---
title: "ഞായറാഴ്ചയായത് ഭാഗ്യം! അതിശക്തമായ കാറ്റിൽ സ്കൂൾ കെട്ടിടത്തിന്റെ മേൽക്കൂര പറന്നുപോയി; പത്തനംതിട്ടയിൽ കനത്ത നാശനഷ്ടം"
english_title: "The roof of the school building was blown off by the wind."
publisher: "truevisionnews.com"
canonical_url: "https://truevisionnews.com/news/364509/the-roof-of-the-school-building-was-blown-off-by-the-wind"
published_at: "2026-06-07T15:45:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a25450799cd4_MELKKOORA.jpg"
keywords: ["Latest News", "Pathanamthitta", "strong wind", "Damage"]
---

# ഞായറാഴ്ചയായത് ഭാഗ്യം! അതിശക്തമായ കാറ്റിൽ സ്കൂൾ കെട്ടിടത്തിന്റെ മേൽക്കൂര പറന്നുപോയി; പത്തനംതിട്ടയിൽ കനത്ത നാശനഷ്ടം

> **Lead Summary:** **പത്തനംതിട്ട: [**ശക്തമായ കാറ്റിലും മഴയിലും സ്കൂൾ കെട്ടിടത്തിന്റെ മേൽക്കൂര പൂർണ്ണമായി തകർന്നു വീണ് വൻ നാശനഷ്ടം. പത്തനംതിട്ട തണ്ണിത്തോട് സെന്റ് ബെനഡിക്ട് എം.എസ്.സി. ഹൈസ്കൂളിലാണ് ഞായറാഴ്ച ഉച്ചയോടെ നാടിനെ നടുക്കിയ സംഭവം ഉണ്ടായത്.

## Article Content

**പത്തനംതിട്ട: [**ശക്തമായ കാറ്റിലും മഴയിലും സ്കൂൾ കെട്ടിടത്തിന്റെ മേൽക്കൂര പൂർണ്ണമായി തകർന്നു വീണ് വൻ നാശനഷ്ടം. പത്തനംതിട്ട തണ്ണിത്തോട് സെന്റ് ബെനഡിക്ട് എം.എസ്.സി. ഹൈസ്കൂളിലാണ് ഞായറാഴ്ച ഉച്ചയോടെ നാടിനെ നടുക്കിയ സംഭവം ഉണ്ടായത്.

സ്കൂളിന്റെ രണ്ടാംനില കെട്ടിടത്തിന് മുകളിൽ സ്ഥാപിച്ചിരുന്ന ഷീറ്റ് മേഞ്ഞ മേൽക്കൂരയാണ് കനത്ത കാറ്റിൽ ഇളകിമാറി പറന്നുപോയത്. പറന്നുപോയ മേൽക്കൂര സമീപത്തെ വീടിന് മുകളിലേക്കാണ് പതിച്ചത്.

ഇന്ന് ഉച്ചയ്ക്ക് 12.30-ഓടെയാണ് സംഭവം നടന്നത്. കുട്ടികൾ സ്ഥിരമായി ഇരുന്ന് പഠിക്കുന്ന ക്ലാസ് മുറികളുള്ള കെട്ടിടത്തിന്റെ മേൽക്കൂരയാണ് കാറ്റിൽ തകർന്നത്. എന്നാൽ ഞായറാഴ്ചയായതിനാൽ സ്കൂളിന് അവധിയായിരുന്നതും ക്ലാസ് മുറികളിലോ പരിസരത്തോ കുട്ടികളും അധ്യാപകരും ഇല്ലാതിരുന്നതും വലിയൊരു ദുരന്തം അത്ഭുതകരമായി ഒഴിവാക്കുകയായിരുന്നു.

കനത്ത മഴയ്ക്കൊപ്പം അതിശക്തമായ കാറ്റും വീശിയടിച്ചതാണ് സ്കൂൾ കെട്ടിടത്തിന് കേടുപാടുകൾ വരുത്തിയത്. വിവരമറിഞ്ഞ് നാട്ടുകാരും സ്കൂൾ അധികൃതരും സ്ഥലത്തെത്തി ആവശ്യമായ മുൻകരുതലുകൾ സ്വീകരിച്ചു.

വരും ദിവസങ്ങളിലും ശക്തമായ മഴയ്ക്ക് സാധ്യതയുള്ളതിനാൽ സ്കൂൾ കെട്ടിടത്തിന്റെ സുരക്ഷ ഉറപ്പാക്കാനുള്ള നടപടികൾ അടിയന്തരമായി കൈക്കൊള്ളുമെന്നാണ് വിവരം.

### Related Links & Sources
- [Original Story Source](https://truevisionnews.com/news/364509/the-roof-of-the-school-building-was-blown-off-by-the-wind)