---
title: "തുണികൾ ഉണങ്ങാൻ സമയമെടുക്കുന്നതിനൊപ്പം കടുത്ത മണവും; വസ്ത്രങ്ങൾ കേടാകാതിരിക്കാൻ ഇക്കാര്യങ്ങൾ ശ്രദ്ധിക്കൂ..."
english_title: "To keep your clothes dry and prevent them from getting damaged during the rainy season, take care of these things."
publisher: "truevisionnews.com"
canonical_url: "https://truevisionnews.com/news/364231/to-keep-your-clothes-dry-and-prevent-them-from-getting-damaged-during-the-rainy-season-take-care-of-these-things"
published_at: "2026-06-06T12:53:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/6a23cb4b48fe5_dress.jpg"
keywords: ["Clothes", "Damaged", "Rainy Season"]
---

# തുണികൾ ഉണങ്ങാൻ സമയമെടുക്കുന്നതിനൊപ്പം കടുത്ത മണവും; വസ്ത്രങ്ങൾ കേടാകാതിരിക്കാൻ ഇക്കാര്യങ്ങൾ ശ്രദ്ധിക്കൂ...

> **Lead Summary:** ** **മഴക്കാലത്ത് വീട്ടമ്മമാരെ ഏറ്റവും കൂടുതൽ അലട്ടുന്ന പ്രശ്നങ്ങളിലൊന്നാണ് അലക്കിയ വസ്ത്രങ്ങൾ കൃത്യമായി ഉണങ്ങി കിട്ടാത്തത്. ദിവസങ്ങളോളം നനവ് മാറാതെ കിടക്കുന്ന തുണികളിൽ നിന്ന് വമിക്കുന്ന അസഹ്യമായ ദുർഗന്ധം പലപ്പോഴും ഇവ വീണ്ടും ഉപയോഗിക്കാൻ പറ്റാത്ത അവസ്ഥാ ഉണ്ടാക്കുന്നു.

## Article Content

** **മഴക്കാലത്ത് വീട്ടമ്മമാരെ ഏറ്റവും കൂടുതൽ അലട്ടുന്ന പ്രശ്നങ്ങളിലൊന്നാണ് അലക്കിയ വസ്ത്രങ്ങൾ കൃത്യമായി ഉണങ്ങി കിട്ടാത്തത്. ദിവസങ്ങളോളം നനവ് മാറാതെ കിടക്കുന്ന തുണികളിൽ നിന്ന് വമിക്കുന്ന അസഹ്യമായ ദുർഗന്ധം പലപ്പോഴും ഇവ വീണ്ടും ഉപയോഗിക്കാൻ പറ്റാത്ത അവസ്ഥാ ഉണ്ടാക്കുന്നു.

വസ്ത്രങ്ങളുടെ ഭംഗി കെടുത്തുന്നതിനൊപ്പം ഇവ പെട്ടെന്ന് കേടാകാനും ഈ ഈർപ്പം കാരണമാകും. വസ്ത്രങ്ങൾ നശിച്ചുപോകാൻ മാത്രമല്ല, ആരോഗ്യ പ്രശ്നങ്ങൾക്കും കാരണമായേക്കാവുന്ന ഈ ദുർഗന്ധം എങ്ങനെ എളുപ്പത്തിൽ മാറ്റാമെന്ന് നോക്കാം.

1. തുണികൾ ഉടനടി ഉണക്കുക 

അലക്കിയ നനഞ്ഞ തുണികൾ ഒരിക്കലും വാഷിംഗ് മെഷീനിൽ തന്നെ ഇട്ടുവെക്കരുത്. വസ്ത്രങ്ങളിൽ നിന്ന് ആർദ്രതയുള്ള (നനവിന്റെ) ദുർഗന്ധം വരാതിരിക്കാൻ അലക്കൽ കഴിഞ്ഞയുടൻ തന്നെ അവ ഉണക്കാനിടുക.

2. വസ്ത്രം ഉണക്കാൻ ഫാനോ ഇൻഡോർ ഡ്രയറോ ഉപയോഗിക്കുക 

ഫാനുള്ള ഒരു മുറിയിൽ വസ്ത്രങ്ങൾ തൂക്കിയിടുകയോ അല്ലെങ്കിൽ ജനലിനരികിൽ ഡ്രയിംഗ് റാക്ക് (drying rack) വെച്ച് അതിൽ തുണികൾ വിരിച്ചിടുകയോ ചെയ്യുക. ഇത് വായുസഞ്ചാരം കൂട്ടാനും വസ്ത്രങ്ങൾ വേഗത്തിൽ ഉണങ്ങാനും സഹായിക്കും.

3. അലക്കുമ്പോൾ നാരങ്ങാനീരോ വിനാഗിരിയോ ചേർക്കുക 

അലക്കുന്നതിന്റെ അവസാന ഘട്ടത്തിൽ (rinse cycle) അരക്കപ്പ് വെള്ള വിനാഗിരിയോ അല്ലെങ്കിൽ കുറച്ച് നാരങ്ങാനീരോ ചേർക്കുക. ഇത് വസ്ത്രങ്ങളിലെ ബാക്ടീരിയകളെ നശിപ്പിക്കുകയും അവയ്ക്ക് പുതുമയുള്ള സുഗന്ധം നൽകുകയും ചെയ്യും.

4. തുണികൾ ഉണങ്ങിയ ശേഷം ഇസ്തിരിയിടുക 

ഇസ്തിരിയിടുന്നത് തുണിയിൽ അവശേഷിക്കുന്ന അണുക്കളെ നശിപ്പിക്കാനും ഈർപ്പം പൂർണമായും മാറ്റാനും സഹായിക്കുന്നു. ഇത് വസ്ത്രങ്ങൾക്ക് പുതുമയുള്ള മണം നൽകുകയും ചെയ്യും.

5. വരണ്ടതും വായുസഞ്ചാരമുള്ളതുമായ സ്ഥലങ്ങളിൽ സൂക്ഷിക്കുക

ഇസ്തിരിയിടുന്നത് തുണിയിൽ അവശേഷിക്കുന്ന അണുക്കളെ നശിപ്പിക്കാനും ഈർപ്പം പൂർണമായും മാറ്റാനും സഹായിക്കുന്നു. ഇത് വസ്ത്രങ്ങൾക്ക് നല്ലൊരു പുതുമയുള്ള മണം നൽകുകയും ചെയ്യും. വരണ്ടതും വായുസഞ്ചാരമുള്ളതുമായ സ്ഥലങ്ങളിൽ വസ്ത്രം സൂക്ഷിക്കുക.

### Related Links & Sources
- [Original Story Source](https://truevisionnews.com/news/364231/to-keep-your-clothes-dry-and-prevent-them-from-getting-damaged-during-the-rainy-season-take-care-of-these-things)