട്രൽ ജയിൽ കൂടി വേണമെന്ന് ആഭ്യന്തരമന്ത്രി രമേശ് ചെന്നിത്തല"
english_title: "Home Minister Ramesh Chennithala on Kerala's central jails"
publisher: "truevisionnews.com"
canonical_url: "https://truevisionnews.com/news/364907/home-minister-ramesh-chennithala-on-keralas-central-jails"
published_at: "2026-06-09T14:36:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a06874a0f3d5_ramesh1.jpg"
keywords: ["Latest News", "Thiruvanandapuram", "Kerala's Central Jails", "Home Minister Ramesh Chennithala"]
---

# തടവുകാരുടെ എണ്ണത്തിൽ വൻ വർധനവ്; കേരളത്തിൽ ഒരു സെൻട്രൽ ജയിൽ കൂടി വേണമെന്ന് ആഭ്യന്തരമന്ത്രി രമേശ് ചെന്നിത്തല

> **Lead Summary:** **തിരുവനന്തപുരം: [** കേരളത്തിൽ തടവുകാരുടെ എണ്ണം നാൾക്കുനാൾ വർധിച്ചുവരുന്ന സാഹചര്യത്തിൽ സംസ്ഥാനത്തിന് ഒരു സെൻട്രൽ ജയിൽ കൂടി അത്യാവശ്യമാണെന്ന് ആഭ്യന്തരമന്ത്രി രമേശ് ചെന്നിത്തല.

## Article Content

**തിരുവനന്തപുരം: [** കേരളത്തിൽ തടവുകാരുടെ എണ്ണം നാൾക്കുനാൾ വർധിച്ചുവരുന്ന സാഹചര്യത്തിൽ സംസ്ഥാനത്തിന് ഒരു സെൻട്രൽ ജയിൽ കൂടി അത്യാവശ്യമാണെന്ന് ആഭ്യന്തരമന്ത്രി രമേശ് ചെന്നിത്തല.

ജയിൽ ആസ്ഥാനത്ത് വെച്ച് ജയിൽ ഡി.ഐ.ജിമാരുമായും ഉന്നത ഉദ്യോഗസ്ഥരുമായും നടത്തിയ നിർണായക കൂടിക്കാഴ്ചയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

തടവുകാരുടെ എണ്ണത്തിലുണ്ടാകുന്ന വർധനവ് പരിഹരിക്കുന്നതിനൊപ്പം തന്നെ സംസ്ഥാനത്തെ ജയിലുകളിൽ സമഗ്രമായ പരിഷ്‌കാരങ്ങൾ കൊണ്ടുവരാൻ സർക്കാർ നടപടികൾ ആരംഭിച്ചതായും ആഭ്യന്തരമന്ത്രി വ്യക്തമാക്കി.

കുറ്റവാളികളെ വെറുതെ പാർപ്പിക്കുന്ന ഇടങ്ങൾ എന്നതിലുപരി, അവരെ നല്ല മാർഗത്തിലേക്ക് നയിക്കുന്ന മികച്ച തെറ്റുതിരുത്തൽ കേന്ദ്രങ്ങളായാണ് കേരളത്തിലെ ജയിലുകൾ നിലവിൽ പ്രവർത്തിക്കുന്നതെന്ന് അദ്ദേഹം ചൂണ്ടിക്കാട്ടി.

കാലത്തിനനുസരിച്ചുള്ള ആധുനികവത്കരണത്തിന്റെ പാതയിലാണ് ഇപ്പോൾ ജയിൽ വകുപ്പ് മുന്നോട്ടുപോകുന്നത്. ജയിലുകളുടെ സുരക്ഷ ഉറപ്പാക്കുന്നതിനും തടവുകാരുടെ പുനരധിവാസം കൂടുതൽ കാര്യക്ഷമമാക്കുന്നതിനും ആവശ്യമായ മാറ്റങ്ങളെക്കുറിച്ച് ഉദ്യോഗസ്ഥരുമായി വിശദമായ ചർച്ചകൾ നടത്തിയെന്നും, വരും ദിവസങ്ങളിൽ കൃത്യമായ പരിഷ്കരണ പദ്ധതികൾ നടപ്പിലാക്കുമെന്നും അദ്ദേഹം കൂട്ടിച്ചേർത്തു.

### Related Links & Sources
- [Original Story Source](https://truevisionnews.com/news/364907/home-minister-ramesh-chennithala-on-keralas-central-jails)