ജമ്മു കശ്മീരിൽ ഭീകരവിരുദ്ധ ഓപ്പറേഷനിടെ അപകടം; മലയിടുക്കിൽ വീണ് ലഫ്റ്റനന്റിന് ദാരുണാന്ത്യം

ശ്രീനഗർ: ( https://truevisionnews.com/) ജമ്മു കശ്മീരിലെ രജൗരി ജില്ലയിൽ ഭീകരവിരുദ്ധ ഓപ്പറേഷനിടെ മലയിടുക്കിലേക്ക് കാൽ വഴുതിവീണ് സൈനിക ഉദ്യോഗസ്ഥന് ദാരുണാന്ത്യം. 'ഓപ്പറേഷൻ ഷേരാവാലി' ദൗത്യത്തിൽ പങ്കാളിയായിരുന്ന ലഫ്റ്റനന്റ് ബീരേശ്വർ ഗോസ്വാമിയാണ് വീരചരമം പ്രാപിച്ചത്.

ഓപ്പറേഷന്റെ പതിനാറാം ദിവസമായ ശനിയാഴ്ച വൈകുന്നേരമായിരുന്നു അപകടം. ഇടുങ്ങിയ മലഞ്ചെരിവിലൂടെ നീങ്ങുന്നതിനിടെ ഇദ്ദേഹം അപകടത്തിൽപ്പെടുകയായിരുന്നു. ഉടൻ തന്നെ പുറത്തെടുത്ത് ചികിത്സ ലഭ്യമാക്കിയെങ്കിലും ജീവൻ രക്ഷിക്കാനായില്ല.

സംഭവത്തിൽ ഇന്ത്യൻ ആർമിയുടെ വൈറ്റ് നൈറ്റ് കോർപ്സ് ആദരാഞ്ജലികൾ അർപ്പിച്ചു. ദുർഘടമായ ഭൂപ്രകൃതിയിലും പ്രതികൂല കാലാവസ്ഥയിലും രാജ്യത്തിനായി ജീവൻ വെടിഞ്ഞ ലഫ്റ്റനന്റിന്റെ ത്യാഗം സൈന്യത്തിന് എന്നും പ്രചോദനമായിരിക്കുമെന്ന് അവർ എക്സിൽ (X) കുറിച്ചു. ലഫ്റ്റനന്റ് ജനറൽ പി.കെ മിശ്രയടക്കമുള്ള മുതിർന്ന സൈനിക ഉദ്യോഗസ്ഥരും അദ്ദേഹത്തിന് അനുശോചനം രേഖപ്പെടുത്തി.

എന്താണ് 'ഓപ്പറേഷൻ ഷേരാവാലി'?

Also read: പീഡനശ്രമം യാത്രയ്ക്കിടെ ....! ഹൈദരാബാദിൽ എയർലൈൻ ജീവനക്കാരിക്ക് നേരെ അതിക്രമം, 23കാരനായ ക്യാബ് ഡ്രൈവർ അറസ്റ്റിൽ

 രജൗരിയിലെ ദോരിമാൽ-ഗംഭീർ മുഗളൻ വനമേഖലയിൽ തമ്പടിച്ചിരിക്കുന്ന പാകിസ്ഥാൻ ഭീകരരെ കണ്ടെത്തുക എന്ന ലക്ഷ്യത്തോടെ മെയ് മാസത്തിലാണ് ഈ ദൗത്യം ആരംഭിച്ചത്. 

'ഫൗജി' എന്ന കോഡ് നാമത്തിൽ അറിയപ്പെടുന്ന ഉന്നത ഭീകര കമാൻഡർ ഉൾപ്പെടെ മൂന്ന് പാകിസ്ഥാൻ ഭീകരർ ഈ കാടുകളിലുണ്ടെന്നാണ് രഹസ്യാന്വേഷണ റിപ്പോർട്ട്.

ഡ്രോണുകളും ട്രാക്കർ നായ്ക്കളും ഉപയോഗിച്ച് രണ്ടാഴ്ചയിലേറെയായി സൈന്യവും അർദ്ധസൈനിക വിഭാഗവും ഈ മലനിരകളിൽ ശക്തമായ തിരച്ചിൽ നടത്തിവരികയാണ്.

Content Highlight: Accident during anti-terror operation in Jammu and Kashmir; Lieutenant dies after falling into gorge

#LATEST NEWS #Jammu and Kashmir #Lieutenant dies #Anti-terror operation